Mësoni se ç’mund të bëjë Shfletuesi Tor për të mbrojtur privatësinë dhe anonimitetin tuaj
Si të shkarkohet Shfletuesi Tor
Instalimi i Shfletuesit Tor
Mësoni si të përdoret Shfletuesi Tor për herë të parë
Ç’të bëhet, nëse rrjeti Tor është i bllokuar
Shumica e Transporteve Shtojcë, të tillë si obfs4, bazohen në përdorimin e releve “urë”
Mësoni se si të kontrolloni në Shfletuesin Tor informacion që identifikon personin
Shërbime që janë të përdorshëm vetëm duke përdorur Tor-in
Mësoni si të mbroni të dhënat tuaja duke përdorur Shfletuesin Tor dhe HTTPS-në
Formësimi i Shfletuesit Tor për siguri dhe përdorshmëri
Si të përditësohet Shfletuesi Tor
Ç’të bëhet, nëse Shfletuesi Tor nuk funksionon
Si i trajton Shfletuesi Tor shtesat, shtojcat dhe JavaScript-in
Si të hiqet Shfletuesi Tor nga sistemi juaj
Probleme të Ditura
Mësoni rreth Tor-it për pajisje celulare
Si të instalohet Shfletuesi Tor në media të heqshme
Si të merret ndihmë, të njoftohet një e metë apo të jepen mendime
Shfletuesi Tor përdor rrjetin Tor për të mbrojtur privatësinë dhe anonimitetin tuaj. Përdorimi i shfletuesit Tor ka dy veti kryesore:
Furnizuesi juaj i shërbimit internet dhe cilido që vëzhgon lokalisht lidhjen tuaj, s’do të jetë në gjendje të ndjekë veprimtarinë tuaj në internet, përfshi emrat dhe adresat e sajteve që vizitoni.
Operatorët e sajteve dhe shërbimeve që përdorni dhe cilido që i vëzhgon ata, do të shohin një lidhje që vjen prej rrjetit Tor, në vend se prej adresë tuaj të njëmendtë Internet (IP) dhe s’do ta dinë se cili jeni, veç në e identifikofshi shprehimisht veten tuaj.
Përveç kësaj, shfletuesi Tor është i konceptuar t’u parandalojë sajteve të krijojnë “shenja gishtash” ose t’ju identifikojnë bazuar në formësimin tuaj të shfletuesit.
Si parazgjedhje, Shfletuesi Tor nuk mban ndonjë historik shfletimi. Cookie-t janë të vlefshme vetëm për një sesion të vetëm (deri sa të dilet nga Shfletuesi Tor, ose të kërkohet një Identitet i Ri).
Tor-i është një rrjet tunelesh virtualë që ju lejon të përmirësoni privatësinë dhe sigurinë tuaj në Internet. Tor-i funksionon duke e dërguar trafikun tuaj përmes tre shërbyesish kuturu (të njohur edhe si rele) në rrjetin Tor. Releja e fundit te qarku (“releja dalje”) mandej e dërgon trafikun drejt Internetit publik.
Figura më sipër ilustron një përdorues që shfleton në sajte të ndryshëm përmes Tor-i. Kompjuterat e gjelbër në mes përfaqësojnë rele në rrjetin Tor, ndërsa tre kyçet përfaqësojnë shtresa fshehtëzimi mes përdoruesit dhe secilës rele.
Mënyra më e sigurt dhe më e thjeshtë për të shkarkuar Shfletuesin Tor është nga sajti zyrtar i Projektit Tor, te projektit: https://www.torproject.org/download. Lidhja juaj me sajtin do të bëhet e sigurt duke përdorur HTTPS, çka e bën shumë më të vështirë që ndokush të fusë hundët në të.
Sidoqoftë, mund të qëllojë që të mos hyni dot në sajtin e Projektit Tor: për shembull, mund të jetë i bllokuar në rrjetin tuaj. Nëse ndodh kjo, mund të përdorni një nga metodat alternative të shkarkimit të radhitura më poshtë:
Nëse s’jeni në gjendje të shkarkoni Shfletuesin Tor nga sajti zyrtar i Projektit Tor, mundeni atëherë të provoni shkarkimin e tij prej një nga pasqyrat tona zyrtare, përmes EFF ose Calyx Institute.
GetTor është një shërbim që u përgjigjet në mënyrë të automatizuar mesazheve, me lidhje për te versioni më i ri i Shfletuesit Tor, strehuar në një larmi vendndodhjesh, bie fjala, Dropbox, Google Drive dhe GitHub.
Dërgoni një email te gettor@torproject.org dhe te lënda e mesazhit shkruani vetëm “windows”, “osx”, ose “linux”, (pa thonjëzat), sipas sistemit tuaj operativ. Për shembull, për të marrë lidhje shkarkimi të Shfletuesit Tor për Windows, dërgoni një email te gettor@torproject.org me fjalën “windows” në të.
GetTor-i do të përgjigjet me një email që përmban lidhje prej të cilave mund të shkarkoni paketën e Shfletuesit Tor, nënshkrimin kriptografik (i nevojshëm për verifikimin e shkarkimit), shenjat e gishtit për kyçin e përdorur për të krijuar nënshkrimin dhe checksum-in e paketës. Mund t’ju ofrohet mundësia për të zgjedhur një program për “32-bit” ose “64-bit”: kjo varet nga modeli i kompjuterit që po përdorni.
Dërgoni një mesazh te @GetTor_Bot në Telegram.
Prekni mbi “Nise”' ose shkruani /start
te fjalosja.
Përzgjidhni gjuhën tuaj.
Ka dy mundësi për të shkarkuar Shfletuesin Tor.
Kaloni tek faqja e shkarkimit të Shfletuesit Tor.
Shkarkoni kartelën .exe
për Windows.
(E rekomanduar) Verifikoni nënshkrimin e kartelës.
Kur të jetë plotësuar shkarkimi, dyklikoni mbi kartelën .exe
. Plotësoni procesin e ndihmësit të instalimit.
Kaloni tek faqja e shkarkimit të Shfletuesit Tor.
Shkarkoni kartelën .dmg
për macOS.
(E rekomanduar) Verifikoni nënshkrimin e kartelës.
Kur të jetë plotësuar shkarkimi, dyklikoni mbi kartelën .dmg
. Plotësoni procesin e ndihmësit të instalimit.
Kaloni tek faqja e shkarkimit të Shfletuesit Tor.
Shkarkoni kartelën .tar.xz
për GNU/Linux.
(E rekomanduar) Verifikoni nënshkrimin e kartelës.
Tani ndiqni ose metodën grafike, ose atë me rresht urdhrash:
Kur të jetë plotësuar shkarkimi, përftojeni arkivin duke përdorur përgjegjës arkivash.
Do t’ju duhet t’i tregoni GNU/Linux-it tuaj se doni të keni aftësinë të ekzekutoni programthe shelli.
Shkoni te drejtoria e sapopërftuar e Shfletuesit Tor.
Djathtasklikoni mbi start-tor-browser.desktop
, hapni Vetitë ose Parapëlqimet dhe ndryshoni lejen për të lejuar ekzekutimin e kartelës si program.
Dyklikoni mbi ikonën që të niset Shfletuesi Tor për herë të parë.
Shënim: Në Ubuntu dhe disa shpërndarje të tjera, nëse provoni të nisni start-tor-browser.desktop
, mund të hapet një kartelë tekst.
Në atë rast, do t’ju duhet të ndryshoni sjelljen parazgjedhje dhe të lejoni xhirimin si të ekzekutueshme të kartelave .desktop.
Ky rregullim zakonisht mund të gjendet te përgjegjësi juaj i kartelave.
