საკითხები

TOR-ბრაუზერის შესახებ

Tor-ბრაუზერი იყენებს Tor-ქსელს თქვენი პირადულობისა და ვინაობის გამჟღავნებისგან დასაცავად. Tor-ქსელის გამოყენებას ორი მთავარი უპირატესობა გააჩნია:

ამასთანავე, Tor-ბრაუზერი არ აძლევს საშუალებას ვებსაიტებს დაგიმახსოვრონ ან ამოგიცნონ ბრაუზერში გამართული პარამეტრების მიხედვით.

ნაგულისხმევად, Tor-ბრაუზერი არ ინახავს მონახულებული გვერდების ისტორიას. ფუნთუშები მოქმედია მხოლოდ ერთი სეანსი (Tor-ბრაუზერის დახურვამდე ან ახალი ვინაობის მოთხოვნამდე).

როგორ მუშაობს TOR

Tor წარმოადგენს გვირაბების ერთგვარ ქსელს, რომელიც საშუალებას გაძლევთ პირადი მონაცემების დაცვით და უსაფრთხოდ ისარგებლოთ ინტერნეტით. Tor აგზავნის მონაცემებს სამი შემთხვევით არჩეული მომსახურე კომპიუტერის (ე.წ. გადამცემი წერტილის) გავლით Tor-ქსელში. წრედის ბოლო გადამცემი კი (ანუ „გამსვლელი წერტილი“) ამ მონაცემებს, შემდგომ აგზავნის ღია ინტერნეტში.

როგორ მუშაობს Tor

The image above illustrates a user browsing a website over Tor where the traffic goes over multiple hops or relays, represented by the slices of onion, and is encrypted and decrypted at each hop.

ჩამოტვირთვა

ყველაზე მეტად უსაფრთხო და მარტივი გზა Tor-ბრაუზერის ჩამოსატვირთად, Tor-პროექტის ოფიციალური ვებსაიტია https://www.torproject.org/ka/download. თქვენი კავშირი საიტთან დაცულია HTTPS-არხით, რომელიც არ აძლევს უცხო პირებს კავშირში ჩართვის ან გვერდის გაყალბების საშუალებას.

მიუხედავად ამისა, ზოგ შემთხვევაში შესაძლოა, არ იყოს შესაძლებელი Tor-პროექტის საიტთან წვდომა: მაგალითად, როცა შეზღუდულია თქვენი ქსელიდან. ასეთ შემთხვევებში, სანაცვლოდ შეგიძლიათ გამოიყენოთ ქვემოთ მითითებული გზები:

სათადარიგო ბმულები

თუ ვერ ახერხებთ Tor-ბრაუზერის ჩამოტვირთვას Tor-პროექტის მთავარი საიტიდან, სანაცვლოდ შეგიძლიათ გამოიყენოთ ოფიციალური სათადარიგო ბმულები, ან EFF, ან Calyx Institute.

GetTor

GetTor წარმოადგენს მომსახურებას, რომელიც წერილზე პასუხის სახით ავტომატურად აგზავნის Tor-ბრაუზერის უახლესი ვერსიების ჩამოსატვირთ ბმულებს, განთავსებულს სხვადასხვა საიტებზე, როგორებიცაა Dropbox, Google Drive და GitHub.

GETTOR-ის გამოყენება ელფოსტით

გაგზავნეთ წერილი ელფოსტაზე gettor@torproject.org და შიგთავსში ჩაუწერეთ მხოლოდ „windows“, „osx“ ან „linux“ (ბრჭყალების გარეშე), თქვენი სისტემის შესაბამისად. მაგალითად, Tor-ბრაუზერის ჩამოსატვირთად Windows-ისთვის, გაგზავნეთ წერილი ელფოსტაზე gettor@torproject.org სიტყვით „windows“.

GetTor ავტომატურად უპასუხებს წერილს ელფოსტაზე ბმულებით, რომლებითაც შეგეძლებათ ჩამოტვირთოთ Tor-ბრაუზერის დასაყენებელი პროგრამა დაშიფრული ხელმოწერით (ჩამოტვირთული ფაილის ნამდვილობის შესამოწმებლად), ერთგვარი გასაღების ანაბეჭდით, რომელიც წარმოადგენს ფაილის სადარჯამს. ასევე შესაძლოა, შემოთავაზებული იყოს არჩევანი „32-ბიტიანსა“ და „64-ბიტიანს“ შორის: ეს დამოკიდებულია თქვენი კომპიუტერის სისტემაზე.

GETTOR-ის გამოყენება TELEGRAM-ით

გაუგზავნეთ წერილი @GetTor_Bot-ს Telegram-ზე.

GetTor Bot

დაყენება

System requirements

Tor Browser is based on Mozilla Firefox's ESR (Extended Support Release), which periodically updates to include critical security updates from Firefox's main version. Due to these updates, older operating systems may eventually become incompatibile with newer versions of software dependencies that are only available in more recent OS versions. Maintaining support for outdated systems would compromise the security of Tor Browser, as it would require disabling newer security features and mechanisms that are crucial for protecting users' online anonymity.

Note: Support for Windows 7, 8, and 8.1 and macOS 10.12 to 10.14 is discontinued with Tor Browser 14. Users on these legacy operating systems will continue to receive security updates for Tor Browser 13.5 for until at least March of 2025. We strongly advise users to update in order to maintain access to the most recent updates and security features provided by Tor Browser.

Windows

Operating Systems (32-bit and 64-bit):

macOS

Linux

Tor Browser is supported on any modern Linux-based operating system. Please reach out if you encounter any issues while installing.

Android

დაყენება

Windows-ზე

  1. გადადით Tor-ბრაუზერის ჩამოტვირთვის გვერდზე.

  2. ჩამოტვირთეთ Windows-ზე .exe ფაილი.

  3. (სასურველია) ფაილის ნამდვილობის დამოწმება ხელმოწერით.

  4. მას შემდეგ, რაც ჩამოტვირთვა დასრულდება, ორჯერ დაწკაპეთ .exe ფაილზე. დაელოდეთ დაყენების მეგზურის მუშაობის დასრულებას.

macOS-ზე

  1. გადადით Tor-ბრაუზერის ჩამოტვირთვის გვერდზე.

  2. ჩამოტვირთეთ macOS-ის .dmg ფაილი.

  3. (სასურველია) ფაილის ნამდვილობის დამოწმება ხელმოწერით.

  4. მას შემდეგ, რაც ჩამოტვირთვა დასრულდება, დაწკაპეთ .dmg ფაილზე. დაელოდეთ დაყენების მეგზურის მუშაობის დასრულებას.

For Linux

  1. გადადით Tor-ბრაუზერის ჩამოტვირთვის გვერდზე.

  2. Download the Linux .tar.xz file.

  3. (სასურველია) ფაილის ნამდვილობის დამოწმება ხელმოწერით.

  4. შემდეგ კი მიჰყევით ან გრაფიკულ, ან ბრძანებათა ველის მითითებებს:

გრაფიკული ხერხი

Note: If these steps do not work, please try the following command-line method.

ბრძანებათა ველის ხერხი

იხილეთ, როგორ უნდა განაახლოთ Tor-ბრაუზერი.

TOR-ბრაუზერის პირველი გაშვება

Tor-ბრაუზერის გაშვებისას იხილავთ Tor-თან დაკავშირების ფანჯარას. იგი გთავაზობთ აირჩიოთ, პირდაპირ დაუკავშირდეთ Tor-ქსელს, თუ გამართოთ Tor-ბრაუზერი თქვენი კავშირებისთვის. Check the toggle if you want to get automatically connected to the Tor network.

დაკავშირება

დაწკაპეთ 'დაკავშირებას' Tor-ქსელთან მისაერთებლად

უმეტეს შემთხვევაში, „დაკავშირებაზე“ დაჭერა, საკმარისია Tor-ქსელთან მისაერთებლად დამატებითი გამართვის გარეშე.

როდესაც დააწკაპებთ, გამოჩნდება მდგომარეობის ზოლი, სადაც ნაჩვენები იქნება Tor-თან კავშირის მიმდინარეობა. თუ შედარებით სწრაფი ინტერნეტი გაქვთ და ზოლის შევსება გაიჭედება ერთ წერტილში, დაიხმარეთ „კავშირის მეგზური“ ან იხილეთ გაუმართაობის აღმოფხვრის გვერდი ხარვეზის გამოსასწორებლად. თუ იცით, რომ თქვენი კავშირი ცენზურის ქვეშაა ან პროქსის იყენებს, მაშინ უმჯობესია დაწკაპოთ „კავშირის გამართვა“.

დაწკაპეთ 'კავშირის გამართვას' ქსელის პარამეტრების მოსარგებად

კავშირის მეგზური

თუ Tor იზღუდება თქვენს ადგილსამყოფელზე, ხიდი გამოგადგებათ. კავშირის მეგზური აგირჩევთ მდებარეობის მიხედვით.

კავშირის მეგზური ავტომატურად

If Connection Assist is unable to determine your location you can select your region from the dropdown menu and click on 'Try a Bridge'.

კავშირის მეგზურის გამართვა

გამართვა

Tor-ბრაუზერი გაგიძღვებათ გარკვეული სახის პარამეტრების გასამართად.

კავშირის მეგზური გაცნობებთ ინტერნეტთან და Tor-ქსელთან შეერთების მდგრადობის შესახებ.

კავშირის წარმატებულად შემოწმება

კავშირის წარუმატებლად შემოწმება

პირველი მოსანიშნია „სწრაფგაშვება“. როცა მონიშნულია, ყოველი გახსნისას Tor-ბრაუზერი თავადვე შეეცდება დაკავშირებას, ქსელის უკვე მითითებული პარამეტრებით.

