دا زده کړئ چې ستاسې د محرمیت او ناپیژندتیا لپاره د Tor براوزر څه کولای شي
د Tor براوزر څرنګه ډاونلوډ کړو
د Tor براوزر انسټالول
دا چې څرنګه د Tor براوزر د لومړي ځل لپاره وکاروئ دلته یې زده کړئ
How Tor Browser mitigates browser fingerprinting
که چېرې د Tor شبکه بلاک وي نو څه باید وکړو
زیاتره پلګ کېدونکي ترانسپورتونه، لکه obfs4 د "bridge" د ریلي ګانو په کارولو باندې ولاړ دي
د Tor په براوزر کې د شخصي پیژندونکو معلوماتو د کنټرول د څرنګوالي په اړه زده کړه وکړئ
هغه خدمات چې یوازې د Tor په کارولو سره د لاسرسي وړ دي
دا زده کړئ چې څرنګه د Tor براوزر او HTTPS په کارولو سره خپله ډیټا خوندي کړئ
د امنیت او کارنده توب لپاره د Tor د براوزر کانفیګور کول
What to do if Tor Browser is not working
د Tor براوزر څرنګه اپډیټ کړو
د Tor براوزر څرنګه add-ons، plugins او JavaScript مدیریت کوي
څرنګه له خپل سیستم څخه Tor لري کړئ
د موبایل دستګاوو لپاره د Tor په اړه زده کړئ
پیژندل شوې ستونزې
Tor براوزر څرنګه په ځای پر ځای کوونکي رسنۍ کې انسټال کړو
څرنګه مرسته تر لاسه، یوه ستونزه رپوټ یا فیډبک ورکړئ
د Tor براوزر د Tor شبکه کاروي تر څو ستاسې محرمیت او ناپیژندتیا وساتي. د Tor شبکې کارول دوه اصلي ځانګړنې لري:
ستاسې د انټرنېټ د خدماتو وړاندې کوونکی او هر هغه څوک چې ستاسې سیمه ییز اتصال ګوري، و به نه شي کړای چې ستاسې د انټرنېټ فعالیت ستاسو له خوا د لیدل شوو وېب پاڼو د نومونو او پتو په ګډون تعقیب کړي.
د وېب پاڼو اپریټوران او هغه خدمات چې تاسې یې کاروئ او هر هغه څوک چې ګوري یې، وبه ویني چې ستاسې د ریښتیني انټرنېټ (IP) پتې پر ځای د Tor له شبکې څخه اتصال ورته راځي او پر دې به نه پوهیږي چې تاسې څوک یاست، مګر دا چې تاسې خپل هویت په ښکاره توګه ورته واضیح کړئ.
سربېره پر دې، د Tor براوزر داسې طراحي شوی چې وېبپاڼې «د ګوتې له نښان اخیستو» څخه منع کوي یا هم ستاسې د براوزر کانفیګوریشن له مخې نشي پیژندلای.
په عادي حالت کې، د Tor براوزر هېڅ راز د براوز کولو تاریخچه نه ساتي. کوکیز یوازې د یوې جلسې لپاره اعتبار لري (تر څو چې د Tor براوزر موجود وي یا یو نوی هویت غوښتل شوی وي).
Tor د مجازي تونلونو یوه شبکه ده چې تاسې ته اجازه درکوي تر څو خپل محرمیت او امنیت په انټرنېټ کې لا ښه کړئ. Tor د دریو ناګهاني سرورونو (چې د ریلیز په نوم مشهور دي) له لارې د Tor شبکې ته ستاسې ترافیک لېږي. په سرکټ کې وروستۍ ریلي (د «وتلو ریلي») بیا دا ترافیک عام انټرنېټ ته لېږي.
پورتنی تصویر یو کارن ښیي چې د Tor له لارې د بېلابېلو وېب پاڼو د براوزینګ په حال کې دی. د منځ شنه کمپیوټرونه د Tor په شبکه کې د ریلیز ښودونکي دي، په داسې حال کې چې دری کلیدونه د کارن او هرې ریلې تر منځ د انکریپشن د لایو ښودونکي دي.
د Tor د براوزر د ډاونلوډ تر ټولو خوندي او ساده لاره د Tor د پروژې رسمي وېبپاڼه https://www.torproject.org/download ده. له سایټ سره ستاسې اتصال به د HTTPSپه کارولو سره خوندي وي، کوم چې دا چاره به د یو چا لپاره د هغه مداخله ډېره ستونزمنه کړي.
که څه هم، ښايي کله نا کله تاسې و نه شئ کړای چې د Tor پروژې وېب پاڼې ته لاسرسی ولری: د بېلګې په توګه، کېدای شي هغه ستاسې په شبکه کې بلاک شوی وي. که داسې وشول، نو کولای شئ د ډاونلوډ له یوه ځایناستي میتود نه چې لاندې ترتیب شوي دي، ګټه واخلئ:
که تاسې نه شئ کولای چې د Tor براوزر د Tor د پروژې له رسمې وېبپاڼې څخه ډاونلوډ کړئ، نو د هغه پر ځای تاسې کولای شئ چې زموږ له یوې رسمې هېندارې یې یا د EFF یا Calyx Institute له لارې ډاونلوډ کړئ.
GetTor هغه خدمات دي کوم چې په اتومات ډول پیغامونو ته د Tor د براوزر د وروستۍ ګڼې لینکونه ورکوي، چې په بېلابېلو موقعیتونو کې یې کوربه توب کوي، لکه Dropbox، Google Drive او GitHub.
نو gettor@torproject.orgته یو برېښنالیک ولیږئ او د پیغام په متن کې په ساده توګه د خپل عملیاتي سیستم د ډول له مخې یوازې «windows» ،«osx» یا «linux» ولیکئ، (پرته له کومې سوالیه نښو څخه). د بېلګې په توګه، د Windows لپاره د Tor د براوزر د ډاونلوډولو د لینکونو د تر لاسه کولو لپاره، د "windows" په کلیمې سره یو برېښنالیک gettor@torproject.org ته ولیږئ.
GetTor به د یوه برېښنالیک په مټ تاسې ته ځواب درکړي چې په کې هغه لینکونه به وي کوم چې تاسې کولای شئ د Tor براوزر کڅوړه، کریپتوګرافیک لاسلیک (کوم چې د ډاونلوډ د تایید لپاره اړین دی)، د کلید د ګوتې هغه نښان چې د لاسلیک جوړیدو لپاره کارول شوی او د کڅوړې checksum ترې ډاونلوډ کړئ. کېدای شي تاسې ته د «32-bit» یا «64-bit»سافټویر غوراوي وړاندیز وشي: دا ستاسې له خوا د کاریدونکي کمپیوټر په ماډل پورې اړه لري.
په ټیلیګرام کې @GetTor_Bot ته یو پیغام ولېږئ.
پر 'Start' باندې ټپ ووهئ یا په چټ کې /start
ولیکئ.
خپله ژبه وټاکئ.
د Tor براوزر د ډاونلوډ کولو لپاره دوه غوراوي شته.
Tor Browser is based on Mozilla Firefox's ESR (Extended Support Release), which periodically updates to include critical security updates from Firefox's main version. Due to these updates, older operating systems may eventually become incompatibile with newer versions of software dependencies that are only available in more recent OS versions. Maintaining support for outdated systems would compromise the security of Tor Browser, as it would require disabling newer security features and mechanisms that are crucial for protecting users' online anonymity.
Note: Support for Windows 7, 8, and 8.1 will be discontinued after the release of Tor Browser 14, scheduled for the end of 2024. Users on these operating systems are strongly advised to upgrade to maintain access to the most recent updates and security features provided by Tor Browser.
Operating Systems (32-bit and 64-bit):
Tor Browser is supported on any modern Linux-based operating system. Please reach out if you encounter any issues while installing.
د Tor براوزر ته ولاړ شئ د ډاونلوډ پاڼه.
د وینډوز د .exe
فایل ډاونلوډ کړئ.
(توصیه شوی) د فایل لاسلیک تایید کړئ.
کله چې ډاونلوډ بشپړ شو، نو پر .exe
فایل باندې ډبل کلیک وکړئ. د انسټالولو ټول بهیر بشپړ کړئ.
د Tor براوزر ته ولاړ شئ د ډاونلوډ پاڼه.
د macOS د .dmg
فایل ډاونلوډ کړئ.
(توصیه شوی) د فایل لاسلیک تایید کړئ.
کله چې ډاونلوډ بشپړ شو، نو پر .dmg
فایل باندې ډبل کلیک وکړئ. د انسټالولو ټول بهیر بشپړ کړئ.
د Tor براوزر ته ولاړ شئ د ډاونلوډ پاڼه.
د GNU/Linux د .tar.xz
فایل ډاونلوډ کړئ.
(توصیه شوی) د فایل لاسلیک تایید کړئ.
اوس نو یا ګرافیکي یا command-line میتود تعقیب کړئ:
کله چې ډاونلوډ بشپړ شو، نو د یوه ارشیف منیجر په کارولو سره ارشیف را وباسئ.
تاسې باید GNU/Linux ته ووایاست چې غواړئ د شیل سکریپټونو د اجرا وړتیا ولرئ.
د Tor نوي استخراج شوي براوزر ډایریکټري ته ولاړ شئ.
پر start-tor-browser.desktop
ښی کلیک وکړئ، بیا Properties یا Preferences پرانیزئ او د اجازې په برخه کې اجازه ورکړئ تر څو فایل د پروګرام په توګه اجراء شي.
پر ایکن باندې ډبل کلیک وکړئ تر څو د Tor براوزر د لومړي ځل لپاره وکاروئ.