Kur të jetë plotësuar shkarkimi, përftojeni lëndën e arkivit me urdhrin tar -xf [TB archive]
.
Që nga brenda drejtorisë së Shfletuesit Tor, mund ta nisni Shfletuesin Tor duke ekzekutuar:
./start-tor-browser.desktop
Shënim: Nëse ky urdhër s’arrin të plotësohet, ka gjasa që të duhet ta bëni kartelën të ekzekutueshme. Që nga brenda kësaj drejtorie, jepni: chmod +x start-tor-browser.desktop
Disa parametra shtesë që mund të përdoren me start-tor-browser.desktop
që nga rreshti i urdhrave:
Parametër | Përshkrim |
---|---|
--register-app |
Për regjistrim të Shfletuesit Tor si një aplikacion desktopi. |
--verbose |
Që të shfaqet në terminal gjithë ç’tregon Shfletuesi dhe Firefox gjatë xhirimit. |
--log [kartelë] |
Për regjistrim në një kartelë (parazgjedhje: tor-browser.log) të krejt ç’jepet nga Tor-i dhe Firefox-i. |
--detach |
Që të shkëputet nga terminali dhe të xhirohet Shfletuesi Tor në prapaskenë. |
--unregister-app |
Për çregjistrim të Shfletuesit Tor si një aplikacion desktopi. |
Shihni këtu se si të përditësoni Shfletuesin Tor.
Kur nisni Shfletuesin Tor, do të shihni dritaren “Lidhuni me Tor-in”. Kjo ju ofron mundësinë ose të lidheni drejtpërsëdrejti me rrjetin Tor, ose të përshtatni Shfletuesin Tor për lidhjen tuaj. Ka një kutizë, për të cilën pyetet nëse doni të lidheni përherë automatikisht te rrjeti Tor, nëse është kështu, i vini shenjë kutizës.
Në shumicën e rasteve, zgjedhja e “Lidhu” do t’ju lejojë të lidheni me rrjetin Tor pa ndonjë formësim të mëtejshëm.
Pasi të klikohet, do të shfaqet një shtyllë gjendjeje, ku tregohet ecuria e lidhjes së Tor-it. Nëse gjendeni në një lidhje relativisht të shpejtë, por kjo shtyllë duket sikur ka ngecur në një farë pike, provoni “Asistent Lidhjeje”, ose shihni faqen Diganostikim për ndihmë se si të zgjidhet problemi. Ose, nëse e dini se lidhja juaj censurohet, ose përdor një ndërmjetës, duhet të klikoni mbi “Formësoni Lidhje”.
Nëse Tor-i është i bllokuar në vendndodhjen tuaj, prova me një urë mund t’ju ndihte. Asistenti i Lidhjeve mund të zgjedhë një për ju duke përdorur si bazë vendndodhjen tuaj.
Nëse Asistenti i Lidhjeve s’është në gjendje të përcaktojë vendndodhjen tuaj, ose doni të formësoni lidhjen dorazi, mund të përzgjidhni rajonin tuaj që nga menuja hapmbyll dhe të klikoni mbi “Provo një Urë”.
Shfletuesi Tor do t’ju shpjerë përmes një vargu mundësish formësimi.
Asistenti i Lidhjeve ju informon mbi gjendjen e lidhjes tuaj Internet dhe lidhjen tuaj në rrjetin Tor.
Kutiza e parë është “Nisje e shpejtë”. Në u përzgjedhtë, sa herë që hapni Shfletuesin Tor, do të provojë të lidhet duke përdorur rregullimet tuaja të mëparshme për rrjetin.
Nëse e dini se lidhja juaj censurohet, ose keni provuar dhe s’ia dolët të lidheni me rrjetin Tor dhe s’bëri dot gjë ndonjë zgjidhje tjetër, mund ta formësoni Shfletuesin Tor të përdorë një transport shtojcë. “Ura” do të shfaqë ndarjen Anashkalim, për të formësuar një transport shtojcë, ose për t’u lidhur duke përdorur Ura.
Nëse lidhja juaj përdor një ndërmjetës, mund ta formësoni duke klikuar mbi “Rregullime…” dhe “Formësoni se si lidhet në Internet Shfletuesi Tor”. Në shumicën e rasteve, kjo s’është e nevojshme. Zakonisht do ta dini, nëse ju duhet të përzgjidhni këtë kutizë apo jo, ngaqë i njëjti rregullim do të përdoret për shfletues të tjerë në sistemin tuaj. Në qoftë e mundur, kërkojini përgjegjësit tuaj të rrjetit t’ju udhëzojë. Nëse lidhja juaj s’përdor ndërmjetës, klikoni mbi “Lidhu”.
Hyrja e drejtpërdrejtë te rrjeti Tor ndonjëherë mund të jetë e bllokuar nga Furnizuesi juaj i Shërbimit Internet, ose nga qeveria juaj. Shfletuesi Tor përmban disa mjete anashkalimi si rrugëzgjidhje ndaj këtyre bllokimeve. Këto mjete quhen “transporte shtojcë”.
Currently there are four pluggable transports available, but more are being developed.
obfs4 | obfs4 e bën trafikun Tor të duket kuturu dhe u pengon gjithashtu censorëve të gjejnë ura duke skanuar Internetin. Urat obfs4 ka më pak gjasa të bllokohen se sa paraardhëset e tyre, urat obfs3. |
meek | Transportet meek bëjnë të duket sikur po shfletoni një sajt të njohur, në vend se po përdorni Tor-in. meek-azure bën të duket sikur po përdorni një sajt Microsoft. |
Snowflake | Snowflake-u e kalon lidhjen tuaj përmes ndërmjetësish të mbajtur në punë nga vullnetarë, për ta bërë të duket sikur po bëni një thirrje me video, në vend të përdorimit të Tor-it. |
WebTunnel | WebTunnel-i e maslon lidhjen tuaj me Tor-in, duke e bërë të duket sikur po e vizitoni një sajt përmes HTTPS-s. |
Për të përdorur një transport shtojcë, klikoni mbi “Formësoni Lidhje”, kur Shfletuesi Tor niset për herë të parë. Nën ndarjen “Ura”, gjeni mundësinë “Zgjidhni një nga urat e brendshme të Shfletuesit Tor” dhe klikoni mbi mundësinë “Përzgjidhni një Urë të Brendshme”. Prej menusë, përzgjidhni cilindo transport shtojcë që do të donit të përdoret.
Pasi të keni përzgjedhur transportin shtojcë, rrëshqitni sipër dhe klikoni mbi “Lidhu”, që të ruhen rregullimet tuaja.
Ose, nëse e keni Shfletuesin Tor në funksionim, klikoni mbi “Rregullime” te menuja hamburger (≡) dhe mandej mbi “Lidhje”, te anështylla. Nën ndarjen “Ura”, gjeni mundësinë “Zgjidhni një nga urat e brendshme të Shfletuesit Tor” dhe klikoni mbi mundësinë “Përzgjidhni një Urë të Brendshme”. Prej menusë përzgjidhni cilindo transport shtojcë që do të donit të përdoret. Rregullimet tuaja do të ruhen vetvetiu, sapo të mbyllni skedën.
Secili prej transporteve të radhitur te menuja e Urës Tor funksionon në mënyrë të ndryshme nga tjetri dhe efikasitetit i tyre varet nga rrethanat tuaja individuale.
Nëse po rrekeni për herë të parë të anashkaloni një lidhje të bllokuar, do të duhej të provonit transporte të ndryshëm: obfs4, snowflake, ose meek-azure.
Nëse i provoni të tëra këto mundësi dhe asnjëra s’ju lidh në internet, do t’ju duhet të kërkoni një urë ose të jepni dorazi adresa urash.