სწრაფგაშვება

თუ იცით, რომ ცენზურის ქვეშ იმყოფებით ან სცადეთ დაკავშირება Tor-ქსელთან და ვერ მოხერხდა, ამასთან ვერც სხვა გადაწყვეტებმა უშველა, შეგიძლიათ სცადოთ მისაერთებელი გადამყვანების გამართვა Tor-ბრაუზერში. „ხიდებთან“ გამოჩნდება გვერდის ავლის არე, საიდანაც შეძლებთ გამართოთ მისაერთებელი გადამყვანები ან დაუკავშირდეთ ხიდებით.

Tor-ხიდის გამართვა

სხვა პარამეტრები

თუ თქვენი კავშირი პროქსის იყენებს, მის გასამართად გახსენით „პარამეტრები...“ და შემდეგ „მიუთითეთ, თუ როგორ დაუკავშირდეს Tor-ბრაუზერი ინტერნეტს“. ჩვეულებრივ, არაა საჭირო რამის შეცვლა. წესით, ისედაც გეცოდინებათ, თუ რომელიმე უჯრის მონიშვნაა საჭირო, რადგან იმავე პარამეტრების მითითება, სხვა ბრაუზერებზეც დაგჭირდებოდათ. თუ შესაძლებელია, გაესაუბრეთ თქვენი ქსელის ზედამხედველს, დამატებითი მითითებებისთვის. თუ თქვენი ქსელი არ იყენებს პროქსის, დაწკაპეთ „დაკავშირება“.

პროქსის პარამეტრები Tor-ბრაუზერისთვის

ANTI-FINGERPRINTING

Understanding browser fingerprinting

Browser fingerprinting is the systematic collection of information about the web browser to make educated guesses about its identity or characteristics. Each browser's settings and features create a "browser fingerprint". Most browsers inadvertently create a unique fingerprint for each user, which can be tracked across the internet. For more in-depth information on browser fingerprinting, refer to these articles on the Tor Blog: Browser Fingerprinting: An Introduction and the Challenges Ahead and Tor Browser: a legacy of advancing private browsing innovation.

Why browser fingerprinting threatens online privacy?

First, there is no need to ask for permissions from the user to collect this information. Any script running in the browser can silently build a fingerprint of the device without users even knowing about it.

Second, if one attribute of the browser fingerprint is unique or if the combination of several attributes is unique, the device can be identified and tracked online. This means that even without cookies, a device can be tracked using its fingerprint.

How Tor Browser mitigates fingerprinting

Tor Browser is specifically engineered to minimize the uniqueness of each user's fingerprint across various metrics. While it is practically impossible to make all Tor Browser users identical, the goal is to reduce the number of distinguishable "buckets" for each metric. This approach makes it harder to track individual users effectively.

Certain attributes, like the operating system and language, are necessary for functionality and cannot be completely hidden or spoofed. Instead, Tor Browser limits the variety within these attributes to reduce distinctiveness. For example, it limits font enumeration and applies character fallback, standardizes screen and window sizes using letterboxing, and restricts the variety of requested languages to a small, predefined set.

The key goal of Tor Browser's anti-fingerprinting protections is to make it significantly more challenging to gather enough information to uniquely identify users, thereby enhancing privacy without compromising necessary functionality.

Anti-fingerprinting features in Tor Browser

Letterboxing

To prevent fingerprinting based on screen dimensions, Tor Browser starts with a content window rounded to a multiple of 200px x 100px. The strategy here is to put all users in a couple of buckets to make it harder to single them out. That works so far until users start to resize their windows (e.g. by maximizing them or going into fullscreen mode). Tor Browser ships with a fingerprinting defense for those scenarios as well, which is called Letterboxing, a technique developed by Mozilla and presented in 2019. It works by adding margins to a browser window so that the window is as close as possible to the desired size while users are still in a couple of screen size buckets that prevent singling them out with the help of screen dimensions.

In simple words, this technique makes groups of users of certain screen sizes and this makes it harder to single out users on basis of screen size, as many users will have same screen size.

letterboxing

Other anti-fingerprinting features

In addition to letterboxing, Tor Browser employs many other features to mitigate browser fingerprinting and protect user privacy. These features include Canvas image extraction blocking, NoScript integration, user-agent spoofing, and first-party isolation. For a complete list of features, please read the Tor Browser design and implementation document.

გვერდის ავლა

ზოგჯერ, პირდაპირი წვდომა Tor-ქსელთან შეზღუდულია თქვენი ინტერნეტის მომწოდებლის ან მთავრობის მიერ. Tor-ბრაუზერს გააჩნია ამ შეზღუდვებისთვის გვერდის ავლის გარკვეული საშუალებები. მათ ეწოდება „მისაერთებელი გადამყვანები“.

მისაერთებელი გადამყვანის სახეობები

ამჟამად ოთხი სახის მისაერთებელი გადამყვანია ხელმისაწვდომი, მაგრამ სხვებიც მუშავდება.

obfs4 obfs4 აძლევს Tor-ით მიმოცვლილ მონაცემებს შემთხვევით სახეს და ამასთან არ აძლევს ცენზორებს საშუალებას მოიძიონ გადამცემი ხიდები, ინტერნეტსკანერით. obfs4 გადამცემი ხიდის აღმოჩენა და შეზღუდვა ნაკლებად მოსალოდნელია, ვიდრე მისი წინამორბედის, obfs3-ის გადამცემის.
meek meek-გადამყვანები გადაცემულ მონაცემებს აძლევს ისეთ სახეს, თითქოს Tor-ქსელით სარგებლობის ნაცვლად, ცნობილ საიტებს ათვალიერებთ. meek-azure წარმოაჩენს ისე, თითქოს Microsoft-ის ვებმომსახურებებს უკავშირდებით.
Snowflake Snowflake კავშირებს ამისამართებს მოხალისეთა მიერ უზრუნველყოფილი შუამავალი პროქსებით, შედეგად კი ისე ჩანს, თითქოს ვიდეოზარით ურეკავთ ვინმეს, ნაცვლად Tor-ით სარგებლობისა.
WebTunnel WebTunnel ნიღბავს თქვენს კავშირს Tor-თან, წარმოაჩენს ისე, თითქოს ვებსაიტს უკავშირდებოდეთ HTTPS-არხით.

მისაერთებელი გადამყვანების გამოყენება

მისაერთებელი გადამყვანით სარგებლობისთვის დაწკაპეთ „კავშირის გამართვას“ Tor-ბრაუზერის პირველი გაშვებისას. „ხიდების“ განყოფილებაში მონახეთ „ამორჩევა Tor-ბრაუზერის ჩაშენებული ხიდებიდან“ და დაწკაპეთ „ჩაშენებული ხიდის მითითება“. მენიუდან მიუთითეთ სასურველი მისაერთებელი გადამყვანი გამოსაყენებლად.

Once you've selected the pluggable transport, click on "Connect" to save your settings.

ანდაც, თუ Tor-ბრაუზერი უკვე გაშვებულია, დაწკაპეთ „პარამეტრები“ მთავარ მენიუში (≡), ხოლო შემდეგ „დაკავშირება“ გვერდით ზოლზე. „ხიდების“ განყოფილებაში მონახეთ „ამორჩევა Tor-ბრაუზერის ჩაშენებული ხიდებიდან“ და დაწკაპეთ „ჩაშენებული ხიდის მითითება“. Choose whichever pluggable transport you'd like to use from the menu and click on "OK". თქვენი პარამეტრები ავტომატურად შეინახება ჩანართის დახურვისას.

ჩაშენებული ხიდების გამართვა

რომელი გადამყვანი უნდა გამოვიყენო?

Tor-ის ხიდების მენიუში მოცემული თითოეული გადამყვანი, სხვადასხვაგვარად მუშაობს და მათი შედეგიანობა დამოკიდებულია გვერდის ავლის თავისებურებებზე.

თუ პირველად ცდილობთ შეზღუდული ქსელისთვის გვერდის ავლას, ჯობია მოსინჯოთ სხვადასხვა სახის გადამყვანები: obfs4, snowflake ან meek-azure.

თუ ცდით ყველა მათგანს და ვერცერთი ვერ დაგაკავშირებთ ინტერნეტთან, დაგჭირდებათ გადამცემი ხიდების მოთხოვნა ან მათი მისამართების ხელით მითითება.

მომხმარებლებმა ჩინეთიდან სასურველია, გამოიყენონ დაფარული და აღუნუსხავი obfs4-ხიდები. მისწერეთ ჩვენს Telegram-ბოტს @GetBridgesBot და აკრიფეთ /bridges. ან გამოგზავნეთ წერილი ელფოსტაზე frontdesk@torproject.org და თემის დასახელებაში ჩაუწერეთ „private bridge ka“. თუ უკავშირდებით სხვა ქვეყნიდან, არ დაგავიწყდეთ თქვენი ქვეყნის ან ქვეყნის კოდის მითითება წერილის თემაში ელფოსტაზე.

წაიკითხეთ ხიდების შესახებ განყოფილება და შეიტყვეთ, თუ რას წარმოადგენს ხიდები და როგორ ხდება მათი მოპოვება.

ხიდები

მისაერთებელი გადამყვანების დიდი ნაწილი, მათ შორის obfs4, ეფუძნება „ხიდურ“ გადამცემებს. Tor-ის ჩვეულებრივი გადამცემების მსგავსად, ხიდებიც გაშვებულია მოხალისეების მიერ; თუმცაღა, განსხვავებით რიგითი გადამცემებისა, ისინი არაა საჯაროდ გამოქვეყნებული, შესაბამისად მოწინააღმდეგე მხარე, ვერ შეძლებს მათ ადვილად აღმოჩენას.