یادښت: په Ubuntu او ځینو نورو ډیستروسو کې که چېرې تاسې غواړئ چې start-tor-browser.desktop
پرانیزئ نو ښايي یو لیکلی فایل درته پرانیستل شي.
په هغه صورت کې، تاسې باید ډیفالټ چلند ته بدلون ورکړئ او اجازه ورکړئ چې د ډیسکټاپ فایلونه د اجرا وړ فایلونو په توګه تر سره شي.
دا تنظیمات کېدای شي په معمول ډول د خپل فایل په منیجر کې ومومئ.
کله چې ډاونلوډ بشپړ شي، نو ارشیف په کومانډ tar -xf [TB archive]
سره را وباسئ.
د Tor براوزر له ډایرکټوري نه دننه، تاسې کولای شئ د Tor براوزر د لاندې هغه په تر سره کولو پیل کړئ:
./start-tor-browser.desktop
یادښت: که چېرې دا کومانډ رن نه شو، نو ښايي تاسې دې ته اړتیا ولری چې دا فایل د اجراء وړ وګرځوئ. د رن کولو له همدې ډایرکټوري نه دننه: chmod +x start-tor-browser.desktop
ځینې اضافي فلګونه کوم چې کېدای شي له کومانډ-لاین څخه له start-tor-browser.desktop
سره وکارول شي:
فلګ | توضیح |
---|---|
--register-app |
د دې لپاره چې د Tor براوزر د ډیسکټاپ د یوه اپلیکیشن په توګه ثبت کړو. |
--verbose |
په ترمینل کې د Tor او فایرفاکس د اوټپوټ ښودلو لپاره. |
--log [file] |
د (default: tor-browser.log) په فایل کې د Tor او فایرفاکس د اوټپوټ ثبتول. |
| د دې لپاره چې له ترمینل څخه ازاد شي او ټور د براوزر په بکګراونډ کې چالان شي. | --detach
|
| --unregister-app
| د ډیسکټاپ د یوه اپلیکیشن په توګه د Tor د براوزر نه ثبتول. |
دا چې څنګه د Tor براوزر اپډیټ کړئ دلته یې ووینئ.
کله چې تاسې د Tor براوزر پیلوئ، نو تاسې به د Connect to Tor کړکۍ ووینئ. دا غوراوی تاسې ته دا امکان درکوي چې مخامخ د Tor له شبکې سره ونښلئ یا هم د Tor براوزر د خپل اتصال لپاره کانفیګور کړئ. Check the toggle if you want to get automatically connected to the Tor network.
په زیاترو حالاتو کې، د "Connect" انتخابول تاسې ته اجازه درکوي چې د Tor له شبکې سره پرته له کوم اضافي کانفیګوریشن ونښلئ.
کله چې مو کلیک وکړ، نو یو سټاټوس بار به را ښکاره شي، چې د Tor د اتصال پرمختګ به ښیي. که تاسې نسبتاً چټک اتصال لری، خو دا بار په ځینو مشخصو ځایونو کې ولاړ ښکاره شي، نو بیا 'Connection Assist' وکاروئ یا هم د همدې ستونزې د هواري په خاطر د مرستې لپاره Troubleshootingووینئ. یا، که چېرې پوهیږئ چې ستاسې اتصال سانسور دی یا پراکسي کاروي، نو بیا باید پر "Configure Connection" کلیک وکړئ.
که چېرې Tor ستاسې په موقعیت کې بلاک شوی وي، نو له پل نه کار اخیستل کېدای شي درسره مرسته وکړي. د اتصال مرسته کولای شي ستاسې د موقعیت په کارولو سره یو ستاسې لپاره وټاکي.
If Connection Assist is unable to determine your location you can select your region from the dropdown menu and click on 'Try a Bridge'.
د Tor براوزر به تاسې یو لړ د کانفیګوریشن غوارویو ته یوسي.
د اتصال مرسته تاسې ته ستاسې د انټرنېټ د اتصال او له Tor شبکې سره ستاسې د اتصال په اړه خبر درکوي.
لومړنی چیک باکس 'Quickstart' ده. که چېرې وټاکل شي، نو هر کله چې تاسې د Tor براوزر پرانیزئ، نو هغه به هڅه وکړي چې ستاسې د شبکې له پخوانیو تنظیماتو سره ونښلي.
که چېرې پوهیږئ چې ستاسې اتصال سانسور دی، یا دا چې تاسې د Tor له شبکې سره په نښلیدو کې پاتې راغلي یاست او بلې هېڅ حل لارې کار ور نه کړ، نو کولای شئ چې د Tor براوزر کانفیګور کړئ تر څو یو پلګ کېدونکی ترانسپورت وکاروئ. 'Bridges' به Circumventionبرخه درته وښایي تر څو پلګ کېدونکی ترانسپورت کانفیګور کړئ یا هم د Bridgesپه کارولو سره اتصال رامنځته کړئ.
که چېرې ستاسې اتصال له پروکسي نه کار اخلي نو کولای شئ «له انټرنېټ سره د Tor د براوزر د نښلولو د کانفیګور پر څرنګوالي» وړاندې پر «تنظیماتو ...» باندې کلیک وکړئ. په زیاترو حالاتو کې، دا اړینه نه ده. تاسې به معمولاْ پوه شئ که مو اړتیا درلوده چې دا چیک باکس وټاکئ، ځکه چې دا ورته تنظیمات به ستاسې په سیستم کې د نورو براوزرونو لپاره هم وکارول شي. که ممکنه وي، نو د خپلې شبکې له مدیر سره د لارښوونو په اړه وپوښتئ. که چېرې ستاسې اتصال کومه پراکسي نه کاروي، نو بیا پر "Connect" کلیک وکړئ.
Browser fingerprinting is the systematic collection of information about the web browser to make educated guesses about its identity or characteristics. Each browser's settings and features create a "browser fingerprint". Most browsers inadvertently create a unique fingerprint for each user, which can be tracked across the internet. For more in-depth information on browser fingerprinting, refer to these articles on the Tor Blog: Browser Fingerprinting: An Introduction and the Challenges Ahead and Tor Browser: a legacy of advancing private browsing innovation.
First, there is no need to ask for permissions from the user to collect this information. Any script running in the browser can silently build a fingerprint of the device without users even knowing about it.
Second, if one attribute of the browser fingerprint is unique or if the combination of several attributes is unique, the device can be identified and tracked online. This means that even without cookies, a device can be tracked using its fingerprint.
Tor Browser is specifically engineered to minimize the uniqueness of each user's fingerprint across various metrics. While it is practically impossible to make all Tor Browser users identical, the goal is to reduce the number of distinguishable "buckets" for each metric. This approach makes it harder to track individual users effectively.
Certain attributes, like the operating system and language, are necessary for functionality and cannot be completely hidden or spoofed. Instead, Tor Browser limits the variety within these attributes to reduce distinctiveness. For example, it limits font enumeration and applies character fallback, standardizes screen and window sizes using letterboxing, and restricts the variety of requested languages to a small, predefined set.
The key goal of Tor Browser's anti-fingerprinting protections is to make it significantly more challenging to gather enough information to uniquely identify users, thereby enhancing privacy without compromising necessary functionality.
To prevent fingerprinting based on screen dimensions, Tor Browser starts with a content window rounded to a multiple of 200px x 100px. The strategy here is to put all users in a couple of buckets to make it harder to single them out. That works so far until users start to resize their windows (e.g. by maximizing them or going into fullscreen mode). Tor Browser ships with a fingerprinting defense for those scenarios as well, which is called Letterboxing, a technique developed by Mozilla and presented in 2019. It works by adding margins to a browser window so that the window is as close as possible to the desired size while users are still in a couple of screen size buckets that prevent singling them out with the help of screen dimensions.
In simple words, this technique makes groups of users of certain screen sizes and this makes it harder to single out users on basis of screen size, as many users will have same screen size.
In addition to letterboxing, Tor Browser employs many other features to mitigate browser fingerprinting and protect user privacy. These features include Canvas image extraction blocking, NoScript integration, user-agent spoofing, and first-party isolation. For a complete list of features, please read the Tor Browser design and implementation document.
ځینې وختونه ښايي د Tor شبکې ته ستاسې مخامخ لاسرسی ستاسې د انټرنېټې خدماتو د وړاندې کوونکي یا ستاسې د دولت له خوا بلاک شوی وي. د Tor براوزر کې ځینې مخنیوونکي وسایل شته چې ستاسې لپاره همدا بلاکونه لري کوي. دغو وسایلو ته «پلګ کېدونکي ټرانسپورټونه» وايي.
اوسمهال دری پلګ کېدونکي ټرانسپورتونه موجود دي، خو نور هم د جوړیدو په درشل کې دي.
obfs4 | obfs4 د Tor ترافیک داسې جوړوي تر څو تصادفي ښکاره شي، او همداشان د انټرنېټ په سکنولو سره د پلونو په موندلو کې د سنسورونو مخنیوی کوي. د obfs4 پلونه د خپلو پخوانیو obfs3 په پرتله ډېر کم بلاک کېږي. |
meek | meek transports یې داسې ښکاروي چې تاسې د Tor پر ځای کومه ستره وېب پاڼه براوز کوئ. meek-azure یې داسې ښکاروي لکه تاسې چې د مایکروسافټ وېب پاڼه کاروئ. |
Snowflake | Snowflake د داوطلبانه پراکسي ګانو له لارې ستاسې اتصال ته هدایت ورکوي تر څو داسې په نظر ورسیږې چې د Tor د کارولو پر ځای د ویډیويي اړیکې د ټینګولو پر حال کې یاست. |
WebTunnel | WebTunnel ستاسې د Tor اتصال ته نقاب وراغوندي او داسې ښکاري چې ګواکې د HTTPS له لارې یوې وېب پاڼې ته لاسرسی لرئ. |
د پلګ کېدونکي ټرانسپورټ د کارولو لپاره، کله چې د لومړي ځل لپاره د Tor براوزر کاروئ، نو پر "Configure Connection" کلیک وکړئ. د "Bridges" تر برخې لاندې، د " Tor د براوزر نه یو له مخکې نه جوړ شوی پل وټاکئ" غوراوی ومومئ او بیا پر "Select a Built-In Bridge" غوراوي کلیک وکړئ. له مینو څخه، هر هغه پلګ کېدونکی ټرانسپورت چې تاسې یې کارول غواړئ، وټاکئ.