Përdoruesve në Kinë ka gjasa t’u duhet të lidhen me një urë obfs4 të patreguar diku.
Lidhuni me Robotin tonë Telegram @GetBridgesBot dhe shtypni /bridges
.
Ose dërgoni një email te frontdesk@torproject.org me togfjalëshin “private bridge cn” te subjekti i email-it.
Nëse po lidheni nga tjetër vend, ju lutemi, mos harroni të përfshini te subjekti i email-it vendin dhe kodin për vendin tuaj.
Për të mësuar se ç’janë urat dhe se si të merren të tilla, lexoni ndarjen Ura.
Shumica e Transporteve Shtojcë, të tillë si obfs4, bazohen në përdorimin e releve “urë”. Njësoj si reletë Tor, urat mbahen në punë nga vullnetarë; ama, ndryshe nga reletë e zakonshme, ato nuk shpalosen publikisht, që kështu, një kundërshtar, të mos i identifikojë kollaj.
Përdorimi i urave në ndërthurje me transporte shtojcë ndihmon të maskohet fakti që po përdorni Tor-in, por mund të ngadalësojë lidhjen, krahasuar kjo me përdorimin e releve të rëndomta Tor.
Të tjera transporte shtojcë, bie fjala, meek-u dhe Snowflake, përdorin teknika të tjera anti-censurë, që nuk bazohen në gjetje adresash urash. S’ka nevojë të merrni adresa urash, për të mundur të përdorni këto transporte.
Ngaqë adresat e urave s’janë publike, është e nevojshme t’i kërkoni ju vetë. Keni disa mundësi:
/start
ose /bridges
te fjalosja. Kopjoni adresën e urës dhe në:Nëse po e nisni Shfletuesin Tor për herë të parë, klikoni mbi “Formësojeni”, që të hapet dritarja e rregullimeve të Tor-it. Nën ndarjen “Ura” gjeni “Kërkoni një urë nga torproject.org” dhe klikoni mbi “Kërkoni një Urë…” që BridgeDB t’ju japë një urë. Zgjidhni CAPTCHA-n dhe klikoni mbi “Parashtroje”. Klikoni “Lidhu” që të ruhen rregullimet tuaja.
Ose, nëse e keni Shfletuesin Tor në funksionim, klikoni mbi “Rregullime” te menuja hamburger (≡) dhe mandej mbi “Lidhje”, te anështylla. Te ndarja “Ura” gjeni “Kërkoni një urë nga torproject.org” dhe klikoni mbi “Kërkoni një Urë…”, që BridgeDB t’ju japë një urë. Zgjidhni CAPTCHA-n dhe klikoni mbi “Parashtroje”. Rregullimi juaj do të ruhen vetvetiu, sapo të mbyllni skedën.
Nëse po e nisni Shfletuesin Tor për herë të parë, klikoni mbi “Formësojeni”, që të hapet dritarja e rregullimeve të Tor-it. Te pjesa “Ura”, që nga mundësia “Jepni një adresë ure që dini tashmë”, klikoni mbi “Shtoni një Urë Dorazi” dhe jepni çdo adresë ure në një rresht më vete. Klikoni “Lidhu” që të ruhen rregullimet tuaja.
Ose, nëse e keni Shfletuesin Tor në funksionim, klikoni mbi “Rregullime” te menuja hamburger (≡) dhe mandej mbi “Lidhje”, te anështylla. Te pjesa “Ura”, që nga mundësia “Jepni një adresë ure që dini tashmë”, klikoni mbi “Shtoni një Urë Dorazi” dhe jepni çdo adresë ure në një rresht më vete. Rregullimet tuaja do të ruhen vetvetiu, sapo të mbyllni skedën.
Nëse lidhja dështon, urat që keni marrë mund të jenë jashtë funksionimi. Ju lutemi, përdorni një nga metodat më sipër për të marrë më tepër adresa urash dhe riprovoni.
Çdo adresë ure përfaqësohet nga një varg shenjash emoji të quajtur Ura-moxhi. Ura-moxhit mund të përdoren për të vlerësuar se ura e synuar është shtuar me sukses.
Ura-moxhit janë identifikues urash të lexueshëm nga syri njerëzor dhe nuk përfaqësojnë cilësinë e lidhjes me rrjetin Tor apo gjendjen e urës. Vargu i shenjave emoxhi s’mund të përdoret për ta dhënë diku. Përdoruesit duhet të japin adresën e plotë të urës, pa të jenë një gjendje të lidhen me një urë.
Adresat e urave mund të jepen duke përdorur kodin QR, ose duke kopjuar tërë adresën.
Kur lidheni me një sajt, informacion rreth vizitës tuaj munden të regjistrojnë jo vetëm operatorët e atij sajti. Shumica e sajteve tanimë përdorin shërbime të shumta prej palësh të treta, përfshi butona “Më pëlqen” prej rrjetesh shoqërorë, ndjekës për analiza, apo dërgues reklamash dhe krejt këta mund të bëjnë lidhjen e veprimtarisë tuaj nëpër sajte të ndryshëm.
Përdorimi i rrjetit Tor u pengon vëzhguesve të jenë në gjendje të pikasin vendndodhjen dhe adresën tuaj të saktë IP, por edhe pa këtë informacion ata mund të jenë në gjendje të bëjnë lidhjen mes fushash të ndryshme të veprimtarisë tuaj. Për këtë arsye, Shfletuesi Tor përfshin disa veçori shtesë që ju ndihmojnë të kontrolloni se ç’të dhëna mund të lidhen me identitetin tuaj.
Shfletuesi Tor si bazë të punës tuaj merr marrëdhënien që keni me sajtin te shtylla e URL-ve. Edhe nëse lidheni me dy sajte të ndryshëm që përdorin për gjurmim të njëjtin shërbim palë të tretë, Shfletuesi Tor do ta detyrojë lëndën të shërbehet përmes dy qarqesh Tor të ndryshëm, kështu që gjurmuesi s’do ta dijë që të dyja lidhjet e patën fillin prej shfletuesit tuaj.
Nga ana tjetër, krejt lidhjet te një adresë e dhënë e një sajti do të kryhen përmes të njëjtit qark Tor, që do të thotë se mund të shfletoni faqe të ndryshme të një sajti në skeda apo dritare të ndara, pa ndonjë humbje funksionesh.
Një diagram të qarkut që Shfletuesi Tor po përdor për skedën e tanishme mund ta shihni te menuja e informacioneve të sajtit, te shtylla e URL-ve.
Te qarku, Roja apo nyja e hyrjes është nyja e parë dhe përzgjidhet automatikisht dhe kuturu nga Tor-i. Po është e ndryshme nga nyjat e tjera te qarku. Për të shmangur tentativa profilizimi, nyja Rojë ndryshohet vetëm pas 2-3 muajsh, ndryshe nga nyjat e tjera, që ndryshojnë për çdo përkatësi të re. Për më tepër hollësi rreth Rojesh, shihni te PBR dhe Portal Asistence.
Edhe pse Shfletuesi Tor është konceptuar të aktivizojë anonimitet tërësor të përdoruesve në internet, mund të ketë situata për të cilat ka kuptim të përdoret Tor-i në sajte që lypin doemos emra përdoruesish, fjalëkalime, ose tjetër informacion identifikues.
Nëse bëni hyrjen në një sajt duke përdorur një shfletues të zakonshëm, gjatë procesit lini gjithashtu zbuluar adresën tuaj IP dhe vendndodhjen gjeografike. E njëjta gjë është shpesh e vërtetë, kur dërgoni një email. Hyrja në rrjetin tuaj shoqëror, ose në llogari email duke përdorur Shfletuesin Tor ju lejon të zgjidhni saktësisht çfarë informacioni u lini zbuluar sajteve që shfletoni. Hyrja duke përdorur Shfletuesin Tor është gjithashtu me dobi nëse sajti që po provoni të kapni censurohet në rrjetin tuaj.