ხიდების გამოყენება მისაერთებელ გადამყვანებთან ერთად, გამოსადეგია Tor-ით სარგებლობის შესანიღბად, თუმცა შესაძლოა შეანელოს კავშირი, ჩვეულებრივ Tor-გადამცემებთან შედარებით.

სხვა მისაერთებელი გადამყვანები, როგორებიცაა meek და Snowflake, იყენებს ცენზურის ასარიდებელ განსხვავებულ საშუალებებს, რომლებიც არ საჭიროებს ხიდის მოძიებას. თქვენ არ დაგჭირდებათ ხიდების მისამართების მოპოვება მათ გამოსაყენებლად.

გადამცემი ხიდების მისამართების მიღება

ვინაიდან, გადამცემი ხიდები არაა საჯაროდ ხელმისაწვდომი, დაგჭირდებათ მათი მოთხოვნა. გაქვთ რამდენიმე არჩევანი:

ხიდების გამოთხოვა Tor Browser-ის შიგნიდან

თუ პირველად უშვებთ Tor-ბრაუზერს, დაწკაპეთ „კავშირის გამართვა“ Tor-პარამეტრების ფანჯრის გასახსნელად. In the "Bridges" section, locate the option to "Find more bridges" and click on "Request bridges" for Tor Project to provide a bridge. გაიარეთ Captcha-შემოწმება და დაწკაპეთ „გაგზავნა“. დაწკაპეთ „დაკავშირება“ პარამეტრების შესანახად.

ანდაც, თუ Tor-ბრაუზერი უკვე გაშვებულია, დაწკაპეთ „პარამეტრები“ მთავარ მენიუში (≡), ხოლო შემდეგ „დაკავშირება“ გვერდით ზოლზე. In the "Bridges" section, locate the option to "Find more bridges" and click on "Request bridges" for Tor Project to provide a bridge. გაიარეთ Captcha-შემოწმება და დაწკაპეთ „გაგზავნა“. თქვენი პარამეტრები ავტომატურად შეინახება ჩანართის დახურვისთანავე.

ხიდის მოთხოვნა საიტიდან torproject.org

გადამცემი ხიდების მისამართების შეყვანა

თუ პირველად უშვებთ Tor-ბრაუზერს, დაწკაპეთ „კავშირის გამართვა“ Tor-პარამეტრების ფანჯრის გასახსნელად. In the "Bridges" section, from the option "Enter bridge addresses you already know" click on "Add new bridges" and enter each bridge address on a separate line. დაწკაპეთ „დაკავშირება“ პარამეტრების შესანახად.

ანდაც, თუ Tor-ბრაუზერი უკვე გაშვებულია, დაწკაპეთ „პარამეტრები“ მთავარ მენიუში (≡), ხოლო შემდეგ „დაკავშირება“ გვერდით ზოლზე. In the "Bridges" section, from the option "Enter bridge addresses you already know" click on "Add new bridges" and enter each bridge address on a separate line. თქვენი პარამეტრები ავტომატურად შეინახება ჩანართის დახურვისას.

ხიდის მისამართის ხელით შეყვანა

თუ დაკავშირება ვერ მოხერხდა, მოცემული გადამცემი ხიდები შესაძლოა აღარ იყოს მოქმედი. გთხოვთ, ზემოთ აღნიშნული გზების საშუალებით მოითხოვოთ სხვა ხიდების მისამართები და სცადოთ ხელახლა.

ხიდნიშანი

თითოეული ხიდის მისამართი წარმოდგენილია ღიმილაკებით, სახელწოდებით ხიდნიშანი. ხიდნიშნებით შეიძლება გადამოწმება, წარმატებით დაემატა თუ არა სასურველი ხიდი.

ხიდნიშნები ხიდების ამოსაცნობი ადვილად აღსაქმელი საშუალებებია და არ გამოიყენება Tor-ქსელთან კავშირის ხარისხის ან ხიდის მიმდინარე მდგომარეობის აღმნიშვნელად. ღიმილაკების ნიშნები არ გამოდგება შესაყვანად. მომხმარებლებს სრულად მოუწევთ ხიდის მისამართის მითითება მასთან კავშირის დასამყარებლად.

ხიდნიშანი

ხიდის მისამართის გაზიარება შესაძლებელია QR-კოდით ან მთლიანი მისამართის ასლის აღებით.

ხიდის QR-კოდი

ვინაობის მართვა

როდესაც ვებსაიტს უკავშირდებით, მხოლოდ მაგ საიტის მმართველი არ აღრიცხავს თქვენს შესვლას. დღესდღეობით, საიტების უმეტესობა იყენებს სხვა საიტების მომსახურებებს, მათ შორის სოციალური ქსელების „მოწონების“ ღილაკებს, სტატისტიკის აღმრიცხველებსა და დარეკლამების საშუალებებს, რომელთაგან თითოეულს შეუძლია სხვადასხვა საიტზე თქვენს მოქმედებებს შორის კავშირის დადგენა და ერთიანად აღრიცხვა.

Tor-ქსელის გამოყენება თვალყურისმდევნებლებს არ აძლევს თქვენი მდებარეობისა და IP-მისამართის ხილვის საშუალებას, მაგრამ ამ მონაცემების გარეშეც შესაძლებელია თქვენს გარკვეულ მოქმედებებს შორის კავშირის დადგენა. ამიტომ, Tor-ბრაუზერი შეიცავს დამატებით საშუალებებსაც, რომლებითაც შეგიძლიათ განსაზღვროთ, თუ რა ინფორმაცია შეიძლება იყოს დაკავშირებული თქვენს ვინაობასთან.

მისამართების ველი

Tor-ბრაუზერი უზრუნველყოფს თქვენი მოქმედებების მისამართების ველში მოცემული საიტის ირგლივ თავმოყრას, მაშინაც კი, თუ ორ სხვადასხვა საიტს უკავშირდებით, რომლებზეც გამოყენებულია აღრიცხვის ერთი და იგივე მომსახურებები. Tor-ბრაუზერი თითოეულის შიგთავსს ხსნის ორი განსხვავებული Tor-წრედით, შედეგად ვერცერთი აღმრიცხავი ვერ შეიტყობს, რომ ორივე კავშირი ერთი და იმავე კომპიუტერიდანაა.

მეორე მხრივ, ერთი და იმავე საიტის მისამართიდან ყველა კავშირი ერთი Tor-წრედით მოდის, რაც ნიშნავს, რომ ცალკეულ საიტზე, რამდენიმე სხვადასხვა გვერდი ჩვეულებრივ შეგიძლიათ გახსნათ სხვადასხვა ჩანართსა თუ ფანჯარაში, მონაცემების დაკარგვის გარეშე.

წრედის სქემის გამოსახვა საიტის მონაცემების მენიუში

წრედის სქემა, რომელსაც Tor-ბრაუზერი იყენებს, შეგიძლიათ იხილოთ მისამართების ველში საიტის მონაცემების მენიუში.

წრედში მცველი ანუ შემავალი წერტილი წარმოადგენს პირველ კვანძს, რომელსაც ავტომატურად და შემთხვევითობით ირჩევს Tor. მაგრამ იგი განსხვავებულია წრედის დანარჩენი კვანძებისგან. დახასიათების საფუძველზე შეტევების ასარიდებლად მცველი კვანძი იცვლება მხოლოდ 2-3 თვეში ერთხელ, დანარჩენი კვანძები კი – ყოველი ახალი მისამართისთვის. ვრცლად მცველი გადამცემების შესახებ იხილეთ ᲮᲓᲙ და მხარდაჭერის გვერდი.

ანგარიშებზე შესვლა TOR-ით

მიუხედავად იმისა, რომ Tor-ბრაუზერი განკუთვნილია მომხმარებლის ვინაობის სრულად დასაფარად ინტერნეტში, ზოგჯერ არის შემთხვევები, როცა Tor-ის გამოყენება გამოსადეგია საიტებზე, რომლებიც ანგარიშზე შესასვლელად საჭიროებს მომხმარებლის სახელს, პაროლს ან სხვა მონაცემებს.

თუ საიტის ანგარიშზე ჩვეულებრივი ბრაუზერით შეხვალთ, თქვენ ასევე გასცემთ თქვენს IP-მისამართსა და ადგილმდებარეობას. იგივე ეხება ელფოსტის გაგზავნასაც. ხოლო, თუ სოციალურ ქსელსა და ელფოსტაზე Tor-ბრაუზერით შეხვალთ, თქვენ შეგეძლებათ ზუსტად განსაზღვროთ, რა მონაცემების გამხელა გსურთ ამ ვებსაიტებისთვის. Tor-ბრაუზერის გამოყენება ანგარიშებზე შესასვლელად, აგრეთვე გამოსადეგია მაშინ, როცა საიტთან კავშირი ან ქსელი შეზღუდულია და ცენზურის ქვეშაა.

საიტზე Tor-ით შესვლისას, რამდენიმე რამ უნდა გაითვალისწინოთ:

ვინაობისა და წრედების შეცვლა

ახალი ვინაობა და ახალი Tor-წრედი მთავარ მენიუში

Tor-ბრაუზერის შესაძლებლობები „ახალი ვინაობა“ და „ახალი Tor-წრედი ამ საიტისთვის“. ასევე განთავსებულია მთავარ მენიუში (≡).

ახალი ვინაობა

ეს პარამეტრი გამოსადეგია, თუ გსურთ, რომ თქვენი მომდევნო მოქმედებები ვებგვერდებზე, არ იყოს დაკავშირებული წინა მოქმედებებთან. შედეგად, ყველა გახსნილი ჩანართი და ფანჯარა დაიხურება, გასუფთავდება პირადი მონაცემები, როგორიცაა ფუნთუშები და ისტორია, შემდეგ კი ახალი კავშირებისთვის, ახალი Tor-წრედები შეიქმნება. Tor-ბრაუზერი გაგაფრთხილებთ, რომ ყველა თქვენი მოქმედება და ჩამოტვირთვა შეწყდება, ასე რომ გაითვალისწინეთ ეს ყველაფერი, სანამ გამოიყენებთ „ახალ ვინაობას“.