کله چې تاسې پلګ کېدونکی ټرانسپورټ وټاکه، نو پر "Connect" کلیک وکړئ تر څو خپل تنظیمات ثبت کړئ.
یا، که چېرې تاسې د Tor براوزر روښانه کړی وي، نو په hamburger menu (≡)کې پر "تنظیماتو" او بیا په سایډ بار کې پر "Connection" کلیک وکړئ. د "Bridges" تر برخې لاندې، د " Tor د براوزر نه یو له مخکې نه جوړ شوی پل وټاکئ" غوراوی ومومئ او بیا پر "Select a Built-In Bridge" غوراوي کلیک وکړئ. له مینو څخه هر یو پلګ کېدونکی ټرانسپورت چې ستاسې خوښ دی و یې کاروئ هغه وټاکئ او پر «هوکې» کلیک وکړئ. کله چې مو ټب وتاړه نو ستاسې تنظیمات به په اتومات بڼه ثبت شي.
د Tor د پل په مینو کې هر یو لیست شوی ترانسپورت به بېله بڼه کار کوي او د هغوی اغېزمنتیا ستاسې په فردي شرایطو پورې اړه لري.
که چېرې تاسې غواړئ د لومړي ځل لپاره یو بلاک شوی اتصال لرې کړئ، نو باید متفاوت ټرانسپورتونه وکاروئ: obfs4 ،snowflake یا meek-azure.
که چېرې تاسې دا ټول غوراوي کارولي وي، خو یوه هم انلاین کړي نه یاست، نو بیا تاسې د یوه پله غوښتنې ته اړتیا لرئ او یا هم دا چې په لاسي ډول د پل پتې دننه کړئ.
په چین کې به کاروونکي په احتمال سره د یوه شخصي او ناترتیب شوي obfs4 پله نښلولو ته اړتیا ولري.
زموږ د ټیلي ګرام له غرفې سره اړیکه ونیسئ @GetBridgesBot او بیا /bridges
ولیکئ.
یا هم frontdesk@torproject.org ته برېښنالیک ولیږئ چې په عنوان کې مو د "private bridge cn" عبارت لیکلی وي.
که چېرې تاسې له یوه بل هېواد څخه وصل کېږئ، نو د مهرباني له مخې دا په یاد درسره ولرئ چې د خپل برېښنالیک د موضوع په برخه کې د خپل هېواد نوم او کوډ هم ولیکئ.
د Bridges برخه ولولئ تر څو پوه شئ چې پلونه یعنې څه او څرنګه هغه تر لاسه کړو.
زیاتره Pluggable Transports، لکه obfs4 د "bridge" د ریلي ګانو په کارولو باندې ولاړ دي. لکه د Tor د معمولي ریلي ګانو په څېر، پلونه د داوطلبانو له خوا کارول کېږی؛ د معمولي ریلي ګانو برخلاف، که څه هم هغه په عامه توګه سره لیست شوي نه دي، نو ځکه یو دښمن نه شي کولای چې هغه په اسانۍ سره وپیژني.
له پلګ کېدونکو ترانسپورتونو سره په ګډه د پلونو کارول د دې واقعیت په پټولو سره مرسته کوي چې تاسې له Tor نه کار اخلئ، خو شونې ده چې د Tor د معمولي ریلي ګانو د کارولو په پرتله د اتصال سرعت را کم کړي.
نور پلګ کېدونکي ترانسپورتونه لکه meek او Snowflake، بیا بېلابېل د سانسور ضد تکنیکونه کاروي چې د پلونو د پتو پر موندلو باندې اتکاء نه کوي. د همدې ترانسپورتونو د کارولو لپاره تاسې د پل د پتو تر لاسه کولو ته اړتیا نه لرئ.
دا چې د پل پتې عامې نه دي، نو باید تاسې یې په خپله وغواړئ. تاسې څو غوراوي لرئ:
/start
یا /bridges
ولیکئ. د پل پته کاپي کړئ او په:که چېرې تاسې د Tor براوزر د لومړي ځل لپاره کاروئ، نو د Tor د تنظیماتو د کړکۍ د پرانیستلو لپاره پر "Configure Connection" کلیک وکړئ. In the "Bridges" section, locate the option to "Find more bridges" and click on "Request bridges" for Tor Project to provide a bridge. Captcha بشپړه کړئ او پر "Submit" کلیک وکړئ. د خپلو تنظیماتو د ثبت لپاره پر "Connect" کلیک وکړئ.
یا، که چېرې تاسې د Tor براوزر روښانه کړی وي، نو په hamburger menu (≡)کې پر "تنظیماتو" او بیا په سایډ بار کې پر "Connection" کلیک وکړئ. In the "Bridges" section, locate the option to "Find more bridges" and click on "Request bridges" for Tor Project to provide a bridge. Captcha بشپړه کړئ او پر "Submit" کلیک وکړئ. کله چې مو دا ټب وتاړه نو ستاسې تنظیمات به په اتومات بڼه ثبت شي.
که چېرې تاسې د Tor براوزر د لومړي ځل لپاره کاروئ، نو د Tor د تنظیماتو د کړکۍ د پرانیستلو لپاره پر "Configure Connection" کلیک وکړئ. In the "Bridges" section, from the option "Enter bridge addresses you already know" click on "Add new bridges" and enter each bridge address on a separate line. د خپلو تنظیماتو د ثبت لپاره پر "Connect" کلیک وکړئ.
یا، که چېرې تاسې د Tor براوزر روښانه کړی وي، نو په hamburger menu (≡)کې پر "تنظیماتو" او بیا په سایډ بار کې پر "Connection" کلیک وکړئ. In the "Bridges" section, from the option "Enter bridge addresses you already know" click on "Add new bridges" and enter each bridge address on a separate line. کله چې مو ټب وتاړه نو ستاسې تنظیمات به په اتومات بڼه ثبت شي.
که چېرې اتصال تر سره نه شو، نو هغه پلونه چې تاسې تر لاسه کړي دي ښايي هغه له کاره لویدلې وي. مهرباني وکړئ یو له هغو پورتنیو میتودونو څخه وکاروئ تر څو زیات شمېر د پله پتې تر لاسه کړئ او بیا هڅه وکړئ.
د هر پله پته د هغو ایموجي تورو په لړۍ سره ښودل کېږي چې د Bridge-mojis په نوم یادیږي. له Bridge-mojis نه کولای شو د دې خبرې د تایید لپاره کار واخلو چې د پام وړ پل په بریا سره اضافه شوی دی.
Bridge-mojis د انسانانو له خوا لوستل کېدونکي د پل پيژندونکي دي او هېڅکله د Tor له شبکې یا د پل له حالت سره د اتصال د کیفیت ښکارندوی نه دي. د ایموجي تورو لړۍ د انپوټ په توګه نه شي کاریدلای. له همدې امله کاروونکي باید د پل بشپړه پته وړاندې کړي تر څو وکولای شي له پل سره ونښلي.
د پله پتې د QR کوډ په کارولو یا د ټولې پتې په کاپي کولو سره شریک کېدای شي.
کله چې تاسې له یوې وېب پاڼې سره نښلئ، دا یوازې د هغې وېب پاڼې اپراتوران نه دي چې کولای شي ستاسې د لیدنې په اړه معلومات ثبت کړي. زیاتره وېب پاڼې اوس بې شمېره درېیمګړي خدمات کاروي، له هغې ډلې د ټولنیزو شبکو د «Like» بټنونه، تحلیلي ټرکران او اعلانوونکي څراغونه، چې دا ټول ستاسې فعالیت په بېلابېلو سایټونو کې سره تړي.
د Tor شبکې کارول څارونکي له دې منع کوي چې وکولای شي ستاسې دقیق موقعیت او د IP پته کشف کړي، خو ان له همدې معلوماتو نه پرته، ښايي هغوی وکولای شي ستاسې د فعالیت بېلابېلې سیمې سره ونښلوي. له همدې امله، د Tor براوزر ځینې اضافي بڼې لري چې له تاسې سره مرسته کوي تر څو دا کنټرول کړئ چې کوم معلومات ستاسې له هویت سره تړلي پاتې کېدای شي.
د Tor براوزر ستاسې د وېب تجربه له وېب پاڼې سره د URL په بار کې متمرکزوي. ان که چېرې تاسې له دوو بېلابېلو سایټونو سره یو ځای کېږئ چې هغه ورته د درېیمګړي غاړې د ټرکنګ خدمات کاروي، نو د Tor براوزر به منځپانګه اړ باسي چې د Tor د دوو بېلو مدارونو له خوا وړاندې شي، تر څو ټرکر پوه نه شي چې دواړه اتصالات ستاسې له براوزر نه سرچینه اخلي.
په بله وینا، د یوې واحدې وېب پاڼې له پتې سره اتصال به د Tor د ورته مدار له مخې رامنځته شي، په دې معنی چې تاسې کولای شئ د یوې وېب پاڼې بېلابېلې په بېلو ټبونو یا کړکیو کې براوز کړئ، پرته له دې چې کوم فعالیت له لاسه ورکړئ.