Ka disa pika që duhet t’i keni parasysh, kur bëni hyrjen në një llogari te një sajt përmes Tor-it:
Shfletuesi Tor përmban veçoritë “Identitet i Ri” dhe “Qark i Ri Tor për këtë Sajt”. Edhe këto gjenden te menuja hamburger, ose kryesore (≡).
Kjo mundësi është e dobishme, nëse doni të parandaloni që veprimtaria juaj e mëtejshme me shfletuesin të mund të lidhet me ç’bënit më parë. Përzgjedhja e saj do të mbyllë krejt skedat dhe dritaret tuaja të hapura, do të spastrojë krejt të dhënat private, të tilla si cookies dhe historik shfletimi dhe do të përdorë qarqe të rinj Tor për të gjitha lidhjet. Shfletuesi Tor do t’ju sinjalizojë që krejt veprimtaria dhe shkarkimet do të ndalen, ndaj mbajeni parasysh këtë, përpara se të klikoni mbi “Identitet i Ri”.
Që ta përdorni këtë mundësi, thjesht klikoni mbi “Identitet i Ri” te paneli i Shfletuesit Tor.
Kjo mundësi është e dobishme, nëse releja dalje që po përdorni, s’është në gjendje të lidhet me sajtin që kërkoni, ose s’e ngarkon si duhet atë. Përzgjedhja e saj do të shkaktojë ringarkimin përmes një qarku të ri Tor të skedës apo dritares aktive aktuale. Skeda dhe dritare të tjera të hapura të të njëjtin sajt do të përdorin edhe ato qarkun e ri, pasi të jenë ringarkuar. Kjo mundësi nuk spastron ndonjë të dhënë private, apo të heqë përshoqërim të veprimtarisë tuaj, as nuk prek lidhjet tuaja aktuale te sajte të tjerë.
Këtë mundësi mund ta përdorni edhe që nga shfaqja e qarkut të ri, te menuja e informacioneve të sajtit, te shtylla e URL-ve.
Onion services (formerly known as "hidden services") are services, like websites, that are only accessible through the Tor network.
Shërbimet Onion ofrojnë disa përparësi kundrejt shërbimeve të zakonshëm në internetin joprivat:
Just like any other website, you will need to know the address of an onion service in order to connect to it. An onion address consists of 56 letters and numbers, followed by ".onion".
Kur hyni në një sajt që përdor një shërbim Onion, Shfletuesi Tor do të shfaqë te shtylla e URL-ve një ikonë të vockël qepujke, për të treguar gjendjen e lidhjes tuaj: e siguruar dhe duke përdorur një shërbim Onion. Duke vëzhgua te Shfaqje Qarku, mundeni të mësoni më tepër rreth sajtit Onion që po vizitoni.
Një tjetër rrugë për të mësuar rreth një sajti Onion është në ka sendërtuar apo jo përgjegjësi i sajtit një veçori të quajtur Onion-Location. Onion-Location është një krye HTTP jo standarde, që sajtet mund ta përdorin për të bërë të ditur sendërtimin e tyre Onion. Nëse sajti që po vizitoni ka një version Onion të sajtit, te shtylla e URL-ve të Shfletuesit Tor do të shfaqet një kokërr manushaqe sugjerimi, ku shfaqet “ka .onion”. Kur klikoni mbi “ka .onion”, sajti do të ringarkohet dhe ridrejtohet te versioni Onion.
To always prioritize onion site versions of websites, you can enable automatic Onion-Location redirects.
Klikoni te menuja hamburger (≡), kaloni te Rregullime, klikoni mbi Privatësi & Siguri dhe, te ndarja Shërbime Onion, shihni për zërin “Jepu përparësi sajteve .onion, kur dihen.” dhe i vini shenjë mundësisë “Përherë”.
Or you can copy and paste this URL in a new tab: about:preferences#privacy
and change this setting.
Një shërbim Onion me mirëfilltësim është një shërbim i ngjashëm me një sajt Onion që lyp që klienti të japë një token mirëfilltësimi, para se të hyjë te shërbimi. Si një përdorues i Tor-it, mund ta bëni mirëfilltësimin e vetes drejt e te Shfletuesi Tor. Që të mund të përdorni këtë shërbim, do t’ju duhet kredenciale hyrjeje prej operatorit të shërbimit Onion. Kur hyhet në një shërbim Onion me mirëfilltësim, Shfletuesi Tor do të shfaqë te shtylla e URL-ve një ikonë çelësi të vockël gri, shoqëruar nga një ndihmëz. Jepni kyçin tuaj privat të vlefshëm te fusha përkatëse.
Nëse s’lidheni dot me një sajt Onion, Shfletuesi Tor do të shfaqë një mesazh specifik gabimi për t’ju bërë me dije pse s’hyhet dot te sajti. Gabime mund të ndodhin në shtresa të ndryshme: gabime klienti, gabime rrjeti, ose gabime shërbimi. Disa nga këto gabime mund të ndreqen duke ndjekur ndarjen Diagnostikim. Tabela më poshtë shfaq krejt gabimet e mundshme dhe ç’veprime duhet të ndërmerrni për të zgjidhur problemin.
Kod | Titull Gabimi | Përshkrim i Shkurtër |
---|---|---|
0xF0 | S’u Gjet Sajt Onion | Shkaku më me shumë gjasa është që sajti Onion të jetë jashtë pune. Lidhuni me përgjegjësin e sajtit Onion. |
0xF1 | Sajti Onion S’kapet Dot | Sajti Onion s’kapet dot për shkak të një gabimi të brendshëm. |
0xF2 | Sajti Onion Është Shkëputur | Mundësia më e madhe është që sajti Onion të jetë jo në linjë. Lidhuni me përgjegjësin e sajit Onion. |
0xF3 | S’arrihet të Lidhet te Sajt Onion | Sajti Onion është i zënë, ose rrjeti Tor është i mbingarkuar. Riprovoni më vonë. |
0xF4 | Sajti Onion Lyp Mirëfilltësim | Hyrja te sajti Onion lyp një kyç, por s’u dha ndonjë i tillë. |
0xF5 | Mirëfilltësimi me Sajtin Onion Dështoi | Kyçi i dhënë s’është i saktë, ose është shfuqizuar. Lidhuni me përgjegjësin e sajtit Onion. |
0xF6 | Adresë Sajti Onion e Pavlefshme | Adresa e dhënë për sajtin Onion është e pavlefshme. Ju lutemi, kontrolloni nëse e dhatë saktë. |
0xF7 | Mbaroi Koha Për Krijim Qarku Sajti Onion | S’u arrit të bëhej lidhja me sajtin Onion, mundet për shkak të një lidhje të dobët rrjeti. |
Nëse s’kapni dot shërbimin Onion që po kërkoni, sigurohuni se keni dhënë saktë adresën Onion: qoftë edhe një gabim i vockël do ta pengojë Shfletuesin Tor prej të qenit në gjendje të mbërrijë te sajti.
If you are trying to access a 16 character (the shorter "V2 format") onion service, this type of address no longer works on today's Tor network.
Mundeni edhe të siguroheni se jeni në gjendje të përdorni shërbime të tjera Onion, duke u lidhur me shërbimin Onion të DuckDuckGo-së.