ამ შესაძლებლობის გამოსაყენებლად, უბრალოდ უნდა დაწკაპოთ „ახალი ვინაობა“ Tor-ბრაუზერის ხელსაწყოთა ზოლზე.

ახალი TOR-წრედი ახალი საიტისთვის

ეს პარამეტრი გამოსადეგია მაშინ, როცა არსებული გამსვლელი წერტილით ვერ ხერხდება საჭირო საიტთან დაკავშირება ან მისი სათანადოდ ჩატვირთვა. შედეგად, მოქმედი ჩანართი ან ფანჯარა ხელახლა ჩაიტვირთება ახალი Tor-წრედით. დანარჩენი ჩანართები და ფანჯრები, რომლებშიც იმავე საიტის სხვა გვერდებია გახსნილი, აგრეთვე ახალ წრედს გამოიყენებს, ხელახლა ჩატვირთვის შემდეგ. ამ შემთხვევაში, პირადი მონაცემები არ წაიშლება და არც თქვენი მოქმედებების განცალკევება არ მოხდება, ასევე ეს ყველაფერი არ იმოქმედებს თქვენს კავშირზე სხვა საიტებთან.

ამ პარამეტრთან წვდომა აგრეთვე შეგიძლიათ ახალი წრედის არეში, მისამართების ველში მდებარე საიტის მონაცემების მენიუდან.

ONION-მომსახურებები

Onion-მომსახურებები (წინათ ცნობილი, როგორც DarkNet ანუ „ჩრდილოვანი ქსელი“) წარმოადგენს მომსახურებებს მსგავსად საიტებისა, რომლებიც მხოლოდ Tor-ქსელის საშუალებითაა ხელმისაწვდომი.

Onion-მომსახურებებს გააჩნია გარკვეული უპირატესობები, ჩვეულებრივ, დაუცველ ქსელთან შედარებით:

წვდომის მიღება ONION-მომსახურებებთან

ჩვეულებრივი ვებსაიტების მსგავსად, გესაჭიროებათ Onion-მომსახურების ზუსტი მისამართის ცოდნა მასთან დასაკავშირებლად. Onion-მისამართი, როგორც წესი, შედგება 56 ასობგერისა და ციფრისგან დაბოლოებით „.onion“.

როდესაც უკავშირდებით ვებსაიტს, რომელიც onion-მომსახურებას იყენებს, Tor-ბრაუზერი გაჩვენებთ მისამართების ველში ხახვის ხატულას, კავშირის მდგომარეობის აღსანიშნავად: უსაფრთხოა და იყენებს onion-მომსახურებას. You can learn more about the onion service by clicking on the onion icon and the adjacent Circuit Display in the address bar.

კიდევ ერთი საშუალება, Onion-საიტზე ინფორმაციის მისაღებად, თუ საიტის მფლობელს აქვს დანერგილი, არის Onion-მდებარეობა. Onion-მდებარეობა არის განსხვავებული სახის HTTP-თავსართი, რომლითაც საიტებს შეუძლია თავიანთი onion-ასლის ხალხისთვის შეთავაზება. თუ ვებსაიტს, რომელსაც სტუმრობთ გააჩნია onion-საიტიც, იისფერი შემოთავაზება გამოჩნდება მისამართების ველში ტექსტით „.onion ხელმისაწვდომია“. როცა დაწკაპებთ „.onion ხელმისაწვდომიას“, ვებსაიტი ახლიდან ჩაიტვირთება უკვე onion-მისამართიდან.

Onion-Location

დამოწმება ONION-მომსახურებით სარგებლობისას

დამოწმებული onion-მომსახურება ისეთი მომსახურებაა, რომელიც საჭიროებს კლიენტის მხრიდან დასამოწმებელი საბუთის წარმოდგენას, მომსახურებასთან წვდომის მისაღებად. როგორც Tor-მომხმარებელმა, შეგიძლიათ დაამოწმოთ ვინაობა პირდაპირ Tor-ბრაუზერში. მომსახურებასთან კავშირისთვის, დაგჭირდებათ მონაცემები, რომლებსაც Onion-მომსახურება მომსახურება მოგაწვდით. როდესაც ეწვევით დამოწმებულ onion-მომსახურებას, Tor-ბრაუზერი მისამართების ველში გამოაჩენს პატარა რუხ გასაღებს, თანდართული წარწერით. შეიყვანეთ სათანადო საიდუმლო გასაღები, შესატან ველში.

Client Authorization

ONION-მომსახურებების შეცდომები

თუ ვერ უკავშირდებით Onion-საიტს, Tor-ბრაუზერი მოგაწვდით შეცდომის შესაბამის შეტყობინებას, თუ რატომაა საიტი მიუწვდომელი. შეცდომები სხვადასხვა შრეზე შეიძლება წარმოიშვას: კლიენტის მხარეს, ქსელში ან მომსახურების მხარეს. ზოგიერთი შეცდომა შეიძლება გამოსწორდეს ხარვეზების აღმოფხვრის არედან. ცხრილში ქვემოთ ნაჩვენებია ყველა შესაძლო შეცდომა და მოქმედება, რომელიც გამოსადეგია ხარვეზის გამოსასწორებლად.

კოდი შეცდომის დასახელება მოკლე აღწერა
0xF0 Onion-საიტი ვერ მოიძებნა უმეტესად შედეგია იმისა, რომ საიტი არაა ხაზზე. მიმართეთ Onion-საიტის ხელმძღვანელობას.
0xF1 Onion-საიტი არაა ხელმისაწვდომი Onion-საიტი მიუწვდომელია შიდა შეცდომის გამო.
0xF2 Onion-საიტი გათიშულია უმეტესად შედეგია იმისა, რომ Onion-საიტი არაა ხაზზე. მიმართეთ Onion-საიტის ხელმძღვანელობას.
0xF3 ვერ უკავშირდება Onion-საიტს Onion-საიტზე შეფერხებაა ან Tor-ქსელია გადატვირთული. კვლავ სცადეთ მოგვიანებით.
0xF4 Onion-საიტი საჭიროებს შესვლის დამოწმებას Onion-საიტთან წვდომისთვის საჭიროა გასაღები, რომელიც არ მითითებულა.
0xF5 Onion-საიტზე დამოწმება ვერ მოხერხდა მითითებული გასაღები არასწორი ან გაუქმებულია. მიმართეთ Onion-საიტის ხელმძღვანელობას.
0xF6 Onion-საიტის არამართებული მისამართი მოცემული Onion-საიტის მისამართი არასწორია. გთხოვთ, გადაამოწმოთ შეყვანამდე.
0xF7 Onion-საიტის წრედის შექმნის დრო ამოიწურა ვერ მოხერხდა Onion-საიტთან მიერთება, შესაძლოა, სუსტი კავშირის გამო.

ხარვეზების მოგვარება

თუ საჭირო Onion-მომსახურებასთან წვდომას ვერ ახერხებთ, დარწმუნდით რომ მისამართი სწორად შეგყავთ: მცირე შეცდომაც კი არ მისცემს Tor-ბრაუზერს საიტთან წვდომის საშუალებას.

თუ წვდომას ცდილობთ 16 ასონიშნისგან (მოკლედ – V2 სახეობის) შემდგარ Onion-მომსახურებასთან, ამგვარი მისამართები მოძველებულია და აღარ მუშაობს ამჟამინდელ Tor-ქსელში.

ამასთან, Onion-მომსახურებებთან წვდომის შესაძლებლობა შეგიძლიათ გადაამოწმოთ DuckDuckGo-ს Onion-მომსახურებასთან. დაკავშირების მეშვეობით.

თუ მაინც ვერ ახერხებთ დაკავშირებას Onion-მომსახურებასთან მისამართის გადამოწმების შემდეგაც, გთხოვთ სცადოთ ხელახლა მოგვიანებით. შესაძლოა დროებითი შეფერხება იყოს ან საიტის ხელმძღვანელობამ გაუფრთხილებლად გამოთიშა ხაზიდან.

დაცული კავშირები

თუ პირადი მონაცემები, როგორიცაა ანგარიშის სახელი და პაროლი, ინტერნეტით დაუშიფრავად გადაიცემა, მარტივად იქნება ხელმისაწვდომი მეთვალყურეებისთვის. საიტის ანგარიშზე შესვლისას, დარწმუნდით რომ ეს საიტი უზრუნველყოფს HTTPS-დაშიფვრას, რომელიც დაგიცავთ ინფორმაციის ამგვარი სახით ხელყოფისგან. ამის გადამოწმება შეგიძლიათ მისამართების ველიდან. თუ თქვენი კავშირი დაშიფრულია, მისამართის თავსართი იქნება „https://“ და არა „http://“.

მხოლოდ-HTTPS-რეჟიმი Tor-ბრაუზერში

მხოლოდ-HTTPS-რეჟიმი ყველა საიტს აიძულებს, კავშირისთვის გამოიყენოს უსაფრთხო და დაშიფრული არხი, სახელწოდებით HTTPS. საიტების უმეტესობაზე ისედაც მხარდაჭერილია HTTPS;ზოგზე ორივე გამოიყენება, HTTP და HTTPS. ამ რეჟიმის ჩართვა საწინდარია, რომ საიტთან კავშირი დაიშიფრება HTTPS-ით მეტი უსაფრთხოებისთვის.