تاسې کولای شئ د هغه مدار ډیاګرام ووینئ چې د Tor براوزر یې د اوسني ټب لپاره د سایټ د معلوماتو په مینو کې د URL په بار کې کاروي.
په مدار کې، Guard یا د ننوتونکي نوډ لومړنی نوډ دی چې په اتومات او تصادفي بڼه د Tor له خوا ټاکل کېږي. خو دا په مدار کې له نورو نوډونو سره توپیر لري. د دې لپاره چې د پروفایلینګ د بریدونو مخه ونیسو، نو د Guard نوډ د نورو نوډونو برخلاف یوازې 2-3 میاشتې وروسته بدلیږي، چې له هر نوي ډومین سره بدلون مومي. د Guards په اړه د لا زیاتو معلوماتو لپاره، له FAQ او Support Portal سره مشوره وکړئ.
که څه هم د Tor براوزر د دې لپاره طراحي شوی تر څو په وېب کې د کاروونکي ټولټال ناپیژاندتوب فعال وساتل شي، خو کېدای شي داسې شرایط هم واوسي چې د هغو وېب پاڼو لپاره د Tor کارول چې کارن نوم، پټ نوم یا نورو پېژندونکو معلوماتو ته اړتیا ولري، منطقي واوسي.
که چېرې تاسې یوې وېب پاڼې ته د عادي براوزر له لارې دننه شئ، نو په دې لړ کې به تاسې خپل د IP پته او موقعیت نورو ته ور ښکاره کړئ. دا خبره د برېښنالیک لېږلو په مهال هم صدق کوي. خو د Tor براوزر په مټ د خپلو خواله رسنیو یا برېښنالیک حساب ته په ننوتو سره به تاسې ته اجازه درکړي چې وټاکئ غواړئ کوم معلومات مو هغو وېب پاڼو ته ورشي کوم چې تاسې یې براوز کوئ. د Tor براوزر په مټ دننه کېدل له دې امله هم ګټور ده چې تاسې کولای شئ هغې وېب پاڼې ته هم ورشئ کوم چې ستاسې په شبکه کې سانسور ده.
کله چې تاسې د Tor له لارې یوې وېب پاڼې ته ورځئ، نو څو ټکي باید په پام کې ونیسئ:
د Tor براوزر د «نوي هویت» او «د سایټ لپاره د Tor د نوي مدار» غوراوي لري. هغه همداشان په hamburger یا اصلي مینو (≡) کې هم شته.
که چېرې غواړئ چې په خپل براوزر کې له مخکنیو فعالیتونو سره د راتلونکو فعالیتونو له لینک کېدو نه مخنیوی وکړئ، نو دا غوراوی ډېر ګټور دی. د دې غوراوي په ټاکل کېدو سره به ستاسې ټول پرانیستي ټبونه او کړکۍ وتړل شي او ستاسې ټول شخصي معلومات لکه کوکیز او د براوزینګ تاریخچه به پاکه شي، وروسته د ټولو اتصالاتو لپاره د Tor نوي مدارونه وکاروئ. د Tor براوزر به تاسې ته اخطار درکړي چې ستاسې ټول فعالیت او ډاونلوډونه به ودریږي، له همدې امله پر «New Identity» باندې کلیک کولو نه وړاندې دې ټکي ته پام وساتئ.
د دغه غوراوي د کارولو لپاره، تاسې باید د Tor براوزر په ټولبار کې پر «New Identity» کلیک وکړئ.
دغه غوراوی هغه مهال ګټور دی کله چې شته ریلي کوم چې تاسې یې کاروئ و نه شي کړای چې ستاسې له وېب پاڼې سره ونښلول شی، یا هم هغه په سمه توګه سره لوډ نه کړي. د دې په ټاکلو سره به اوسنی فعال ټب یا کړکۍ بېرته د Tor په یوه نوي مدار کې لوډ شي. له همدې ورته وېب پاڼې څخه به نور پرانیستي ټبونه او کړکۍ هم کله چې هغه لوډ شي نو نوی مدار به وکاروي. دغه غوراوی کوم شخصي معلومات نه پاکوي او نه هم ستاسې کوم فعالیت او همداشان له نورو وېب پاڼو سره ستاسې پر اوسنیو اتصالاتو باندې اغېزه کوي.
همداشان تاسې کولای شئ چې دغه غوراوي ته د نوي مدار په نمایش، د سایټ د معلوماتو په مینو او د URL په بار کې لاسرسی ولرئ.
د Onion خدمات (چې پخوا به ورته «پټ سرویسونه» ویل کېدل) داسې خدمات دي، لکه وېب پاڼې چې یوازې د Tor شبکې له لارې د لاسرسي وړ دي.
د Onion خدمتونه په غیرشخصي وېب کې د عادي خدمتونو پر ځای ګڼې ګټې وړاندې کوي:
لکه د نورو وېب پاڼو په څېر، تاسې باید د onion خدمت پر پتې باندې پوه شئ، تر څو وکولای شئ له هغه سره وصل شئ. د onion یوه پته 56 توري او شمېرې لري چې ترې وروسته ".onion" راځي.
کله چې یوې وېب پاڼې ته لاسرسی پیدا کوئ کوم چې د onion خدمات کاروي، نو د Tor براوزر به د URL په بار کې د پیاز یو ایکن وښیي چې ستاسې د اتصال د حالت ښودونکی به وي: د onion خدماتو رامنځته کول او کارول. You can learn more about the onion service by clicking on the onion icon and the adjacent Circuit Display in the address bar.
د onion د یوه سایټ په اړه د لا زیاتې زده کړې لپاره یوه بله لاره دا ده چې که چېرې د وېب پاڼې مدیر د Onion-Location په نوم ځانګړنه پلي کړې وي. Onion-Location د HTTP هغه غیرمعیاري هیډر دی چې وېب پاڼې یې د خپل onion همکارانو د اعلانولو لپاره کاروي. که چېرې هغه وېب پاڼه چې تاسې ترې لیدنه کوئ کوم شته د onion سایټ ولري، نو د Tor براوزر د URL په بار کې به یو بنفش رنګه وړاندیز درته وشي چې دا جمله به ښیي "onion available.". کله چې پر "onion available." کلیک وکړئ، وېب پاڼه به له سره لوډ شي او د خپل onion همکار ته به ور سېخه شي.
د onion تصدیق شوي خدمات لکه د یوه onion سایټ په څېر خدمات دي چې له پېرودونکي نه غواړي تر څو دغو خدماتو ته له لاسرسي لرلو وړاندې د تصدیق ټوکین وړاندې کړي. د Tor د یوه کارونکي په توګه، تاسې کولای شئ خپل ځان مخامخ د Tor په براوزر کې تصدیق کړئ. د دې لپاره چې دغو خدماتو ته لاسرسی ولرئ، نو د onion خدماتو له اپراتور څخه باید د لاسرسي لرلو په خاطر کارن نوم او پټ نوم ته اړتیا ولرئ. کله چې د onion تصدیق شوو خدماتو ته لاسرسی مومئ، نو د Tor براوزر به د URL په بار کې د یوه واړه خاکي کلید ایکن وښیي، چې ورسره به یو ټولټيپ هم ملګری وي. د انپوټ په برخه کې خپل معتبر شخصي کلید دننه کړئ.
که چېرې تاسې د onion له یوه سایټ سره نه شئ نښلېدای، نو د Tor براوزر به د تېروتنې یو مشخص پیغام وړاندې کړي او تاسې ته به په دې اړه خبر درکړي چې دا وېب پاڼه ولې نشته. تېروتنې په بېلابېلو بڼو سره رامنځته کېږي: د پېرودونکي تېروتنې، د شبکې تېروتنې یا د خدماتو تېروتنې. ځینې دغه تېروتنې د Troubleshooting د برخې په تعقیب سره حل کېدای شي. لاندې جدول ټولې ممکنه تېروتنې او دا چې کوم کار باید تر سره کړئ تر څو هغه ستونزې هوارې شي، ښیي.
کوډ | د تېروتنې عنوان | لنډه توضیح |
---|---|---|
0xF0 | دا Onionsite و نه موندل شو | تر ټولو ډېر احتمالي علت یې دا ده چې onionsite افلاین ده. د onionsite له مدیر سره اړیکه ونیسئ. |
0xF1 | دا Onionsite نه شي خلاصېدای | دا onionsite د یوې داخلي تېروتنې له امله نه شي خلاصېدای. |
0xF2 | دا Onionsite غیر وصل شوی دی | اصلي احتمالي علت یې دا دی چې onionsite افلاین دی. د onionsite له مدیر سره اړیکه ونیسئ. |
0xF3 | له Onionsite سره نه شئ نښلیدلای | onionsite بوخت دی یا هم د Tor شبکه کې لوډ زیات دی. وروسته بیا هڅه وکړئ. |
0xF4 | دا Onionsite تصدیق ته اړتیا لري | onionsite ته لاسرسی لرل کلید ته اړتیا لري، خو هغه هېڅ نشته. |
0xF5 | د Onionsite تصدیق تر سره نه شو | وړاندې شوی کلید سهي نه دی یا هم لغوه شوی دی. د onionsite له مدیر سره اړیکه ونیسئ. |
0xF6 | د Onionsite ناسمه پته | د onionsite وړاندې شوې پته ناسمه ده. د مهرباني له مخې یې وګورئ چې په سمه توګه مو دننه کړې وي. |
0xF7 | د Onionsite د مدار جوړول پای ته رسېدلی | له onionsite سره نښلیدل تر سره نه شو، ښايي د شبکې د ضعیف اتصال له امله وي. |
که چېرې تاسې د onion خدماتو ته چې غوښتنه مو کړې ده، و نه رسېږئ، نو ډاډ تر لاسه کړئ چې تاسې د onion د خدماتو پته په سمه توګه سره دننه کړې ده: ان یوه کوچنۍ تېروتنه به هم د Tor براوزر همدې سایټ ته له رسېدو څخه را وګرځوي.