Nëse ende s’jeni në gjendje të lidheni me shërbimin Onion, pasi verifikuat adresën, ju lutemi, riprovoni më vonë. Mund të ketë një problem të përkohshëm lidhjeje, ose operatorët e sajtit mund t’i kenë lejuar sajtit të shkëputet nga linja, pa paralajmëruar.
Nëse hollësi personale, bie fjala një fjalëkalim hyrjesh, udhëtojnë nëpër Internet të pafshehtëzuara, mund të kapent fare lehtë nga një përgjues. Nëse po bëni hyrjen në çfarëdo sajti, duhet të siguroheni se sajti ofron fshehtëzim HTTPS, çka mbron nga ky lloj përgjimi. Këtë mund ta verifikoni te shtylla e URL-ve: nëse lidhja juaj është e fshehtëzuar, adresa do të fillojë me “https://”, në vend se me “http://”.
Mënyra Vetëm-HTTPS i detyron krejt lidhjet me sajte të përdorin një lidhje të siguruar me fshehtëzim, të quajtur HTTPS. Shumica e sajteve tashmë mbulojnë HTTPS; disa mbulojnë të dyja mënyrat, HTTP dhe HTTPS. Aktivizimi i kësaj mënyre garanton që krejt lidhjet tuaja me sajte janë përmirësuar për të përdorur HTTPS dhe, pra, janë të siguruara.
Disa sajte mbulojnë vetëm HTTP dhe lidhja s’mund të përmirësohet. Nëse s’ka një version HTTPS të një sajti, do të shihni një faqe “S’ka Lidhje të Siguruar”:
Nëse klikoni mbi “Vazhdo te Sajti HTTP”, pranoni rrezikun dhe mandej do të vizitoni një version HTTP të sajtit. Për atë sajt, Mënyra Vetëm-HTTPS do të çaktivizohet përkohësisht.
Nëse doni të shmangi çfarëdo lidhje të pafshehtëzuar, klikoni mbi butonin “Shko Mbrapsht”.
Ilustrimi vijues shfaq se ç’të dhëna janë të dukshme për përgjuesit, me dhe pa Shfletuesin Tor dhe fshehtëzimin HTTPS:
Si parazgjedhje, Shfletuesi Tor e mbron sigurinë tuaj duke fshehtëzuar të dhënat tuaja të shfletimit. Sigurinë tuaj mund ta shtoni më tej duke zgjedhur të çaktivizoni disa veçori web që mund të përdoren për të sulmuar sigurinë dhe anonimitetin tuaj. Këtë mund ta bëni duke shtuar Shkallët e Sigurisë së Shfletuesit Tor te menuja mburojë. Rritja e shkallës së sigurisë së Shfletuesit Tor do të ndalë funksionimin si duhet të disa faqeve web, ndaj duhet të peshoni mirë nevojat tuaja për siguri kundrejt shkallës së përdorshmërisë që kërkoni.
Te Rregullimet e Sigurisë mund të hyhet duke klikuar ikonën Mburojë në krah të shtyllës së URL-ve të Shfletuesit Tor. Që të shihni dhe përimtoni Rregullimet tuaja të Sigurisë, klikoni te menuja mburojë mbi butonin “Rregullime”.
Rritja e Shkallës së Sigurisë te Rregullimet e Sigurisë së Shfletuesit Tor do të çaktivizojë tërësisht ose pjesërisht disa anë të shfletimit, për t’ju mbrojtur kundër sulmesh të mundshëm. Këto rregullime mund t’i vini sërish në punë në çfarëdo kohe, duke ndryshuar Shkallën tuaj të Sigurisë.
Kjo shkallë çaktivizon veçori sajti që shpesh janë të rrezikshme. Kjo mund të bëjë që disa sajte të humbin funksione.
JavaScript-i është i çaktivizuar në krejt sajtet jo-HTTPS; disa lloje shkronjash dhe simbole matematike janë të çaktivizuar; audioja dhe videoja (media HTML5) janë të llojit “kliko, pa të luhet”.
Kjo shkallë lejon vetëm veçori sajti të domosdoshme për sajte statikë dhe shërbime elementare. Këto ndryshime prekin figurat, mediat dhe programthet.
JavaScript-i, si parazgjedhje, është i çaktivizuar në krejt sajtet; disa lloje shkronjash, ikona, simbole matematike dhe figura janë të çaktivizuara; audioja dhe videoja (media HTML5) janë të llojit “kliko, pa të luhet”.
Shfletuesi Tor duhet mbajtur i përditësuar gjithë kohën. Nëse vazhdoni të përdorni një version të vjetruar të programit, mund të jeni i pambrojtur kundrejt të metash serioze sigurie që komprometojnë privatësinë dhe anonimitetin tuaj.
Shfletuesi Tor do t’ju kërkojë të përditësoni software-in, pasi të jetë hedhur në qarkullim një version i ri: menuja kryesore (≡) do të shfaqë një qark të gjelbër me një shigjetë që sheh përsipër brenda dhe mund të shihni një njoftim të shkruar përditësimi, kur hapet Shfletuesi Tor. Mund ta përditësoni në mënyrë të autorizuar, ose dorazi.
Kur ju kërkohet të përditësoni Shfletuesin Tor, klikoni mbi menunë kryesore (≡), mandej përzgjidhni “Ka përditësim - riniseni tani”.
Pritni që të shkarkohet dhe instalohet përditësimi, mandej Shfletuesi Tor do të rinisë veten. Tashmë do të jeni duke xhiruar versionin më të ri.
Kur t’ju kërkohet të përditësoni Shfletuesin Tor, përfundoni sesionin e shfletimit dhe mbylleni programin.
Hiqeni Shfletuesin Tor nga sistemi juaj duke fshirë dosjen që e përmban (për më tepër hollësi, shihni ndarjen Çinstalim).
Vizitoni https://www.torproject.org/download/ dhe shkarkoni një kopje të hedhjes më të re në qarkullim të Shfletuesit Tor, mandej instalojeni si më parë.
Do të duhej të ishit në gjendje të nisnit shfletim duke përdorur Shfletuesin Tor pak pas xhirimit të programit dhe duke klikuar mbi butonin “Lidhu”, nëse po e përdorni për herë të parë.
Nëse klikoni mbi “Testoje”, Asistenti i Lidhjeve ju informon mbi gjendjen e lidhjes tuaj Internet.
Shihni Lidhjen tuaj Internet, nëse thotë “Jo në linjë”. Nëse s’është vendosur lidhja juaj me Rrjetin Tor dhe lexohet “Jo i Lidhur”, mund të jenë të dobishëm hapat vijues.
Nëse Shfletuesi Tor nuk lidhet, mund të ketë një zgjidhje të thjeshtë. Provoni secilën nga sa vijon:
Në shumicën e rasteve, hedhja një sy regjistrave të Tor-it mund të jetë e dobishme për diagnostikimin e problemeve. Nëse keni problem të lidheni, mund të shfaqet një mesazh gabimi dhe mund të përzgjidhni mundësinë “kopjoje regjistrin Tor në të papastër”. Mandej ngjiteni regjistrin Tor në një kartelë tekst apo tjetër lloj dokumenti.
Nëse s’e shihni këtë mundësi dhe e keni të hapur Shfletuesin Tor, mund të kaloni te menuja hamburger (“≡”), mandej të klikoni mbi “Rregullime” dhe së fundi mbi “Lidhje”, te anështylla. Në fund të faqes, në krah të tekstit “Shihni regjistrat e Tor-it”, klikoni mbi butonin “Shihni Regjistra…”.