მხოლოდ-HTTPS-რეჟიმი Tor-ბრაუზერში

ზოგ ვებსაიტზე მხოლოდ HTTP არის მხარდაჭერილი და ვერ გაუმჯობესდება. თუ HTTPS-სახით არაა საიტი ხელმისაწვდომი, იხილავთ გვერდს „უსაფრთხო საიტი მიუწვდომელია“:

უსაფრთხო კავშირი მიუწვდომელია HTTP-საიტზე

თუ დააწკაპებთ „გადასვლა HTTP-საიტზე“, პასუხისმგებლობას საკუთარ თავზე აიღებთ და იხილავთ საიტის HTTP-ვერსიას. მხოლოდ-HTTPS-რეჟიმი დროებით გამოირთვება ამ საიტისთვის.

დაწკაპეთ „უკან დაბრუნების“ ღილაკზე, თუ გსურთ, აირიდოთ დაუშიფრავი კავშირები.

Cryptocurrency safety

Tor Browser presents a security prompt if a cryptocurrency address has been copied from an insecure HTTP website. The cryptocurrency address could have been modified and should not be trusted. Clicking 'Reload Tab with a New Circuit' will attempt to load a secure version of the website with a new Tor circuit.

კრიპტოვალუტის უსაფრთხოება

If you click 'Dismiss' you accept the risk and the cryptocurrency address will be copied to the clipboard.

როგორ მუშაობს HTTS დაშიფვრა და 'Tor' ბრაუზერში, თქვენი კონფიდენციალობისა და ანონიმურობის ასამაღლებლად

მოცემულ გამოსახულებაზე ნაჩვენებია, თუ რა ინფორმაციაა ხილული მეთვალყურეებისთვის Tor-ბრაუზერისა და HTTP-დაშიფვრის გამოყენებისას ან მათ გარეშე:




შესაძლო ხილული მონაცემები
Site.com
მონახულებული საიტი.
მომხ / პაროლი
მეტსახელი და პაროლი დამოწმებისთვის.
მონაცემები
მონაცემები გადაიცემა.
მდებარეობა
ქსელის მდებარეობა კომპიუტერის შესახებ ვებსაიტის მოსანახულელბად (გარე IP-მისამართი).
Tor
გამოყენებულია თუ არა Tor.

უსაფრთხოების პარამეტრები

ნაგულისხმევად, Tor-ბრაუზერი უზრუნველყოფს თქვენს უსაფრთხოებას მიმოცვლილი მონაცემების დაშიფვრით. დამატებით, შეგიძლიათ გაზარდოთ უსაფრთხოება, ვებგვერდებზე გარკვეული სახის შესაძლებლობების გათიშვით, რომლებიც სახიფათოა თქვენი დაცულობისა და ვინაობის გაუმხელობისთვის. ამის გაკეთება, Tor-ბრაუზერის უსაფრთხოების დონის მომატებითაა შესაძლებელი, დაცვის მენიუში. Tor-ბრაუზერის დაცვის დონის გაზრდით, ზოგიერთი ვებსაიტი გამართულად ვერ იმუშავებს, ასე რომ მოგიწევთ გარკვეული წონასწორობის შერჩევა, უსაფრთხოებასა და გამოყენების მოხერხებულობას შორის.

უსაფრთხოების პარამეტრებთან წვდომა

უსაფრთხოების პარამეტრებთან წვდომისთვის, დაწკაპეთ ფარის ნიშანზე, Tor-ბრაუზერის მისამართების ველის გვერდით. უსაფრთხოების პარამეტრების სანახავად და შესარჩევად დაწკაპეთ ფარის მენიუში ღილაკზე „პარამეტრები“.

Click on 'Settings' under the shield menu

უსაფრთხოების დონეები

უსაფრთხოების დონის აწევა Tor-ბრაუზერის უსაფრთხოების პარამეტრებიდან, გათიშავს ან ნაწილობრივ შეზღუდავს ბრაუზერის გარკვეულ შესაძლებლობებს, შეტევებისგან დაცვის გასაძლიერებლად. ამ პარამეტრების ხელახლა ჩართვა ნებისმიერ დროს შეგეძლებათ უსაფრთხოების დონის შერჩევით.

უსაფრთხოების დონედ მითითებულია სრულიად დაცული

ჩვეულებრივი
დაცული
სრულიად დაცული

ხარვეზების მოგვარება

გვერდების მონახულება Tor-ბრაუზერით უნდა შეგეძლოთ გაშვებიდან მცირე ხანში „დაკავშირების“ ღილაკზე დაწკაპებით, თუ პირველად რთავთ პროგრამას.

დაწკაპეთ „დაკავშირებას“ Tor-თან მიერთებისთვის

კავშირის მეგზური გაცნობებთ ინტერნეტთან და Tor-ქსელთან შეერთების მდგრადობის შესახებ, თუ დააწკაპებთ „შემოწმებას“.

კავშირის მეგზურით შემოწმება

გადაამოწმეთ, ხომ არ აწერია „კავშირგარეშე“. თუ ვერ ახერხებს Tor-ქსელთან მიერთებას და უწერია „არაა დაკავშირებული“, მოცემული ხერხები შეიძლება გამოგადგეთ.

კავშირის მეგზური წერს ხაზგარეშეს

სწრაფი გადაწყვეტები

თუ Tor-ბრაუზერი ქსელს ვერ უკავშირდება, შესაძლოა უშველოს მარტივმა გადაწყვეტამ. სცადეთ ქვემოთ მოცემული:

TOR-ის აღრიცხული ჩანაწერები

ხშირად, Tor-ის ჩანაწერების ნახვა, შეიძლება გამოდგეს ხარვეზის აღმოსაფხვრელად. თუ ხარვეზია დაკავშირებისას, გამოჩნდება შეცდომის კოდი და შეგეძლებათ მიუთითოთ „Tor-ის აღრიცხვის ჩანაწერების ასლი“. შემდეგ ჩასვით Tor-ის აღრიცხვის ჩანაწერი რამე ტექსტურ ფაილში ან დოკუმენტში.

თუ ვერ ხედავთ ამ პარამეტრს და Tor-ბრაუზერი გაშვებულია, შეგიძლიათ გადახვიდეთ მთავარ მენიუში („≡“), დაწკაპოთ „პარამეტრები“ და შემდეგ „დაკავშირება“ გვერდით ზოლზე. გვერდის ბოლოში, „იხილეთ Tor-ის ჩანაწერები“ წარწერის გვერდით, დაწკაპეთ „ჩანაწერების ნახვა...“.

სანაცვლოდ, GNU/Linux-ზე აღრიცხვის ჩანაწერების პირდაპირ ტერმინალში სანახავად გადადით Tor-ბრაუზერის საქაღალდეში და გაუშვით Tor-ბრაუზერი ბრძანებათა ველში შემდეგი ტექსტის აკრეფით:

./start-tor-browser.desktop --verbose

ან ჩანაწერების შესანახად ფაილში (ნაგულისხმევად: tor-browser.log):

./start-tor-browser.desktop --log [file]

ვრცლად, ამის შესახებ იხილავთ მხარდაჭერის ფორუმზე.

თქვენი ქსელი ცენზურის ქვეშაა?

თუ მაინც ვერ უკავშირდებით, შესაძლოა თქვენი ინტერნეტის მომწოდებელი ზღუდავდეს Tor-ქსელთან კავშირებს. გაეცანით გვერდის ავლის განყოფილებას შესაძლო გადაწყვეტებისთვის.

ცნობილი ხარვეზები

Tor-ბრაუზერი მუდმივად მუშავდება და ზოგი ხარვეზი უკვე ცნობილია, თუმცა ჯერ არ გასწორებულა. გთხოვთ გადახედოთ გამოვლენილი ხარვეზების გვერდს, რომ გაარკვიოთ, შეცდომა რომელსაც წააწყდით, უკვე აღნუსხულია, თუ ჯერ არა.

განახლება

Tor-ბრაუზერი მუდმივად განახლებული უნდა იყოს. თუ თქვენ განაგრძობთ მოძველებული ვერსიის გამოყენებას, დაუცველი იქნებით უსაფრთხოების ხვრელების მიმართ, რის შედეგადაც საფრთხე შეექმნება თქვენი პირადი მონაცემების დაცვასა და ვინაობის გაუმხელობას.

Tor-ბრაუზერი ამოგიგდებთ განახლებას, როდესაც ახალი ვერსია იქნება ხელმისაწვდომი: მთავარ მენიუზე (≡) გამოჩნდება მწვანე წრე ზემოთ მიმართული ისრით, ამასთანავე, შეიძლება იხილოთ განახლების მაუწყებელი წარწერა Tor-ბრაუზერის გახსნისას. განახლება შესაძლებელია როგორც ავტომატურად, ასევე ხელით.

TOR-ბრაუზერის თვითგანახლება

Prompt to update Tor Browser Desktop

როდესაც Tor-ბრაუზერი განახლებას ამოაგდებს, დაწკაპეთ მთავარ მენიუზე (≡), შემდეგ კი აირჩიეთ „განახლება ხელმისაწვდომია – გადატვირთვა ახლავე“.

განახლების მიმდინარეობის ზოლი

დაელოდეთ განახლების ჩამოტვირთვასა და დაყენებას, შემდეგ კი Tor-ბრაუზერი თავადვე გაეშვება ხელახლა. შედეგად, უკვე გექნებათ განახლებული ვერსია.

TOR-ბრაუზერის ხელით განახლება

მას შემდეგ რაც Tor-ბრაუზერის განახლება ამოვარდება, დაასრულეთ მუშაობა და დახურეთ პროგრამა.

ამოშალეთ Tor-ბრაუზერი სისტემიდან მისი საქაღალდის წაშლით (იხილეთ განყოფილება ამოშლა დამატებითი ინფორმაციისთვის).

ეწვიეთ გვერდს https://www.torproject.org/ka/download/ და ჩამოტვირთეთ Tor-ბრაუზერის უახლესი გამოშვება, შემდეგ კი ჩვეულებრივ დააყენეთ.