که تاسې هڅه کوئ چې د پیازي خدماتو 16 تورو (تر ټولو لنډ د «V2 بڼې») ته لاسرسی ولرئ، دا ډول پته د نن ورځې Tor شبکه کې نور کار نه کوي.
همداشان تاسې کولای شئ دا وازمویئ چې که کولای شئ د onion نورو خدماتو ته له DuckDuckGo's Onion Service سره د نښلیدو لپاره لاسرسی ولری.
که چېرې لا بیا هم نه شئ کولای چې د onion خدماتو ته د پتې له تایید وروسته ونښلئ، نو بیا ځلې هڅه وکړئ. ښايي کومه لنډمهاله د اتصال ستونزه وي، یا د سایټ اپراتورانو ښايي ورته اجازه ورکړې وي چې له خبرداري پرته افلاین شي.
که چېرې شخصي معلومات لکه د ننوتلو پټ نوم په انټرنېټ کې غیرانکریپټ شي، نو کېدای شي هغه په ډېره اسانۍ سره د یوه اوریدونکي له خوا کشف شي. که چېرې تاسې په هره وېب پاڼه کې دننه کېږئ، نو باید ډاډ تر لاسه کړئ چې دا سایټ د HTTPS انکریپشن ورکوي، چې د دې ډول اوریدونکو پر وړاندې یې ساتنه کوي. تاسې کولای شئ دا د URL په بار کې تایید کړئ: که چېرې ستاسې اتصال انکریپټ شوی وي، نو پته به یې یا په "://https" یا "://http" سره پیل شي.
د HTTPS یوازینی موډ د وېب پاڼو ټول اتصالات مجبوروي تر څو یو خوندي انکریپټ شوی اتصال وکاروي چې ورته HTTPS وايي. زیاتره وېب پاڼې د HTTPS ملاتړ کوي؛ ځینې یې بیا د دواړو HTTP او HTTPS ملاتړ کوي. د دې موډ فعاله کول د دې تضمین کوي چې له وېب پاڼو سره ستاسې ټول اتصالات اپګریډ شوي دي تر څو HTTPS وکاروي او خوندي واوسي.
ځینې وېب پاڼې یوازې له HTTP ملاتړ کوي خو د هغو اتصال بیا اپګریډ کېدای نه شي. که چېرې د یوه سایټ د HTTPS ورژن موجود نه وي، نو تاسې به د «خوندي اتصال نشته» پاڼه ووینئ:
که چېرې تاسې پر «د سایټ HTTP ته ادامه ورکړئ» کلیک وکړئ نو تاسې خطر منئ او وروسته به د سایټ HTTP ورژن څخه لیدنه وکړئ. د همدې سایټ لپاره به د HTTPS یوازینی موډ د لنډمهال لپاره خاموشه وي.
که چېرې غواړئ د هر ډول غیرانکریبټ شویو اتصالاتو مخنیوی وکړئ د «بېرته شاته ولاړ شه» پر تڼۍ کلیک وکړئ.
Tor Browser presents a security prompt if a cryptocurrency address has been copied from an insecure HTTP website. The cryptocurrency address could have been modified and should not be trusted. Clicking 'Reload Tab with a New Circuit' will attempt to load a secure version of the website with a new Tor circuit.
If you click 'Dismiss' you accept the risk and the cryptocurrency address will be copied to the clipboard.
لاندې تجسم ښیي چې کوم معلومات اوریدونکو ته د Tor براوزر او HTTPS انکریپشن په مټ یا له هغه پرته د لیدلو وړ دي:
په عادي حالت کې، د Tor براوزر ستاسې امنیت ستاسې د براوزینګ کېدونکې ډیټا په انکریپټ کولو سره خوندي ساتي. تاسې کولای شئ خپل امنیت د وېب د ځینو ځانګړنو په غیرفعالولو سره لا زیات کړئ کوم چې ستاسې د امنیت او ناپیژاندتیا د سازګارتیا لپاره کارول کېږي. تاسې کولای شئ دا کار د shield په مینو کې د Tor د براوزر د امنیت د کچې په زیاتولو تر سره کړئ. د Tor د براوزر د امنیت د کچې په زیاتوالي سره به د وېب ځینې پاڼې له سم فعالیت کولو نه را وګرځوي، نو له همدې امله تاسې باید د خپلې اړینې کارنده تیا د کچې له مخې خپل امنیت زیات کړئ.
امنیتي تنظیماتو ته د Tor د براوزر د URL بار کې نږدې د ډال پر ایکن باندې کلیک کولو سره لاسرسی لرلای شئ. د خپلو امنیتي تنظیماتو د لیدلو او تعدیل لپاره، د ډال په مینو کې د «تنظیماتو» پر تڼۍ کلیک وکړئ.
د Tor د براوزر په امنیتي تنظیماتو کې به د امنیتي کچې زیاتوالی غیرفعاله شي یا به هم د براوزر ځینې ځانګړنې د احتمالي بریدونو پر وړاندې د خوندیتوب په خاطر په جزیي بڼه سره غیرفعالې شي. تاسې کولای شئ دغه تنظیمات بېرته هر کله چې مو وغوښتل د خپلې امنیتي کچې په تعدیلولو سره فعال کړئ.
دغه کچه د وېب پاڼې هغه ځانګړنې غیرفعاله کوي چې زیاتره یې خطرناکې دي. دا کار کېدای شي د دې لامل وګرځي چې ځینې سایټونه خپل فعالیت له لاسه ورکړي.
JavaScript په ټولو غیر HTTPSسایټونو کې غیرفعال دی؛ ځینې فونټونه او د ریاضي سمبولونه غیرفعال دي؛ غږیز او ویډیويي (HTML5 رسنۍ) د کلیک کېدو له مخې پلي کېږي.
دغه کچه یوازې د وېب پاڼې هغو ځانګړنو ته اجازه ورکوي چې د سټاټیک سایټونو او بنستیزو خدماتو لپاره اړین دي. دغه بدلونونه پر انځورونو، رسنۍ او سکریپټونو اغېز کوي.
Javascript په ټولو سایټونو کې په عادي حالت کې غیرفعال وي؛ ځینې فونټونه، ایکنونه، د ریاضي سمبولونه او انځورونه غیرفعال وي؛ غږیز او ویډیويي (HTML5 رسنۍ) د کلیک کېدو له مخې پلي کېږي.
تاسې باید وکولای شئ چې د لنډې مودې لپاره د Tor د براوزر په مټ د پروګرام په کارولو د وېب نه لیدنه وکړئ او که چېرې د لومړي ځل لپاره له هغه څخه لیدنه کوئ، نو بیا د "Connect" پر تڼۍ کلیک وکړئ.
که چېرې پر 'Test' باندې کلیک وکړئ نو د اتصال مرسته تاسې ته ستاسې د انټرنېټ د اتصال په اړه خبر درکوي.
خپل د انټرنېټ اتصال وګورئ که چېرې هغه 'Offline' ښکاره کوي. که چېرې له Tor شبکې سره ستاسې اتصال نه وي رامنځته شوی او د 'Not Connected' پیغام ورکوي، نو لاندني ګامونه درسره مرسته کولای شي.
که چېرې د Tor براوزر و نه نښلي، نو کېدای شي یوه ساده حل لاره وي. لاندنی هر یو ګام عملي کړئ:
په زیاترو حالاتو کې، د Tor لاګونو ته کتل دستونزې په پیژندنه کې مرسته کولای شي. که چېرې تاسې په نښلیدو کې ستونزه لرئ، نو د تېروتنې یو پیغام به در ښکاره شي او بیا کولای شئ «کلیپ بورډ ته د Tor فایل د کاپي کولو» غوراوی وټاکئ. وروسته د Tor لاګ په یوه متن لرونکي فایل یا بل سند کې واچوئ.
که چېرې تاسې دا غوراوی نه وینئ او د Tor براوزر مو پرانیستی وي، نو بیا کولای شئ د hamburger مینو ("≡") ته ولاړ شئ، وروسته پر «تنظیماتو» باندې کلیک وکړئ او بیا د څنګ په بار کې پر «اتصال» باندې کلیک وکړئ. د پاڼې په پای کې، د «Tor لاګونه ووینئ» متن تر څنګ، د «فایلونه ووینئ...» تڼۍ باندې کلیک وکړئ.
دې ته ورته، په GNU/Linux کې، د دې لپاره چې لاګونه مخامخ په ترمینل کې ووینئ، نو د Tor د براوزر ډایرکټري ته ولاړ شئ او د لاندي کار په تر سره کولو سره د Tor براوزر د فرمان له کرښې نه روښانه کړئ:
./start-tor-browser.desktop --verbose
یا هم په فایل کې د لاګونو د ثبت لپاره (default: tor-browser.log):
./start-tor-browser.desktop --log [file]
په دې اړه زیات معلومات کېدای شي په مرستندویه پورټال کې وموندل شي .
که تاسې لا تر اوسه پورې هم نه شئ نښلیدای، نو ستاسې د انټرنېټي خدماتو وړاندې کوونکی ښايي د Tor په شبکه کې اتصالونه سانسوري. د احتمالي حل لارو لپاره د Circumventionبرخه ولولئ.