Ndryshe, në GNU/Linux, që të shihni regjistrat drejt e në terminal, kaloni te drejtoria e Shfletuesit Tor dhe niseni Shfletuesin Tor që nga rreshti i urdhrave, duke dhënë:
./start-tor-browser.desktop --verbose
Ose, që të ruhen regjistrat në një kartelë (parazgjedhje: tor-browser.log):
./start-tor-browser.desktop --log [file]
Më tepër hollësi për këtë mund të gjenden te Portali i Asistencës.
Nëse ende s’lidheni dot, Furnizuesi i Shërbimit tuaj Internet mund të jetë duke censuruar lidhjet me rrjetin Tor. Për zgjidhje të mundshme lexoni ndarjen Anashkalim.
Shfletuesi Tor është nën zhvillim të pandërprerë dhe disa çështje janë të ditura, por ende të pazgjidhura. Ju lutemi, shihni te faqja Probleme të Ditura për të parë nëse problemi që po hasni është parashtruar tashmë atje.
JavaScript-i është një gjuhë programimi që sajtet e përdorin për të ofruar elementë të ndryshëm ndërveprues, bie fjala, video, animacion, audio dhe rrjedha kohore gjendjesh. Mjerisht, JavaScript-i mundet gjithashtu të lejojë sulme ndaj sigurisë së shfletuesit, çka mund të shpjerë në humbje të anonimizimit.
Shfletuesi Tor përmban një shtesë të quajtur NoScript. Mund të kontrollohet që nga “Parapëlqime” (ose “Mundësi” në Windows) te menuja hamburger (≡), mandej përzgjidhni “Përshtateni” dhe tërhiqeni ikonën “S” sipër djathtas në krye të dritares. NoScript-i ju lejon të kontrolloni JavaScript-in (dhe skripte të tjera) që funksionojnë faqe web individuale, ose ta bllokoni tërësisht.
Përdoruesit që kërkojnë doemos një shkallë të lartë sigurie në shfletimin e tyre duhet ta caktojnë Shkallën e Sigurisë të Shfletuesit të tyre Tor si “Më e sigurt” (çka çaktivizon JavaScript-in për sajte jo-HTTPS) ose “Më e sigurta” (që e bën këtë për krejt sajtet).Por, çaktivizimi i JavaScript-it do të pengojë shfaqen e saktë të mjaft sajteve, ndaj rregullimi parazgjedhje i Shfletuesit Tor është i tillë që të lejojë krejt sajtet të xhirojnë programthe nën mënyrën “Standarde”.
Shfletuesi Tor bazohet në Firefox-in dhe çfarëdo shtesash apo temash grafike shfletuesi që janë të përputhshme me Firefox-in, mund të instalohen edhe në Shfletuesin Tor.
Megjithatë, të vetmet shtesa që janë testuar për përdorim me Shfletuesin Tor janë ato të përfshira si parazgjedhje. Instalimi i çfarëdo shtese tjetër shfletuesi mund të dëmtojë anë të Shfletuesit Tor, ose të shkaktojë probleme edhe më serioze që prekin privatësinë dhe sigurinë tuaj. Shkurajohet me forcë instalimi i shtesave të tjera, dhe Projekti Tor s’do të ofrojë asistencë për këto formësime.
Flash-i qe një software multimedia i përdorur nga sajtet për të shfaqur video dhe të tjerë elementë ndërveprues, fjala vjen, lojëra. Qe çaktivizuar, si parazgjedhje, në Shfletuesin Tor, ngaqë mundej të nxirrte zbuluar vendndodhjen tuaj të njëmendtë dhe adresën tuaj IP. Shfletuesi Tor nuk mbulon më Flash-in dhe s’mund të aktivizohet.
Shumica e funksioneve të Flash-it janë zëvendësuar nga standardi HTML5, që varet shumë nga JavaScript-i. Platforma videosh, të tilla si YouTube dhe Vimeo kanë kaluar në HTML5 dhe nuk përdorin më Flash-in.
Heqja e Shfletuesit Tor nga sistemi juaj është e thjeshtë:
Në Windows:
Në macOS:
~/Library/Application Support/
.~/Library/Application Support/
te dritarja dhe klikoni mbi Shko.Kini parasysh se nëse e instaluat Shfletuesin Tor te vendndodhja parazgjedhje (dosja Aplikacione), dosja TorBrowser-Data s’gjendet te dosja ~/Library/Application Support/
, por në të njëjtën dosje ku instaluat Shfletuesin Tor.
Në Linux:
Kini parasysh se nuk përdoret mjeti standard “Çinstalo” i sistemit tuaj operativ.
Tor-i lyp sahatin e sistemit tuaj (dhe zonën tuaj kohore) të ujdisur me kohën e saktë.
Mbrojtje antivirus, apo kundër malware-i, që u bllokon përdoruesve hyrjen në Shfletuesin Tor. Ndonjëherë këto shfaqen edhe me përfundime të rreme, lidhur me malware dhe/ose cenueshmëri. Më tepër rreth kësaj mund të lexoni te Portali ynë i Asistencës. Programet “firewall” dhe antivirus dihet se ngatërrohen me funksionimin e Tor-it dhe mund të duhet të çaktivizohen përkohësisht:
VPN-të gjithashtu priren të përzihen në funksionimin e Tor-it dhe lypset të çaktivizohen. Gjithashtu nuk rekomandojmë përdorimin tok të VPN-së dhe Tor-it, veç në qofshi përdorues i përparuar që di si t’i formësojë të dy në një mënyrë që nuk komprometon privatësinë tuaj. Informacion më të hollësishëm mbi Tor + VPN mund të gjeni te wiki jonë.
Videot që lypin doemos Adobe Flash janë të papërdorshme. Flash-i është i çaktivizuar për arsye sigurie.
Tor-i s’mund të përdorë një urë, nëse është ujdisur një ndërmjetës.
Paketa Shfletues Tor daton 1 janar, 2000 00:00:00 UTC. Kjo bëhet për të garantuar që çdo montim software-i të jetë saktësisht i riprodhueshëm.
Probleme me bërjen e Shfletuesit Tor si shfletuesin tuaj parazgjedhje.
Nëse Shfletuesi Tor funksiononte më parë dhe s’funksionon tani (veçanërisht pas një riinstalimi apo përditësimi), sistemi juaj mund të ketë kaluar në letargji. Në këtë rast, një rinisje e sistemit tuaj do ta zgjidhë këtë problem.
Tor-i s’do të niset në Windows, kur shtegu i dosjes përmban shenja jo ASCII.
BitTorrent-i s’është anonim përmes Tor-i.
Shfletuesi Tor për Android është i vetmi shfletues zyrtar për celular i mbuluar dhe i zhvilluar nga Projekti Tor. Është si Shfletuesi Tor për desktop, por për pajisjen tuaj celulare Android. Disa nga veçoritë e vyera të Shfletuesit Tor për Android përfshijnë: ulje e gjurmimit nga sajti në sajt, mbrojtje kundër survejimit, rezistencë kundër profilizimit përmes shfletuesit dhe anashkalim censurimi.
Ekziston Shfletuesi Tor për Android dhe Shfletuesi Tor për Android (alfa). Përdoruesit jo teknikë duhet të marrin Shfletuesin Tor për Android, ngaqë ky është i qëndrueshëm dhe më pak pre e gabimeve. Shfletuesi Tor për Android mund të kihet prej Play Store, F-droid dhe sajtit të Projektit Tor. Është me shumë rrezik të shkarkohet Shfletuesi Tor jashtë këtyre tre platformave.
Shfletuesin Tor për Android mund ta instaloni prej Google Play Store.
Projekti Guardian e jep Shfletuesin Tor për Android në depon e tij F-Droid. Nëse parapëlqeni instalimin e aplikacionit që nga F-Droid, ju lutemi, ndiqni këto hapa:
Instaloni aplikacionin F-Droid në pajisjen tuaj Android, që nga sajti F-droid.