მოდულები, დამატებები და JAVASCRIPT

JAVASCRIPT

JavaScript არის დაპროგრამების ენა, რომელიც საშუალებას იძლევა, ვებსაიტებზე გამოყენებული იყოს ურთიერთქმედი ნაწილები, როგორებიცაა ვიდეოები, მოძრავი სურათები ან ხმოვანი ფაილები და მათი გადახვევის შესაძლებლობა. მიუხედავად ამისა, JavaScript, სამწუხაროდ აგრეთვე გამოიყენება ბრაუზერის უსაფრთხოებაზე შეტევებისთვის, რაც ვინაობის გამჟღავნების წინაპირობა შეიძლება გახდეს.

Tor Browser includes an add-on called NoScript. It's accessible through "Add-ons and themes" on the hamburger menu (≡). Locate the NoScript add-on and click on it to open a panel where you can customize its settings.

In the panel, next to the Toolbar button, select 'Show'. This will display the NoScript button to the right of the browser address bar. This button enables you to manage JavaScript and other scripts on web pages, allowing you to control their execution individually or block them entirely.

გვერდების მონახულებისას მაღალი უსაფრთხოების საჭიროების მქონე მომხმარებლებმა Tor-ბრაუზერის უსაფრთხოების დონედ უნდა მიუთითონ „მეტად დაცული“ (რომელიც JavaScript-ს გათიშავს HTTPS-ს არმქონე საიტებზე) ან „სრულიად დაცული“ (რომელიც იმავეს გააკეთებს ყველა ვებსაიტზე). However, disabling JavaScript will prevent many websites from displaying correctly, so Tor Browser's default setting is to allow all websites to run scripts in "Standard" mode.

ბრაუზერის დამატებები

Tor-ბრაუზერი დაფუძნებულია Firefox-ზე და ნებისმიერი დამატება ან თემა რომელიც თავსებადია Firefox-სთან, ასევე შეიძლება დაყენდეს Tor-ბრაუზერშიც.

მიუხედავად ამისა, Tor-ბრაუზერზე გამოსაყენებლად შემოწმებული დამატებები მხოლოდ ისინია, რომლებიც მოჰყვება ნაგულისხმევად. ნებისმიერი სხვა დამატების დაყენებამ შესაძლოა, ხელი შეუშალოს Tor-ბრაუზერის მუშაობას ან საფრთხე შეუქმნას უსაფრთხოებასა და პირადი მონაცემების დაცვას. ასე რომ, სხვა დამატებების დაყენება მეტად არასასურველია და Tor-პროექტის მიერ არაა მხარდაჭერილი.

FLASH PLAYER

Flash იყო ფაილების სამართავი პროგრამა, რომელიც გამოიყენებოდა საიტებზე ვიდეოებისა თუ სხვა ურთიერთქმედი მასალების საჩვენებლად, თუნდაც თამაშების. ნაგულისხმევად გათიშული იყო Tor-ბრაუზერში, ვინაიდან შეიძლება გამჟღავნებულიყო ნამდვილი მდებარეობა და IP-მისამართი. Tor-ბრაუზერში აღარაა მხარდაჭერილი Flash და ვეღარ ამუშავდება.

Flash-ის შესაძლებლობების დიდი ნაწილი ჩაანაცვლა HTML5-სტანდარტმა, რომლის მუშაობასაც მეტწილად უზრუნველყოფს JavaScript. ვიდეოსაიტები, როგორიცაა YouTube და Vimeo, გადასულია HTML5-ზე და აღარ იყენებენ Flash-ს.

ამოშლა

Tor-ბრაუზერის სისტემიდან ამოშლა მარტივია:

Windows-ზე:

macOS-ზე:

საქაღალდის მენიუზე გადასვლა

ფანჯრის მენიუზე გადასვლა

გაითვალისწინეთ, რომ თუ Tor-ბრაუზერი არ დაგიყენებით ნაგულისხმევ მდებარეობაზე (საქაღალდეში Applications), მაშინ საქაღალდე TorBrowser-Data არ იქნება მისამართზე ~/Library/Application Support/, არამედ იქნება იმ საქაღალდეში სადაც დაყენებულია Tor-ბრაუზერი.

Linux-ზე:

გაითვალისწინეთ, რომ თქვენი სისტემის „პროგრამების ამოშლის“ ჩვეულებრივი ხელსაწყო არ გამოიყენება.

მობილური TOR

Tor-ბრაუზერი Android-ზე

Tor-ბრაუზერი Android-ზე ერთადერთი ოფიციალური მობილური ბრაუზერი, რომლის მხარდაჭერასა და შემუშავებასაც უზრუნველყოფს Tor-პროექტი. იგი მსგავსია კომპიუტერის Tor-ბრაუზერისა, ოღონდ Android-მოწყობილობებისთვისაა. მთავარი შესაძლებლობები Tor-ბრაუზერისა Android-ზე არის: საიტებზე თვალის დევნების შემცირება, ზედამხედველობისგან დაცვა, ბრაუზერის ამოცნობის არიდება და ცენზურისთვის გვერდის ავლა.

ჩამოტვირთვა და დაყენება

არსებობს Tor-ბრაუზერი Android-ზე და Tor-ბრაუზერი Android-ზე (alpha). რიგითმა მომხმარებლებმა უნდა გადმოწერონ Tor-ბრაუზერი Android-ზე, ვინაიდან იგი მეტად მდგრადია და ნაკლები შეცდომა ახლავს. Tor-ბრაუზერი Android-ზე ხელმისაწვდომია Play Store, F-Droid და Tor-პროექტის საიტზე. სახიფათოა Tor-ბრაუზერის განსხვავებული წყაროებიდან ჩამოტვირთვა.

Google Play

Tor-ბრაუზერი Android-ზე შეგიძლიათ დააყენოთ Google Play Store-იდან.

F-Droid

Guardian Project გთავაზობთ გადმოწეროთ Tor-ბრაუზერი Android-ზე მათი F-Droid-საცავიდან. თუ გირჩევნიათ პროგრამის სახით დააყენოთ F-Droid-იდან, მიჰყევით შემდეგ ნაბიჯებს:

  1. დააყენეთ F-Droid-აპლიკაცია თქვენს Android-მოწყობილობაზე F-Droid-საიტიდან.

  2. F-Droid-ის დაყენების შემდგომ გახსენით აპლიკაცია.

  3. ქვედა მარჯვენა კუთხიდან, გახსენით „Settings“.

  4. „My Apps“ არეში, გახსენით Repositories.

  5. გადართეთ „Guardian Project Official Releases“ ჩართულზე.

  6. შედეგად, F-Droid ჩამოტვირთავს აპლიკაციების ნაკრებს Guardian Project-ის საცავიდან (შენიშვნა: გარკვეულ ხანს შეიძლება გასტანოს).

  7. შეეხეთ უკუსვლის ღილაკს ზედა მარცხენა კუთხეში.

  8. გახსენით „Latest“ ქვედა მარცხენა კუთხეში.

  9. გახსენით საძიებო გამადიდებელ შუშაზე შეხებით, ქვედა მარჯვენა მხარეს.

  10. მონახეთ „Tor Browser for Android“.

  11. გახსენით მოთხოვნილი შედეგი „The Tor Project-ით“ და დააყენეთ.

Tor-პროექტის საიტი

Tor-ბრაუზერი Android-ზე ასევე შეგიძლიათ ჩამოტვირთოთ და დააყენოთ apk ფაილის სახით Tor-პროექტის საიტიდან.

TOR-ბრაუზერის ANDROID-ზე პირველად გაშვება

When you run Tor Browser for the first time, you will see the option to connect directly to the Tor network, or to configure Tor Browser for your connection.

დაკავშირება

დაკავშირება Tor-ბრაუზერით Android-ზე

უმეტეს შემთხვევაში, „დაკავშირებაზე“ დაჭერა, საკმარისია Tor-ქსელთან მისაერთებლად დამატებითი გამართვის გარეშე. Once tapped, a status bar will appear, indicating Tor's connection progress. თუ მიერთება სწრაფი გაქვთ, მაგრამ მიმდინარეობის ზოლი გაიჭედა, შეიძლება, Tor Browser-ის მორგება გჭირდებათ.

გამართვა

გამართვა Tor-ბრაუზერით Android-ზე

If you know that your connection is censored, you should tap on "Configure connection". Navigate to the 'Connection' section of the Settings. თუ იცით რომ ცენზურის ქვეშ ხართ ან სცადეთ დაკავშირება Tor-ქსელთან და ვერ მოხერხდა, ამასთან ვერც სხვა გადაწყვეტებმა უშველა, შეეხეთ „ხიდის გამართვას“. გადაგიყვანთ 'ხიდის მორგების' ეკრანზე, შეერთებადი ტრანსპორტის მოსარგებად.

გვერდის ავლა

გადამცემი ხიდები წარმოადგენს Tor-გადამცემებს, რომლებიც არაა აღნუსხული საჯაროდ Tor-სიაში. გადამცემი ხიდები გამოსადეგია Tor-ის იმ მომხმარებლებისთვის, რომლებიც იმყოფებიან სახელისუფლებო ან ზემდგომთა ზეწოლის ქვეშ და ესაჭიროებათ დამატებითი დაცვა, რადგან ფიქრობენ რომ შესაძლოა ამოიცნონ, Tor-გადამცემის საჯაროდ ცნობილ IP-მისამართთან დაკავშირებისას.

To use a pluggable transport, tap on "Configure Connection" when starting Tor Browser for the first time. Navigate to the 'Connection' section of the Settings and tap on 'Config Bridge' to configure a bridge. მომდევნო ეკრანზე იქნება ასარჩევი, მოყოლილი ხიდი გამოიყენოთ თუ მითითებული. Toggle "Use a Bridge" option, which will present three options: "obfs4", "meek-azure", and "snowflake".