د Tor براوزر تر ثابت پرمختګ لاندې ده، ځینې ستونزې پېژندل شوې دي خو تر اوسه پورې نه دي هوارې شوي. مهرباني وکړئ د پېژندل شوو ستونزوپاڼه وګورئ تر څو درته معلومه شي چې ایا هغه ستونزه چې تاسې یې تجربه کوئ هغه هلته فهرست شوې ده که نه.
د Tor براوزر باید هر وخت اپډیټ وساتل شي. که چېرې تاسې د همدې سافټ ویر کومې زړې نسخې کارولو ته ادامه ورکړئ، نو کېدای شي له جدي امنیتي سرغړونو سره مخ شئ چې له امله به یې ستاسې محرمیت او ناپیژاندتیا له خطر سره مخ کړي.
کله چې د همدې سافټ ویر نوې نسخه خپریږي، نو د Tor براوزر به تاسې نه وغواړي چې هغه اپډیټ کړئ: اصلي مینو (≡) به یوه شنه کړۍ در ښکاره کړي چې په کې مخ په پورته خوا به یو تېر یا کمان لري او کېدای شي کله چې تاسې د Tor براوزر پرانیزئ نو د اپډیټ یو بیغام ووینئ. تاسې کولای شئ هغه په اتومات یا لاسي ډول سره اپډیټ کړئ.
کله چې له تاسې څخه د Tor د براوزر د اپډیټ کېدو غوښتنه وشوه، نو پر اصلي مینو (≡) کلیک وکړئ، وروسته “Restart to update Tor browser” وټاکئ.
اپډیټ ته صبر وکړئ تر څو ډانلوډ او انسټال شي، وروسته به د Tor براوزر په خپله چالان شي. اوس به تاسې تر ټولو وروستۍ نسخه کاروئ.
کله چې له تاسې څخه وغوښتل شي چې د Tor براوزر اپډیټ کړئ، نو د براوزینګ غونډه پای ته ورسوئ او پروګرام وتړئ.
د Tor براوزر له خپل سیستم څخه د هغه فولډر په ړنګولو سره پاک کړئ کوم چې په کې د (Uninstallingبرخې او د زیاتو معلوماتو برخه) شامله ده.
له https://www.torproject.org/download/ نه لیدنه وکړئ او د Tor د براوزر تر ټولو وروستۍ نسخه ډانلوډ او کاپي کړئ او بیا یې د پخوا په څېر بېرته انسټال کړئ.
جاواسکریپټ د پروګرام جوړولو هغه ژبه ده چې وېب پاڼې یې د ویډیو، انیمیشن، اډیو او د وضعیت د ټایملاین په توګه د منفعلو عناصرو وړاندې کولو لپاره کاروي. له بده مرغه، جاواسکریپټ د براوزر پر امنیت باندې بریدونه هم فعاله کوي، چې کېدای شي د نوم نه اېښودو deanonymization لامل وګرځي.
Tor Browser includes an add-on called NoScript. It's accessible through "Add-ons and themes" on the hamburger menu (≡). Locate the NoScript add-on and click on it to open a panel where you can customize its settings.
In the panel, next to the Toolbar button, select 'Show'. This will display the NoScript button to the right of the browser address bar. This button enables you to manage JavaScript and other scripts on web pages, allowing you to control their execution individually or block them entirely.
هغه کاروونکي چې په خپل وېب براوزینګ کې د امنیت لوړه درجه غواړي باید د Tor براوزر امنیتي کچه«Safer» کې تنظیم کړي ( کوم چې د هغو وېب پاڼو لپاره چې HTTPS نه لري جاواسکریپټ غیرفعالوي) یا “Safest” (چې د ټولو وېب پاڼو لپاره همداسې ده). However, disabling JavaScript will prevent many websites from displaying correctly, so Tor Browser's default setting is to allow all websites to run scripts in "Standard" mode.
د Tor براوزر په فایرفاکس کې دی، او هر ډول د add-ons براوزر یا تیمونه کوم چې له فایرفاکس سره سازګار دي هغه د Tor په براوزر کې هم انسټال کېدای شي.
که څه هم، یواځیني add-ons چې د Tor په براوزر کې ازمویل شوي دي هغه ټول په ډیفالټ بڼه کې دي. د براوزر د نورو add-ons انسټالول کېدای شي په Tor براوزر کې خپل فعالیت له لاسه ورکړي یا هم د ډېرو جدي ستونزو لامل وګرځي چې ستاسې محرمیت او امنیت به اغېزمن کړي. له همدې امله په کلکه سره تاسې ته سپارښتنه کېږي چې د اضافي add-ons له انسټالولو څخه ډډه وکړئ او له بلې خوا د Tor پروژه به د دا ډول کانفیګوریشنونو لپاره هېڅ راز مرسته تاسې سره و نه کړي.
فلش یو ګڼ رسنیز سافټوېر و چې د وېب سایټونو له خوا به د ویډیو او نورو تعاملي عناصرو لکه ګیمونو د ښودلو لپاره کارول کېده. دا په Tor براوزر کې په ډیفالټ حالت کې غیرفعال شوی وی، ځکه چې هغه کولای شوای چې ستاسې اصلي موقعیت او د IP پته ښکاره کړي. د Tor براوزر نور له فلش څخه ملاتړ نه کوي او فعاله کېدای نه شي.
د فلش زیاتره وړتیاووې په HTML5 سټنډرډ سره بدلې شوي دي چې هغه په کلکه سره په JavaScript پورې تړلي دي. د YouTube او Vimeo په څېر پلټفارمونه HTML5 ته انتقال شوي او نور له فلش څخه کار نه اخلي.
له خپل سیستم څخه د Tor براوزر لري کول اسانه کار دی:
په وینډوز کې:
په macOS کې:
~/Library/Application Support/
فولډر ته ولاړ شئ.~/Library/Application Support/
ولیکئ او پر Go باندې کلیک وکړئ.پام مو وي که چېرې تاسې د Tor براوزر په عادي موقعیت (د اپلیکیشنونو فولډر) کې نه وي انسټال کړی، بیا نو د TorBrowser-Data فولډر د ~/Library/Application Support/
په فولډر کې نشته، بلکې په هغه ورته فولډر کې دی چې تاسې په کې Tor براوزر انسټال کړی دی.
په Linux کې:
پام مو وي چې ستاسې د عامل سیستم د "Uninstall" له معیاري وسیلې نه کار نه اخیستل کېږي.
د Android لپاره د Tor براوزر د موبایل لپاره یواځینی رسمي براوزر دی چې د Tor پروژې په مټ جوړ شوی دی. دا لکه د ډیسکټاپ Tor براوزر په څېر دی، خو ستاسې د انډرویډ موبایل دستګاه لپاره. د انډرویډ لپاره د Tor براوزر ځینې اصلي ځانګړنې دا دي: په وېب پاڼو کې د ټرکینګ راکمول، د څارنې پر وړاندې دفاع کول، د براوزر د ګوتې د نښان اخیستو پر وړاندې مقاومت کول او د سانسور د ستونزې هوارول.
د انډرویډ لپاره د Tor براوزر شته او د انډرویډ (الفا) لپاره د Tor براوزر شته. غیرتخنیکي کاروونکي باید د انډرویډ لپاره د Tor براوزر تر لاسه کړي، ځکه چې دا ډېر ثابت او د کمو تېروتنو لرونکی دی. د انډرویډ لپاره د Tor براوزر په F-Droid ،Play Store او د Tor پروژې په وېب پاڼه کې شته. له همدې دریو پلټفارمونو څخه بهر د Tor براوزر ډاونلوډول ډېر خطرناک کار دی.
تاسې کولای شئ د انډرویډ لپاره د Tor براوزر له Google Play Store څخه انسټال کړئ.
د Guardian پروژه د انډرویډ لپاره په خپل مخزن F-Droid کې د Tor براوزر وړاندې کوي. که غواړئ چې دا اپلیکیشن له F-Droid نه انسټال کړئ، نو بیا دا ګامونه واخلئ:
په خپل انډوریډ دستګاه کې مو د F-Droid اپلیکیشن له F-Droid وېب پاڼې انسټال کړئ
د F-Droid له انسټال وروسته، اپلیکیشن پرانیزئ.
په ښکتني ښي لاس کنج کې، "Settings" پرانیزئ.
د "My Apps" برخې لاندې، مخزنونه (Repositories) پرانیزئ.
"Guardian Project Official Releases" په فعاله بڼه راولئ.
اوس نو F-Droid د Guardian پروژې له مخزن څخه د اپلیکیشنونو لیکلړ ډاونلوډوي (یادښت: دا کېدای شي څو دقیقې وخت ونیسي).
د پورتني کېڼ لاس کنج کې د Back تڼۍ کېکاږئ.
په ښکتني کېڼ لاس کنج کې "Latest" پرانیزئ.
په ښکتنۍ ښۍ خوا کې د ذره بین پر عینکو باندې په کلیک کولو سره د لټون پرده پرانیزئ.
د "Tor Browser for Android" پلټنه وکړئ.
د پوښتنې پایله له "The Tor Project" سره پرانیزئ او بیا یې انسټال کړئ.
تاسې همداشان کولای شئ د Tor پروژې له وېب پاڼې نه د apk په ډاونلوډ او انسټالولو سره د انډرویډ لپاره د Tor براوزر تر لاسه کړئ.
When you run Tor Browser for the first time, you will see the option to connect directly to the Tor network, or to configure Tor Browser for your connection.
په زیاترو حالاتو کې، د "Connect" انتخابول تاسې ته اجازه درکوي چې د Tor له شبکې سره پرته له کوم اضافي کانفیګوریشن ونښلئ. Once tapped, a status bar will appear, indicating Tor's connection progress. If you are on a relatively fast connection, but the progress bar gets stuck at a certain point, you might have to configure Tor Browser.