Pas instalimit të F-Droid-it, hapni aplikacionin.
Në cepin e poshtëm djathtas, hapni “Rregullime”.
Nën ndarjen “Aplikacionet e Mia”, hapni Depo.
Aktivizoni “Hedhje Zyrtare Në Qarkullim Nga Projekti Guardian”.
Tani F-Droid shkarkon listën e aplikacioneve prej depos së Projektit Guardian (Shënim: kjo mund të dojë ca minuta).
Prekni butonin Mbrapsht në cepin e sipërm djathtas.
Hapni “Më të rejat” në cepin e poshtëm majtas.
Hapni skenën e kërkimeve duke prekur thjerrën zmadhuese në anën e poshtme djathtas.
Kërkoni për “Shfletues Tor për Android”.
Hapni përfundimin e kërkimit për “Projekti Tor” dhe instalojeni.
Shfletuesin Tor për Android mund ta merrni edhe duke shkarkuar dhe instaluar paketën apk prej sajtit të Projektit Tor.
Kur xhironi për herë të parë Shfletuesin Tor, do të shihni mundësinë për t’u lidhur drejtpërsëdrejti me rrjetin Tor, ose për ta formësuar Shfletuesin Tor për lidhjen tuaj përmes ikonës së rregullimeve.
Në shumicën e rasteve, zgjedhja e “Lidhu” do t’ju lejojë të lidheni me rrjetin Tor pa ndonjë formësim të mëtejshëm. Pasi të klikohet, në fund të ekranit do të shfaqen fraza që ndryshojnë, çka tregojnë ecurinë e lidhjes me Tor-in. Nëse jeni në një lidhje relativisht të shpejtë, por kjo shtyllë duket të ketë ngecur në një farë pike, për ndihmë se si të zgjidhet problemi, shihni faqen Diganostikim.
Nëse e dini se lidhja juaj censurohet, duhet të përzgjidhni ikonën e rregullimeve. Shfletuesi Tor do t’ju shpjerë përmes një vargu mundësish formësimi. Skena e parë do t’ju tregojë rreth gjendjes së Rrjetit Tor dhe do t’ju japë mundësinë të formësoni një Urë (“Formësoni Urë”). Nëse e dini se lidhja juaj censurohet, apo provuat dhe dështuat të lidheni me rrjetin Tor dhe s’funksionoi zgjidhje tjetër, prekni mbi “Formësoni Urë”. Do të kaloheni te skena e Anashkalimeve për të formësuar një transport shtojcë.
Reletë ura janë rele Tor që nuk paraqiten te lista publike Tor. Urat janë të dobishme për përdorues Tor nën regjime shtypëse dhe për njerëz që duan një shtresë ekstra sigurie, ngaqë janë në merak se dikush do të kuptojë që po lidhen me një adresë IP publike releje Tor-i.
Për të përdorur një transport shtojcë, klikoni mbi ikonën e rregullimeve, kur Shfletuesi Tor niset për herë të parë. Skena e parë ju tregon mbi gjendjen e rrjetit Tor. Prekni mbi “Formësoni Urë” që të formësoni një urë.
Skena pasuese ju jep mundësinë të përdorni ose një urë të brendshme, ose një urë vetjake. Me mundësinë “Përdorni një urë”, do të keni këto tre mundësi: “obfs4”, “meek-azure” dhe “snowflake”.
Nëse zgjidhni mundësinë “Me dhënie Ure që di”, do t’ju duhet të jepni një adresë ure.
Kur Shfletuesi Tor punon, mund ta shihni këtë te paneli i njoftimeve të pajisjes tuaj, pasi ta zgjeroni, tok me butonin “IDENTIT I RI”. Prekja mbi këtë buton do t’ju japë një identitet të ri. Ndryshe nga Shfletuesi Tor për Desktop, butoni “IDENTITET I RI” në Shfletuesin Tor për Android nuk pengon që të bëhet lidhja mes veprimtarisë pasuese të shfletuesit me çka po bënit më parë. Përzgjedhja e tij vetëm sa ndryshon qarkun tuaj Tor.
Rregullimet e sigurisë çaktivizojnë disa veçori web që mund të përdoren për të komprometuar sigurinë dhe anonimitetin tuaj. Shfletuesi Tor për Android furnizon po ato tre shkallë sigurie që janë të passhme në desktop. Shkallën e sigurisë mund ta ndryshoni duke ndjekur hapat e dhënë:
Shfletuesi Tor duhet mbajtur i përditësuar gjithë kohën. Nëse vazhdoni të përdorni një version të vjetruar të programit, mund të jeni i pambrojtur kundrejt të metash serioze sigurie që komprometojnë privatësinë dhe anonimitetin tuaj. Shfletuesin Tor mund ta përditësoni automatikisht, ose dorazi.
Kjo metodë merr të mirëqenë që keni të instaluar në pajisjen tuaj celulare ose Google Play, ose F-droid.
Prekni mbi “Rregullime”, mandej kaloni te “Administroni aplikacione të instaluar”. Te skena pasuese, përzgjidhni Shfletuesin Tor dhe së fundi prekni mbi butonin “Përditësoje”.
Vizitoni sajtin e Projektit Tor dhe shkarkoni një kopje të hedhjes së fundit në qarkullim të Shfletuesit Tor, mandej instalojeni si më parë. Në shumicën e rasteve, ky version i fundit i Shfletuesit Tor do të instalohet përmbi versionin e vjetër, duke përmirësuar kështu shfletuesin. Nëse bërja e kësaj nuk arrin të përditësojë shfletuesin, mund t’ju duhet të çinstaloni Shfletuesin Tor, përpara se ta riinstaloni. Me Shfletuesin Tor të mbyllur, hiqeni prej sistemit tuaj duke e çinstaluar përmes përdorimit të rregullimeve të pajisjes tuaj. Në varësi të markës së pajisjes tuaj celulare, kaloni te Rregullime > Aplikacione, mandej përzgjidhni Shfletues Tor dhe prekni mbi butonin “Çinstaloje”. Më pas, shkarkoni hedhjen më të re në qarkullim të Shfletuesit Tor dhe instalojeni.
Shfletuesi Tor për Android mund të çinstalohet drejtpërdrejt nga F-droid, Google Play ose nga rregullimet për aplikacione të pajisjes tuaj celulare.
Prekni mbi “Rregullime”, mandej kaloni te “Administroni aplikacione të instaluar”. Te skena pasuese, përzgjidhni Shfletuesin Tor dhe së fundi prekni mbi butonin “Çinstaloje”.
Në varësi të markës së pajisjes tuaj celulare, kaloni te Rregullime > Aplikacione, mandej përzgjidhni Shfletues Tor dhe prekni mbi butonin “Çinstaloje”.
Që të shihni regjistrat tuaj Tor:
If you want to share the error logs with us, you can take a screenshot. By default, screenshots are disabled in Tor Browser, but you can enable them. To do this, please follow these steps:
Për të diagnostikuar disa nga problemet më të rëndomta, ju lutemi, referojuni zërit përkatës te Portali i Asistencës.
Aktualisht, ka disa veçori që nuk i ka Shfletuesi Tor për Android, por që janë të përdorshme në Shfletuesin Tor për desktop.
Orfox-i u hodh në qarkullim më 2015 nga Projekti Guardian, me synimin për t’u dhënë përdoruesve të Android-it një mënyrë për të shfletuar në internet përmes Tor-i. Përgjatë tre vjetëve pasues, Orfox-i vazhdoi të përmirësohej dhe u bë një rrugë popullore për njerëzit, për të shfletuar në internet me më tepër privatësi se sa shfletuesit standardë dhe Orfox-i qe kyç në ndihmën e njerëzve për të anashkaluar censurimin dhe për të përdorur sajte të bllokuar dhe burime kritike. Më 2019-n, Orfox-it iu la lamtumira, pasi u hodh në qarkullim Shfletuesi zyrtar Tor për Android.