ხიდის მითითება Tor-ბრაუზერში Android-ზე

მითითებული ხიდი Tor-ბრაუზერში Android-ზე

თუ აირჩევთ „ნაცნობი ხიდის მითითებას“, შემდეგ უნდა შეიყვანოთ ხიდის მისამართი.

ხიდის მოწოდება Tor-ბრაუზერში Android-ზე

ხიდის მისამართების მოწოდება Tor-ბრაუზერში Android-ზე

ვინაობის მართვა

ახალი ვინაობა

ახალი ვინაობა Tor-ბრაუზერში Android-ზე

როცა Tor-ბრაუზერი გაშვებულია, იხილავთ თქვენი მოწყობილობის შეტყობინებების არეში ჩამოშლის შემდეგ, იქვე ექნება ღილაკი „ახალი ვინაობა“. ამ ღილაკზე შეხებით მიიღებთ ახალ ვინაობას. განსხვავებით Tor-ბრაუზერისგან კომპიუტერზე, ღილაკი „ახალი ვინაობა“ Android-ზე, ვერ გამიჯნავს თქვენს მომდევნო მოქმედებებს წინა მოქმედებებისგან. მისი არჩევით, უბრალოდ Tor-წრედი შეიცვლება. Note: New Identity feature is not working in latest versions of Tor Browser for Android. Bug #42589

უსაფრთხოების დონეები

უსაფრთხოების პარამეტრების რბია Tor-ბრაუზერში Android-ზე

Security levels disable certain web features that can be used to compromise your security and anonymity. Tor-ბრაუზერი Android-ზეც გთავაზობთ უსაფრთხოების სამ დონეს, როგორც კომპიუტერზე. შეგიძლიათ შეცვალოთ უსაფრთხოების დონე შემდეგი ნაბიჯებით:

განახლება

Tor Browser must be kept updated at all times. If you continue to use an outdated version of the software, you may be vulnerable to serious security flaws that compromise your privacy and anonymity. შეგიძლიათ Tor-ბრაუზერი განაახლოთ ავტომატურად ან ხელით.

Tor-ბრაუზერის Android-ზე ავტომატური განახლება

აქ იგულისხმება, რომ გაქვთ ან Google Play ან F-Droid დაყენებული თქვენს მობილურ მოწყობილობაზე.

Google Play

Tor-ბრაუზერის განახლება Android-ზე Google Play-დან

F-Droid

Tor-ბრაუზერის განახლება Android-ზე F-Droid-იდან

შეეხეთ „Settings“, შემდეგ „Manage installed apps“. მომდევნო ეკრანზე, აირჩიეთ Tor-ბრაუზერი და ბოლოს შეეხეთ „Update“.

Tor-ბრაუზერის Android-ზე ხელით განახლება

ეწვიეთ Tor-პროექტის საიტს და ჩამოტვირთეთ Tor-ბრაუზერის ბოლო გამოშვება, შემდეგ კი დააყენეთ ჩვეულებრისამებრ. უმეტესად, უახელის ვერსიის Tor-ბრაუზერი გადაეწერება წინა ვერსიას, ამრიგად ბრაუზერი განახლდება. თუ განახლება ვერ მოხერხდება, უნდა ამოშალოთ წინა Tor-ბრაუზერი ახლის დაყენებამდე. დახურეთ Tor-ბრაუზერი და მოაცილეთ სისტემას თქვენი მოწყობილობის პარამეტრებიდან. დამოკიდებულია თქვენი მობილურის გამომშვებზე, უმეტესად კი Settings > Apps გვერდზე, აირჩევთ Tor-ბრაუზერს და შეეხებით „Uninstall“. შემდგომ, ჩამოტვირთავთ უახლესი გამოშვების Tor-ბრაუზერს და დააყენებთ.

ამოშლა

Tor-ბრაუზერი Android-ზე შეიძლება ამოიშალოს პირდაპირ F-Droid, Google Play ან მოწყობილობის აპლიკაციების პარამეტრებიდან.

Google Play

Tor-ბრაუზერის ამოშლა Android-ზე Google Play-დან

F-Droid

Tor-ბრაუზერის ამოშლა Android-ზე F-Droid-იდან

შეეხეთ „Settings“, შემდეგ „Manage installed apps“. მომდევნო ეკრანზე, აირჩიეთ Tor-ბრაუზერი და ბოლოს შეეხეთ „Uninstall“.

მობილურის აპლიკაციების პარამეტრები

Tor-ბრაუზერის ამოშლა Android-ის პარამეტრებიდან

დამოკიდებულია თქვენი მობილურის გამომშვებზე, უმეტესად კი Settings > Apps გვერდზე, აირჩევთ Tor-ბრაუზერს და შეეხებით „Uninstall“.

ხარვეზების მოგვარება

Tor-ის აღრიცხვის ჩანაწერები

იხილეთ Tor-ის ჟურნალი Tor Browser--ზე Android-სთვის

Tor-ის ჩანაწერების სანახავად:

  1. Tap on the settings icon or "Configure connection" when on the "Connect to Tor" screen.
  2. Navigate to the "Connection" section of the Settings.
  3. Tap on "Tor Logs"

To copy the Tor logs to the clipboard, tap on the "Copy" button at the bottom of the screen.

ზოგიერთი გავრცელებული ხარვეზის აღმოსაფხვრელად, იხილეთ მხარდაჭერის ფორუმზე.

ცნობილი ხარვეზები

ამ დროისთვის, არის გარკვეული ნაწილი შესაძლებლობების, რომელიც მიუწვდომელია Tor-ბრაუზერში Android-ზე, მაგრამ ხელმისაწვდომია Tor-ბრაუზერში კომპიუტერზე.

დამატებით, Tor-ის შესახებ მობილურ მოწყობილობებზე

Orfox

Orfox პირველად გამოვიდა 2015 წელს Guardian Project-ის მიერ, Android-მომხმარებლებისთვის, Tor-ით სარგებლობის შესაძლებლობის მისაცემად. მომდევნო სამ წელიწადში, Orfox მუდმივად ვითარდებოდა და გახდა გავრცელებული საშუალება, ინტერნეტის მოსანახულებლად პირადულობის დაცვით, ჩვეულებრივ ბრაუზერებთან შედარებით, ამასთან Orfox იყო გადამწყვეტი იმ ხალხისთვის, ვისაც ესაჭიროებოდა ცენზურისთვის გვერდის ავლა, აკრძალულ საიტებთან ან მასალებთან წვდომისთვის. 2019 წელს, Orfox დაიხურა, მას შემდეგ რაც გამოვიდა ოფიციალური Tor-ბრაუზერი.

Orbot

Orbot არის უფასო პროქსი, რომელიც სხვა პროგრამებს აძლევს Tor-ქსელის გამოყენების საშუალებას. Orbot იყენებს Tor-ს ინტერნეტკავშირის დასაშიფრად. მისი მეშვეობით, შეგიძლიათ მობილურში დაყენებული სხვა პროგრამებით, თავი აარიდოთ ცენზურას ან თავი დაიცვათ მიყურადებისგან. Orbot შეგიძლიათ ჩამოტვირთოთ და დააყენოთ Google Play-იდან. იხილეთ ჩვვენი მხარდაჭერის გვერდი რომ გაიგოთ Tor-ბრაუზერი Android-ზე და Orbot ორივე გჭირდებათ, თუ მხოლოდ რომელიმე ერთი.

Tor-ბრაუზერი iOS-ზე

არაა ხელმისაწვდომი Tor-ბრაუზერი iOS-ზე. ჩვენ გირჩევთ iOS-პროგრამას სახელწოდებით Onion Browser, რომელიც ღია წყაროსია, იყენებს Tor-კავშირს და შემუშავებულია იმ პიროვნების მიერ, რომლის საქმიანობაც მეტად ახლოსაა Tor-პროექტთან. მიუხედავად ამისა, ვინაიდან Apple მოითხოვს, რომ iOS-ზე არსებული ბრაუზერებში აუცილებლად გამოიყენებოდეს Webkit, Onion-ბრაუზერი ვერ უზრუნველყოფს უსაფრთხოების ისეთივე დონეს, როგორსაც Tor-ბრაუზერი.

იხილეთ ვრცლად Onion Browser-ის შესახებ. ჩამოტვირთეთ Onion Browser App Store-იდან.

Tor-ბრაუზერი Windows Phone-ზე

ამჟამად, არ არსებობს რამე მხარდაჭერილი გზა Tor-ის ძველ Windows-ტელეფონებზე გასაშვებად, თუმცა Microsoft-ის მიერ გავრცელებულ ახალ ტელეფონებზე, იგივე ნაბიჯები გამოდგება, რომლებითაც შესაძლებელია Tor-ბრაუზერის Android-ზე დაყენება.

გამოვლენილი ხარვეზები

TOR-ბრაუზერი სატარებლად

სურვილის შემთხვევაში, Tor-ბრაუზერი სატარებლადაც გამოდგება, არქივის შიგთავსის ამოღებითა და განთავსებით პირდაპირ მოსახსნელ მოწყობილობაზე, როგორიცაა USB-მეხსიერება ან SD-ბარათი. სასურველია, მოწყობილობას ჰქონდეს ჩაწერის შესაძლებლობაც, რომ Tor-ბრაუზერმა შეძლოს განახლება საჭიროებისას.

Windows-ისთვის:

  1. შეაერთეთ მოსახსნელი მოწყობილობა და დააფორმატეთ. ნებისმიერი საფაილო სისტემა გამოდგება.

  2. გადადით Tor-ბრაუზერის ჩამოტვირთვის გვერდზე.