If you know that your connection is censored, you should tap on "Configure connection". Navigate to the 'Connection' section of the Settings. که پوهیږئ چې ستاسې اتصال سانسور دی، یا دا چې د Tor له شبکې سره د نښلیدو هڅه مو کړې وي خو په کې پاتې راغلي یاست او بلې هېڅ حل لارې ستونزه نه وي هواره کړي، بیا نو پر 'Config Bridge' ټپ ووهئ. You will then be taken to the 'Config Bridge' screen to configure a pluggable transport.
د پل ریلیز د Tor هغه ریلیز دي چې د Tor په عامه ډایرکټري کې فهرست شوي نه دي. پلونه د Tor کاروونکو لپاره په ظالمانه رژیمونو کې ډېر ګټور دي، او د هغو خلکو لپاره هم ګټور دي څوک چې د خپل امنیت لپاره یوه اضافي لایه غواړي ځکه دوی دا اندېښنه لري چې کوم څوک یې له دې امله و نه پیژني چې دوی د Tor عامه ریلي د IP پتې سره په اړیکه کې دي.
To use a pluggable transport, tap on ""Configure Connection" when starting Tor Browser for the first time. Navigate to the 'Connection' section of the Settings and tap on 'Config Bridge' to configure a bridge. وروستی سکرین بیا هغه غواروی تاسې ته وړاندې کوي چې یا له وړاندې نه جوړ شوی پل وکاروئ یا کوم سفارشي پل. Toggle "Use a Bridge" option, which will present three options: "obfs4", "meek-azure", and "snowflake".
که چېرې تاسې د «هغه پل وړاندې کړئ چې زه یې پیژنم» غوراوی وټاکئ، نو باید د پل پتېدننه کړئ.
کله چې د Tor براوزر چالان وي، نو تاسې به د خپلې دستګاه د خبرتیاوو په تخته کې د «نوي هویت» د تڼۍ په پراخولو سره هغه ووینئ. د دغې تڼۍ په ټپ وهلو سره به تاسې ته یو نوی هویت درکړل شي. په ډیسکټاپ کې د Tor براوزر برخلاف، د انډرویډ لپاره د Tor په براوزر کې د «نوي هویت» تڼۍ په براوزر کې ستاسو له مخکنیو فعالیتونو سره د وروستیو فعالیتونو د لینک کېدو خنډ نه ګرځي. د دې ټاکل به یوازې ستاسې د Tor مدار بدل کړي. Note: New Identity feature is not working in latest versions of Tor Browser for Android. Bug #42589
Security levels disable certain web features that can be used to compromise your security and anonymity. د انډرویډ لپاره د Tor براوزر ورته هغه امنیتي دری کچې وړاندې کوي کوم چې په ډیسکټاپ کې شته. تاسې کولای شئ امنیتي کچه د لاندې ګامونو په تعقیبولو سره اصلاح کړئ:
Tor Browser must be kept updated at all times. If you continue to use an outdated version of the software, you may be vulnerable to serious security flaws that compromise your privacy and anonymity. تاسې کولای شئ د Tor براوزر په اتومات یا مانول ډول سره اپډیټ کړئ.
دا میتود داسې انګېرې چې تاسې په خپل موبایل دستګاه کې Google Play یا F-Droid لرئ.
پر "Settings" ټپ وکړئ او بیا "Manage installed apps" ته ولاړ شئ. پر راتلونکې سکرین کې، د Tor براوزر وټاکئ او بیا وروسته د "Update" پر تڼۍ باندې ټپ ووهئ.
د Tor پروژې وېبپاڼې نه لیدنه وکړئ او د Tor براوزر تر ټولو وروستۍ نسخه ډاونلوډ کړئ، وروسته بیا لکه د مخکې په څېر دا انسټال کړئ. په زیاترو حالاتو کې، د Tor د براوزر تر ټولو وروستۍ نسخه د زړې نسخې پر سر انسټالیږي، له همدې امله مو خپل براوزر اپګریډ کړئ. که چېرې بیا هم براوزر اپډیټ نه شو، نو باید تر انسټالولو وړاندې د Tor براوزر غیرانسټال کړئ. د Tor د براوزر په تړل کېدو سره، هغه له خپل سیستم نه د خپلې دستګاه د تنظیماتو په کارولو د غیرانسټال له لارې اېسته کړئ. ستاسې د موبایل د دستګاه د برانډ له مخې، تنظیماتو > اپلیکیشنونو ته ولاړ شئ، وورسته بیا د Tor براوزر وټاکئ او بیا د "Uninstall" پر تڼۍ ټپ ووهئ. له دې وروسته، د Tor براوزر تر ټولو وروستۍ نسخه انسټال کړئ.
د انډرویډ لپاره د Tor براوزر کېدای شي مخامخ له Google Play ،F-Droid یا د خپل موبایل دستګاه د اپلیکیشن له تنظیماتو څخه غیرانسټال کړئ.
پر "Settings" ټپ وکړئ او بیا "Manage installed apps" ته ولاړ شئ. پر راتلونکي سکرین کې، د Tor براوزر وټاکئ بیا وروسته د "Uninstall" پر تڼۍ ټپ ووهئ.
ستاسې د موبایل دستګاه د برانډ له مخې، تنظیماتو > اپلیکیشنونو ته ولاړ شئ، بیا د Tor براوزر وټاکئ او د "Uninstall" پر تڼۍ ټپ ووهئ.
د خپل Tor د لاګونو د لیدلو لپاره:
To copy the Tor logs to the clipboard, tap on the "Copy" button at the bottom of the screen.
د ځینې زیاترو عامو ستونزو د عیب موندنې لپاره مهرباني وکړئ د پورټال انټري ملاتړ ته رجوع وکړئ.
همدا شېبه، ځینې ځانګړنې شته چې د انډرویډ لپاره د Tor په براوزر کې نشته، خو د ډیسکټاپ لپاره د Tor په براوزر کې بیا شته.
Orfox د لومړي ځل لپاره په 2015 کال کې د Guardian پروژې له خوا خپور شو، چې موخه یې د انډرویډ کاروونکو ته د یوې داسې لارې برابرول و تر څو د Tor له لارې انټرنېټ براوز کړای شي. په را وروستیو دریو کلونو کې، Orfox په پر له پسې ډول سره ښه والی وموند او خلکو ته یوه محبوبه لاره شوه چې د نورو سټنډرډ براوزونو په پرتله یې وکولای شول چې د خپل خصوصي حریم په ساتلو سره انټرنېټ وګوري او Orfox په دې برخه کې له خلکو سره ډېره مرسته وکړه تر څو وکولای شي سانسور له منځه یوسي او بلاک شوو سایټونو او حیاتي سرچینو ته د هغوی لاسرسی برابر کړي. په 2019 کال کې، Orfox له منځه ولاړ کله چې د انډرویډ لپاره د Tor رسمي براوزر خپور شو.
Orbot یو له هغو وړیا پراکسي اپلیکیشنونو څخه دی چې نور اپلیکیشنونه هم د دې جوګه ګرځوي تر څو د Tor له شبکې نه کار واخلي. Orbot له Tor نه په دې خاطر کار اخلي تر څو ستاسې د انټرنېټ ترافیک انکریپټ کړي. وروسته بیا تاسې کولای شئ هغه په خپل موبایل دستګاه کې له نورو انسټال شوو اپلیکیشنونو سره وکاروئ تر څو د سانسور ستونزه هواره کړئ او د څارنې په وړاندې یې خوندي وساتئ. Orbot کېدای شي له Google Play څخه ډاونلوډ او انسټال شي. زموږ ملاتړیز پورټال وګورئ تر څو پوه شئ چې ایا تاسې دواړه د انډوریډ لپاره د Tor براوزر او Orbot ته اړتیا لری که یوه ته یې.
د iOS لپاره د Tor هېڅ براوزر نشته. موږ د Onion براوزر په نوم د iOS د یوه اپلیکیشن سپارښتنه کوو، کوم چې یوه پرانیستې سرچینه ده، د Tor روټینګ کاروي او د داسې کس له خوا جوړ شوی چې هغه د Tor له پروژې سره له نږدې کار کوي. که څه هم اپل په iOS کې له براوزرانو څخه غواړي چې Webkit وکاروي، کوم چې د Onion براوزران د Tor د براوزر په څېر له ورته محرمیت ساتنې څخه منع کوي.
د Onion براوزر په اړه لا ډېر زده کړئ. د Onion براوزر له App Store څخه ډاونلوډ کړئ.
اوس مهال په زړو وینډوز موبایلونو کې د Tor د کارولو لپاره کوم مرستندویه میتود نشته، خو د مایکروسافټ د نوو برانډ لرونکو/تبلیغاتي موبایلونو لپاره، هغه ورته ګامونه چې د انډرویډ لپاره د Tor براوزرپه خاطر اخیستل کېږي، هغه باید تعقیب شي.
Tor اړتیا لري چې ستاسې د سیستم ساعت (او ستاسې د وخت زون) په خپل وخت وي.
د انټې وېروس یا ملویر ساتنه، کاروونکې د Tor براوزر ته له لاسرسي لرلو نه بلاک کوي. ځینې وختونه دا هم د ملویر او/یا ځورمنونکو په اړه له مثبت درواغو سره رامنځته کېږي. تاسې کولای شئ په دې اړه زموږ په ملاتړیز پورتال کې ډېر څه ولولئ. لاندنی انټې وېروس او فایروال سافټ ویر له Tor سره د مداخلې په برخه کې پېژندل شوي دي او ښايي د لنډ مهال لپاره د هغو غیرفعالولو ته اړتیا وي:
بېلابېل VPN هم په Tor کې مداخله کوي او باید چې غیرفعال شي. همداشان موږ په ګډه سره د VPN او Tor کارولو سپارښتنه نه کوو، مګر دا چې تاسې یو پرمختللی کارن یاست څوک چې پر دې پوهیږي چې څرنګه دا دواړه په داسې بڼه سره کانفیګور کړي چې ستاسې محرمیت له خطر سره مخ نه کړي. تاسې کولای شئ د Tor + VPN به اړه لا زیات مشرح معلومات زموږ په wiki کې ولولئ.