Orbot-i është një aplikacion i lirë ndërmjetësi që fuqizon aplikacionet e tjera të përdorin rrjetin Tor. Orbot-i përdor Tor-in për të fshehtëzuar trafikun tuaj Internet. Mandej mund ta përdorni me aplikacione të tjera të instaluar në pajisjen tuaj celulare, për të anashkaluar censurimin dhe mbrojtur kundër survejimit. Orbot-i mund të shkarkohet dhe instalohet nga Google Play. Shihni portalin tonë të Asistencës për të mësuar nëse ju duhen që të dy, Shfletuesi Tor për Android dhe Orbot, apo vetëm një prej tyre.
S’ka Shfletues Tor për iOS. Rekomandojmë një aplikacion për iOS të quajtur Onion Browser, i cili është me burim të hapët, përdor rrugëzim Tor dhe zhvillohet nga dikush që punon nga afër me Projektin Tor. Por, Apple kërkon që shfletuesit në iOS të përdorin diçka të quajtur Webkit, çka e pengon Onion Browser-in të ketë të njëjta mbrojtje privatësie si Shfletuesi Tor.
Mësoni më tepër rreth Onion Browser. Shkarkojeni Onion Browser që nga App Store.
Aktualisht nuk ka metodë të mbuluar prej nesh për xhirim Tor-i në versione të vjetër të Windows Phones, por për rastin e telefonave me markën Microsoft apo të promovuar nga ajo, mund të ndiqen të njëjtët hapa te Shfletuesi Tor për Android.
Nëse parapëlqehet kështu, Shfletuesi Tor mund të bëhet i bartshëm duke e përftuar nga arkivi i tij drejt e te një media e heqshme, bie fjala, një diskth USB, ose një kartë SD. Rekomandohet të përdoret media e shkrueshme, që kështu Shfletuesi Tor të mund të përditësohet sipas nevojës.
Për Windows:
Futeni median tuaj të heqshme dhe formatojeni. Do të bënte punë çfarëdo sistemi kartelash.
Kaloni tek faqja e shkarkimit të Shfletuesit Tor.
Shkarkoni kartelën Windows .exe
dhe ruajeni drejt e te media juaj.
(E rekomanduar) Verifikoni nënshkrimin e kartelës.
Kur të jetë plotësuar shkarkimi, klikoni mbi kartelën .exe
dhe filloni procesin e instalimit.
Kur instaluesi t’ju pyesë ku të instalohet Shfletuesi Tor, përzgjidhni median tuaj të heqshme.
Për macOS:
Futeni median tuaj të heqshme dhe formatojeni. Duhet të përdorni formatin macOS Extended (Journaled).
Kaloni tek faqja e shkarkimit të Shfletuesit Tor.
Shkarkoni kartelën macOS .dmg
dhe ruajeni drejt e te media juaj.
(E rekomanduar) Verifikoni nënshkrimin e kartelës.
Kur të jetë plotësuar shkarkimi, klikoni mbi kartelën .dmg
dhe filloni procesin e instalimit.
Kur instaluesi t’ju pyesë ku të instalohet Shfletuesi Tor, përzgjidhni median tuaj të heqshme.
Për GNU/Linux:
Futeni median tuaj të heqshme dhe formatojeni. Do të bënte punë çfarëdo sistemi kartelash.
Kaloni tek faqja e shkarkimit të Shfletuesit Tor.
Shkarkoni kartelën Linux .tar.xz
dhe ruajeni drejt e te media juaj.
(E rekomanduar) Verifikoni nënshkrimin e kartelës.
Kur të jetë plotësuar shkarkimi, përftojeni arkivin te media.
Kur na dërgoni kërkesë për asistencë, mendime apo njoftim të mete, ju lutemi, përfshini sa më shumë hollësi që mundeni:
Ka disa mënyra për t’u lidhur me ne, ndaj ju lutemi, shihni cila është më e mira për ju.
Kemi një numër robotësh dhe kanalesh Telegram:
Rekomandojmë të kërkoni ndihmë te Forumi për Tor-in. Që të hapni një temë të re, do t’ju duhet të krijoni një llogari. Ju lutemi, përpara se të pyesni, shihni udhëzimet tona për diskutime dhe kontrolloni te temat ekzistuese. Hëpërhë, për përgjigjen më të shpejtë, ju lutemi, shkruani në anglisht. Nëse gjetët një të metë, ju lutemi përdorni GitLab-in.
Mund të merrni ndihmë duke dërguar një mesazh tekst te numri ynë WhatsApp: +447421000612. Ky shërbim është i përdorshëm vetëm me mesazhe tekst; nuk mbulohen videot, apo thirrjet me zë.
Mund të merrni ndihmë duke dërguar një mesazh tekst te numri ynë Signal: +17787431312. Signal është një aplikacion shkëmbimi mesazhesh, i lirë dhe me vëmendjen te privatësie. Aktualisht, kanali ynë i asistencës mund të përdoret në anglisht dhe rusisht dhe përqendrohet në ndihmën për përdorues të Tor-it në rajone të censuruara. Shërbimi është i përdorshëm vetëm me mesazhe tekst; nuk mbulohen videot apo thirrjet me zë. Pas dërgimit të mesazhit, operatorët tanë të asistencës do t’ju udhëheqin dhe ndihmojnë të diagnostikoni problemin tuaj.
Dërgonani një email te frontdesk@torproject.org
Te rreshti i subjektit të email-it tuaj, ju lutemi, na tregoni se ç’po raportoni. Sa më specifik të jetë rreshti juaj i subjektit (p.sh. “Dështim lidhjeje”, “mendime mbi sajtin”, “mendime mbi Shfletuesin Tor”, “Më duhet një urë”), aq më e lehtë do të jetë për ne të kuptojmë dhe ta ndjekim problemin. Ndonjëherë, kur marrin email-e pa rreshta subjekti, u vihet shenjë si hedhurina dhe nuk i vëmë re.
Për përgjigjen më të shpejtë, ju lutemi, shkruani në anglisht, rusisht, spanjisht, indisht, banglandeshase dhe/ose portugalisht, nëse mundeni. Nëse asnjë nga këto gjuhë nuk ju bën punë, ju lutemi, na shkruani në çfarëdo gjuhe me të cilën jeni rehat, por kini parasysh se do të na duhet ca më tepër kohë për t’u përgjigjur, ngaqë do të na duhet ndihmë me përkthimin, për ta kuptuar.
Mund të na gjeni në kanalin #tor
në OFTC ose kanalin e Asistencës për Përdorues të Tor-it në Matrix. Mund të mos përgjigjemi flakë për flakë, por e kontrollojmë regjistrin e bisedës dhe do t’ju përgjigjemi, kur të mundemi.
Mësoni si të lidheni në IRC / Matrix.
Së pari, kontrolloni nëse e meta dihet tashmë. Mund të kërkoni nëpër krejt çështjet dhe t’i lexoni ato, te https://gitlab.torproject.org/. Që të hapni një çështje të re, ju lutemi, kërkoni një llogari të re për hyrje te instanca GitLab e Projektit Tor dhe gjeni depon e duhur që të njoftoni problemin tuaj. Krejt çështjet e lidhura me Shfletuesin Tor i ndjekim te ndjekësi i problemeve të Shfletuesit Tor. Probleme që lidhen me sajtet tanë duhen parashtruar nën ndjekësin e çështjeve Web.