  3. ჩამოტვირთეთ Windows-ზე .exe ფაილი და შეინახეთ პირდაპირ აღნიშნულ მოწყობილობაზე.

  4. (სასურველია) ფაილის ნამდვილობის დამოწმება ხელმოწერით.

  5. როცა ჩამოტვირთვა დასრულდება, დაწკაპეთ .exe ფაილზე და დაიწყება დაყენება.

  6. მას შემდეგ, რაც დაყენების მეგზური მოითხოვს მდებარეობის შერჩევას Tor-ბრაუზერისთვის, მიუთითეთ თქვენი მოსახსნელი მოწყობილობა.

macOS-ისთვის:

  1. შეაერთეთ მოსახსნელი მოწყობილობა და დააფორმატეთ. საფაილო სისტემად აუცილებლად უნდა მიუთითოთ Mac OS Extended (Journaled).

  2. გადადით Tor-ბრაუზერის ჩამოტვირთვის გვერდზე.

  3. ჩამოტვირთეთ macOS-ის .dmg ფაილი და შეინახეთ პირდაპირ აღნიშნულ მოწყობილობაზე.

  4. (სასურველია) ფაილის ნამდვილობის დამოწმება ხელმოწერით.

  5. როცა ჩამოტვირთვა დასრულდება, დაწკაპეთ .dmg ფაილზე და დაიწყება დაყენება.

  6. მას შემდეგ, რაც დაყენების მეგზური მოითხოვს მდებარეობის შერჩევას Tor-ბრაუზერისთვის, მიუთითეთ თქვენი მოსახსნელი მოწყობილობა.

GNU/Linux-ისთვის:

  1. შეაერთეთ მოსახსნელი მოწყობილობა და დააფორმატეთ. ნებისმიერი საფაილო სისტემა გამოდგება.

  2. გადადით Tor-ბრაუზერის ჩამოტვირთვის გვერდზე.

  3. ჩამოტვირთეთ Linux-ის .tar.xz ფაილი და შეინახეთ პირდაპირ აღნიშნულ მოწყობილობაზე.

  4. (სასურველია) ფაილის ნამდვილობის დამოწმება ხელმოწერით.

  5. როცა ჩამოტვირთვა დასრულდება, არქივის შიგთავსი განათავსეთ აგრეთვე ამ მოწყობილობაზე.

მხარდაჭერა

მხარდაჭერის, გამოხმაურებისა და მოხსენების ნიმუში

როდესაც გვიგზავნით დახმარების მოთხოვნას, მოხსენებას ხარვეზის შესახებ ან გსურთ გამოხმაურება, გთხოვთ დაურთოთ მეტად ვრცელი ინფორმაცია:

  1. რომელ საოპერაციო სისტემას იყენებთ
  2. Tor-ბრაუზერის ვერსია
  3. Tor-ბრაუზერის უსაფრთხოების დონე
  4. ნაბიჯ-ნაბიჯ აღწერა, თუ როგორ წააწყდით ხარვეზს, რომ შევძლოთ გადამოწმება (მაგ. გავხსენი ბრაუზერი, ავკრიფე მისამართი, დავაწკაპე რომელიღაც პარამეტრეზე, შემდეგ კი ბრაუზერი უეცრად გაითიშა)
  5. ხარვეზის ამსახველი სურათი
  6. აღრიცხული ჩანაწერები კომპიუტერის Tor-ბრაუზერში (გასახსნელად გამოიყენეთ Ctrl+Shift+J სისტემისთვის Windows/Linux და Cmd+Shift+J სისტემისთვის macOS)
  7. Tor-ის აღრიცხვები (პარამეტრები > დაკავშირება > დამატებით > იხილეთ Tor-ის აღრიცხვები)
  8. რეგიონი, საიდანაც უკავშირდებით Tor-ს.
  9. რეგიონი, შერჩეული კავშირის მეგზურიდან (თუ კავშირის მეგზურს ეხება ხარვეზი)
  10. იზღუდება Tor თქვენს რეგიონში?
  11. თუ Tor-დაუკავშირდა, რა დრო დასჭირდა ჩატვირთვას? რამე ზეგავლენა ჰქონდა გვერდების მონახულების სისწრაფეზე?

Tor user support team office hours

Monday to Thursday: our user support channels on email, Telegram, WhatsApp, and Signal are operational.

Friday to Sunday: the helpline is closed. Please rest assured our team will get back to your messages on Monday.

როგორ უნდა დაგვიკავშირდეთ

რამდენიმე გზაა, ჩვენთან დასაკავშირებლად, გთხოვთ შეარჩიოთ თქვენთვის სასურველი.

Telegram

გვაქვს რამდენიმე ოფიციალური Telegram-ბოტი და არხი:

  1. @GetTor_Bot Tor-ბრაუზერის ჩამოსატვირთად.
  2. @GetBridgesBot obfs4-ხიდების მისაღებად.
  3. @TorProject ბოლო სიახლეების გასაცნობად.
  4. @TorProjectSupportBot დახმარებისთვის.
    • ამჟამად, Telegram-ის მხარდაჭერის არხი ხელმისაწვდომია ორ ენაზე: ინგლისური და რუსული.
    • თუ გესაჭიროებათ დახმარება ცენზურისთვის გვერდის ავლაში, გთხოვთ აირჩიეთ მენიუდან, რომელი რეგიონიდან გვიკავშირდებით, რომ გაგვიადვილდეს საკითხის გარკვევა.

Tor-ის ფორუმი

გირჩევთ, დახმარება ითხოვოთ Tor-ის ფორუმზე. დაგჭირდებათ ანგარიშის შექმნა ახალი თემის გასახსნელად. გთხოვთ გაეცნოთ მიმოწერის მითითებებს და გადახედოთ არსებულ თემებს კითხვის დასმამდე. ჯერჯერობით, სწრაფი პასუხის მისაღებად გთხოვთ დაწეროთ ინგლისურად. თუ წააწყდით ხარვეზს, გამოიყენეთ GitLab.

WhatsApp

დახმარების მისაღებად გამოგვიგზავნეთ ტექსტური შეტყობინება WhatsApp-ნომერზე: +447421000612. მომსახურება ხელმისაწვდომია მხოლოდ ტექსტური წერილების გამოყენებით; ვიდეოები ან სატელეფონო ზარები არაა მხარდაჭერილი.

Signal

დახმარების მისაღებად გამოგვიგზავნეთ ტექსტური შეტყობინება Signal-ის ნომერზე: +17787431312. Signal თავისუფალი და პირადულობის დაცვაზე მიმართული აპლიკაციაა მიმოწერისთვის. ამჟამად, ჩვენი მხარდაჭერის ფორუმი ხელმისაწვდომია ინგლისურ და რუსულ ენებზე და ყურადღება ექცევა Tor-მომხმარებლებს ცენზურის ქვეშ მყოფი რეგიონებიდან. მომსახურება ხელმისაწვდომია მხოლოდ ტექსტური წერილების გამოყენებით; ვიდეოები ან სატელეფონო ზარები არაა მხარდაჭერილი. წერილის მოწერის შემდგომ ჩვენი წარმომადგენლები გაგიძღვებიან სიძნელეების გადალახვაში.

ელფოსტა

მოგვწერეთ ელფოსტაზე frontdesk@torproject.org

ელფოსტის თემის ველით, გვაცნობეთ რას შეეხება მოხსენება. რაც უფრო ნათლად იქნება საკითხი მოცემული (მაგ. „კავშირის ხარვეზი“, „გამოხმაურება საიტის შესახებ“, „გამოხმაურება Tor-ბრაუზერის თაობაზე“, „მესაჭიროება გადამცემი ხიდი“), მით უფრო ადვილად შევძლებთ გარკვევასა და თვალის მიდევნებას. ზოგჯერ, როცა ვიღებთ წერილებს საკითხის მიუთითებლად, აღინიშნება ხოლმე არასასურველ შეტყობინებად და ვეღარ ვნახულობთ.

სწრაფი პასუხისთვის გთხოვთ დაწეროთ ინგლისურად, რუსულად, ესპანურად, ჰინდიზე, ბენგალურად და/ან პორტუგალიურად, თუ მოახერხებთ. თუ არცერთი ეს ენა არაა გამოსადეგი, მაშინ მოგვწერეთ სასურველ ენაზე, თუმცა გაითვალისწინეთ, რომ პასუხმა შეიძლება დიდხანს გასტანოს, ვინაიდან დრო დაგვჭირდება გადასათარგმნად და გასაგებად.

IRC და Matrix

შეგიძლიათ მონახოთ #tor არხი OFTC-ზე ან Tor-ის მომხმარებელთა მხარდაჭერის არხი Matrix-ზე. შესაძლოა, მაშინათვე არ გიპასუხოთ, თუმცა ვამოწმებთ ხოლმე დაგროვილ მონაწერებს და აუცილებლად გამოგეხმაურებით, როცა მოვიცლით.

იხილეთ, როგორ გამოიყენოთ IRC / Matrix.

GitLab

პირველ რიგში შეამოწმეთ, ხარვეზი უკვე ცნობილია თუ არა. შეგიძლია მოიძიოთ და იხილოთ ყველა ხარვეზი, მისამართზე https://gitlab.torproject.org/. ახალი საკითხის წამოსაჭრელად, გთხოვთ მოითხოვოთ ახალი ანგარიში Tor-პროექტის GitLab-განყოფილებასთან წვდომისთვის და მონახეთ შესაფერისი საცავი ხარვეზის მოსახსენებლად. Tor-ბრაუზერთან დაკავშირებული საკითხები განიხილება Tor-ბრაუზერის ხარვეზების აღმნუსხავში. ჩვენს ვებსაიტებთან დაკავშირებულ საკითხებზე გახსენით ბილეთი ვებხარვეზების აღმნუსხავში.