هغه ویډیوګانې چې Adobe Flash ته اړتیا لري هغه نشته. Flash د امنیتي دلایلو له مخې غیرفعال دی.
Tor له پل څخه کار نه شي اخیستلای که چېرې یوه پراکسي تنظیم شوي وي.
د Tor براوزر کڅوړه د 2000 کال د جنوري له 1، 00:00:00 UTC نېټې څخه. باید ډاډ درکړو چې هر جوړ شوی سافټ ویر کټ مټ بیا د تولید وړ دی.
د خپل عادي براوزر په توګه د Tor براوزر جوړولو ستونزې.
که چېرې د Tor براوزر مخکې کار کاوه خو اوس کار نه کوي (په تېره بیا کله چې مو هغه بیا انسټال کړی یا اپډیټ کړی وي)، نو کېدای شي ستاسې سیستم هایبرنیټ شوی وي. په دې شان حالاتو کې ستاسې د سیستم ربوټ کول به ستونزه هواره کړي.
کله چې په فولډر کې non-ascii توري وي نو وینډوز به روښانه نه شي .
BitTorrent Tor نه ناپېژانده نه دی.
د ترجیح په صورت کې، د Tor براوزر کېدای شي مخامخ له خپل ارشیف څخه په را اېستو سره په یوه ځای پر ځای کوونکي رسنۍ کې لکه USB یا SD کارت کې ولېږدوو. سپارښتنه کېږي چې د دې کار لپاره له رایټ کېدونکې رسنۍ نه کار واخلئ تر څو د Tor براوزر د اړتیا له مخې اپډیټ کړای شي.
د وینډوز لپاره:
خپل ځای پر ځای کوونکي رسنۍ دننه کړئ او فارمټ یې کړئ. هر ډول د فایل سیستم کار ورکولای شي.
د Tor براوزر ته ولاړ شئ پاڼه ډاونلوډ کړئ.
د وینډوز د .exe
فایل ډاونلوډ کړئ او مخامخ یې په خپله رسنۍ کې ثبت کړئ.
(سپارښت شوی) دا files signature تایید کړئ.
کله چې ډاونلوډ بشپړ شو، نو پر .exe
فایل باندې کلیک وکړئ او د انسټال بهیر پیل کړئ.
کله چې انسټالوونکی پوښتي چې د Tor براوزر چېرې انسټال کړو، نو خپل ځای پر ځای کوونکي رسنۍ وټاکئ.
د macOS لپاره:
خپل ځای پر ځای کوونکې رسنۍ مو دننه کړئ او فارمټ یې کړئ. تاسې باید د Mac OS تمدید شوې (ژورنال شوی) فارمټ وکاروئ.
د Tor براوزر ته ولاړ شئ پاڼه ډاونلوډ کړئ.
د macOS د .dmg
فایل ډاونلوډ کړئ او مخامخ یې په خپله رسنۍ کې ثبت کړئ.
(سپارښت شوی) دا files signature تایید کړئ.
کله چې ډاونلوډ بشپړ شو، نو پر .dmg
فایل باندې کلیک وکړئ او د انسټالولو بهیر پیل کړئ.
کله چې انسټالوونکی پوښتي چې د Tor براوزر چېرې انسټال کړو، نو خپل ځای پر ځای کوونکي رسنۍ وټاکئ.
د GNU/Linux لپاره:
خپل ځای پر ځای کوونکي رسنۍ دننه کړئ او فارمټ یې کړئ. هر ډول د فایل سیستم کار ورکولای شي.
د Tor براوزر ته ولاړ شئ پاڼه ډاونلوډ کړئ.
د Linux د .tar.xz
فایل ډاونلوډ کړئ او مخامخ یې په خپله رسنۍ کې ثبت کړئ.
(سپارښت شوی) دا files signature تایید کړئ.
کله چې ډاونلوډ بشپړ شو، نو ارشیف هم رسنۍ ته را استخراج کړئ.
کله چې موږ ته د مرستې غوښتنه، فیډبک یا د یوې ستونزې رپوټ را لیږئ، نو مهرباني وکړئ څومره چې کولای شئ هومره معلومات ورسره ولیکئ:
له دوشنبې تر پنجشنبې: په برېښنالیک، ټیليګرام، وټساپ او سیګنال کې زموږ د کارونکي ملاتړیز چاینلونه فعال دي.
له جمعې تر یکشنبې پورې: مرستندویه کرښه بنده وي. د مهرباني له مخې ډاډه اوسئ چې زموږ ټیم به ستاسې پیغامونو ته په دوشنبې ورځ ځواب ووايي.
موږ سره د اړیکې لپاره ګڼې لارې شته، نو مهرباني وکړئ هر یو چې تاسې ته اسانه وي هغه وکاروئ.
موږ ګڼ شمېر رسمي د ټیلیګرام باټونه او چاینلونه لرو:
موږ سپارښتنه کوو تر څو د Tor مجمع کې مرسته وغواړئ. د یوه نوي بحث د سپارلو لپاره باید تاسې اکاونټ جوړ کړئ. د مهرباني له مخې زموږ د بحث لارښوونې تر نظر تېرې کړئ او تر پوښتنې کولو وړاندې شته موضوعګانې هم وګورئ. همدا شېبه، د چټک ځواب لپاره مهرباني وکړئ په انګلیسي یې ولیکئ. که چېرې تاسې کوم بګ وموند، نو مهرباني وکړئ دا وکاروئ GitLab.
تاسې کولای شئ زموږ له ملاتړیز ټیم سره زموږ د وټساپ شمېرې ته د یوه لیکلي پيغام په لیږلو سره په اړیکه کې شئ: +447421000612. دا خدمات یوازې د لیکلو پیغامونو لپاره دي؛ ویډیو یا تلیفوني اړیکې نه مني.
تاسې کولای شئ زموږ د سیګنال شمېرې ته د یوه لیکلي پیغام په لیږلو سره مرسته تر لاسه کړئ: 17787431312+. سیګنال د پیغام لیږلو یو وړیا او پر خصوصی حریم باندې متمرکز اپلیکیشن دی. اوسمهال، زموږ ملاتړیز چاینل په انګلیسي او روسي ژبه کې شته او د Tor له کاروونکو سره په سانسور شوو سیمو کې پر مرستې باندې تمرکز لري. دغه خدمات یوازې د لیکلو پیغامونو لپاره دي؛ ویډیو یا تلیفوني اړیکې نه مني. د پیغام له لېږلو وروسته، زموږ ملاتړیز استازی به تاسې ته لارښوونه وکړي او ستاسې د ستونزې په عیب موندنه کې به مرسته وکړي.
موږ ته یو برېښنالیک ولیږئ frontdesk@torproject.org
د خپل برېښنالیک د موضوع په ځای کې، د مهرباني له مخې ولیکئ چې د څه شي په اړه رپوټ ورکوئ. هر څومره چې ستاسې د موضوع عنوان مشخص وي (د بېلګې په توګه، «د اتصال ناکامي»، «د وېب پاڼې په اړه فیډبک»، «د Tor براوزر په اړه فیډبک»، «زه یوه پل ته اړتیا لرم»)، هغومره به موږ ته اسانه وي تر څو پوه شو او هغه تعقیب کړو. ځینې وختونه کله چې موږ د موضوع په ځای کې خالي برېښنالیکونه تر لاسه کوو، نو هغه مخامخ سپم ته ځي او موږ یې نه وینو.
د چټک ځواب لپاره، که کولای شئ نو مهرباني وکړئ په انګلیسي، روسي، هسپانوي، هندي، بنګالي او/یا پرتګالي ژبو لیکل وکړئ. که چېرې په هېڅ یوه دغو ژبو لیکل نه شئ کولای، نو بیا مهرباني وکړئ په هره هغه ژبه چې تاسې ته اسانه وي په هغه لیکل وکړئ او دا هم په یاد درسره وساتئ چې دا کېدای شي لږ زیات وخت ونیسي ځکه موږ باید هغه وژباړو تر څو پرې پوه شو.
تاسې کولای شئ موږ د OFTC د #tor
په چاینل یا په ماټریکس د Tor د کاروونکي ملاتړیز چاینلکې ومومئ. ښايي موږ ژر تاسې ته ځواب در نه کړو، خو موږ ناتمامه کارونه ګورو او هر کله چې مو وکولای شول تاسې سره به په اړیکه کې شو.
دا زده کړئ چې څرنګه له IRC / Matrix سره وصل شئ.
لومړی دا وګورئ چې ایا دا بګ له پخوا نه پېژندل شوی ده که نه. تاسې کولای شئ ټولې موضوعګانې دلته https://gitlab.torproject.org/ وپلټئ او ولولئ. د یوې نوې ستونزې د رامنځته کولو لپاره، مهرباني وکړئ یو نوی اکاونټ وغواړئ تر څو د Tor پروژې د GitLab بېلګې ته لاسرسی ولرئ او مناسب مخزن ومومئ تر څو خپله ستونزه رپوټ کړئ. موږ د Tor براوزر اړوند ټولې موضوعګانې په د Tor براوزر د موضوع ټرکر کې تعقیبوو. زموږ وېب پاڼو پورې اړوند ستونزې باید دلته ولیکل شي د وېب د ستونزو ټرکر.